ابي اغير دكتورتي منو ترشحون لي

[om hmni]

السلام عليكم






















امهات حبايبي انا دكتورتي امل عبدالعزيز وانا حامل بالسادس كانت اموادتني قبل سنه ونص برويال حياه واااايد حبيتها بالمراجعات وبالولاده عجيييييييبه والحين انا اراجع عندها بالسلام ما ادري اشسالفتي ابي اغيرها الله يشهد اني ما شفت منها الا كل خير بس مو مرتاحه اني اولد بالسلام مع ان الدكتوره امدحتهم وخاصه سستراتهم تقول وايد فاهمين احسن من رويال حيات ،،،، بس انا حبيت رويال حيات ارتحت وايد


شورو علي شسوي منو الدكتوره البديله اللي اروح لها برويال ان شاء الله ناويه اسوي عمليه تضييج من داخل ومن برا وابي دكتوره شاطره لان اخر ولاده عند دكتور امل لخياط ماحبيته احس امشبن وعوي لا تسآلوني شنو عوي ما ادري اشلون اوصف لكم بس بالجماع احس فيه مزعج ليمن الحين

 

[جذابه بنت ذيابه]

الله يقومج بالسسسلامه يارب ..


وانصحج بالدكتوره خالده المجيبل برويال حياة ..

 

[غير كل الناس]

اللي تعرفه احسن من اللي ماتعرفه

 

[booba]

عندج الدكتوره معصومه مخصيد شاطرة بالتضييج بس مادري اذا تولد برويال حياة ولا لا

 

[عسووله أحلى بنت]

أنصحج بالدكتورة ناهده العلي روووعة والخياطة ممتازة

 

[روحي أسامه]

أبـــــــــــــ لعيونج
واللــــــــــــه يقومج بالســـــــــــــــلامه
ويهــــــــــــــــــــــــــون عليــــــج وعليـــــــــــنا

 

[داناو]

نداء بوخضور
تهبل
برويال حياة

 

[عـــزآآآآآهـ]

انا مدحوا لي دلال السالم حيييييييييل ومدحوا خياطها والحين اراجع عندها وتولد برويال حياه

 

[من حقي أغير]

ندا بوخضور

 

[Om_3bady]

د. ليلى اشكناني وايد زينه ونفسيتها تهبل

 

[درة أهل الطولات]

ليلى أشكناني

 

[om hmni]

والله ماني قادره اخذ قراري

 

[احلى مريومه]

الله يقومج بالسلامة
للرفع

 

[^q8ia^]

اذا تبين دكتورة من رويال

نداء بوخضور وااااايد يمدحونها

وعندج بعد دلال السالم وناهدة العلي يولدون برويال

والله يسهل

 

[shaikhat al-zain]

دلال السالم ماكو عليها خوش دكتوره

 

[ام بوحنة +]

رد : ابي اغير دكتورتي منو ترشحون لي

البنات ماقصرو

كل اللي قالوهم سمعتهم زينه

بس التساهيل من الله

 

[_Pure_]

مالج الا نداء بوخضور ولا خالدة المجيبل اذا تبين من رويال حياة
واذا من بره انا عن تجربتي انصحج بالدكتوره سلوى الرفاعي ولدتني برويال حياة قبل ٣ سنين و خياطها عجيب و الحين اراجع عندها

 

[om hmni]

من اسبوع وانا اتصل علي عياده الدكتوره امل ابي ادخل عليها تقول لي السكرتيره انها مو موجوده والدتها مريضه بس الدكتوره الباكستانيه مساعدتها موجوده قلت لها لا انا ابي الدكتوره امل تسوي لي سونار .... اليوم الصبح اتصلت قلت اذا ما داومنت خلاص بروح لرويال حياه لوحده من الدكاتره اللي رشحتوها لي .... قالت لي السكرتيره موجوده قلت يمكن خيره خل اروح لها اللي اتعرفه احسن من اللي ما تعرفه علي قوله العضوه(( غير كل الناس ))

المهم رحت وعقب ساعتين دخلت قلت يلا زحمه وكل الناس نفسي تبي الدكتوره امل ما تبي مساعدتها ..... دخلت والا الدكتور الباكستانيه قاعده اتسآل وتقول لي نتيجه التحاليل جان اسالها وين الدكتوره امل قالت بالغرفه الثانيه الحين تيي قلت هالدكتوره تحضر كل شي واهيا تيي تسوي سونار..... قالت تعالي خل اسوي لج سونار سوت لي سونار والدكتوره ما يت اهيا شحليلها بس انا ما حبيت الحركه انا ناطره اسبوع ابي الدكتوره شخصيا واقول اني ابيها تيني علي الاخير تسلم علي وخلاص :lkmnkl: ليش المريضه اللي بالغرفه الثانيه مو احسن مني انا يايه العياده علشان الدكتوره امل مو المساعده طلعت متضايقه انا مو من طبعي افشل الناس وادقرهم استحي بس ما حبيت اللي صار :eh_s(2):

 

[الدلال]

فوزيه القطان مولدتني مرتين

 

[om hmni]

ياربي شسوي ...... كل ما ايجرب موعدي ودي اغير دكتورتي ماني عارفه اخذ قراري