ابي اعيد ثانويه بس توني متوظفه. .ساعدوني

[غرور الريم]

السلام عليكم
بنات مثل ماكتبت في العنوان انا توني موظفه من شهر ودي اعيد الثانويه علمي واقدر ولا لا لاني توني متوظفه
حلمي اني اجيب نسبه وادخل تربيه انجليةي بس ظروفي ماسمحتلي بليز سااااعدوني

 

[غرور الريم]

ونسيت انا معاي شهاده دبلوم من التجاري اذا جبت نتيجه حلوه اقدر ادخل التطبيقي مره ثانيه ابي تربيه اساسيه ولا لا

 

[__amool]

هلا حبيبتي انا بعد ودي اعيدها وسالت البنات بس بتوظف
باجي كورس واتخرج واتوظف تالي اعيد رابعه ماشاء الله النسب من تخرجت
والناس قاموا اييبون نسب وتدخلهم الجامعه

هالقسم للطالبات المدارس مو المعاهد والكليات والجامعه حطي موضوعج بهالقسم

طالبات الجامعة والمعاهد التطبيقية


واللي يشجع شوفي بنات المسائي كبار وصغار قاعدين يعيدونها ويابوا نسب الفال لنا حبيبتي

​

تجمع طالبات رابعة ثانوي مسائي 2011-2012 حياكم

وهم اذا كويتيه تقدرين تعيدينها مرتين وثلاثه
واذا يبتي نسبه اقل من نسبتج ماراح يحسبونها لج يخلون نسبتج الاولية انا هم بسالهم على هالنقطه
يمكن مواكيد كل ساع لهم قرار
روحي المنطقة التعليميه وساليهم

وهم حطي موضوع بقسم المعاهد والجامعات
​

والله يوفقج ويوفقني
وادعيلي بليز انه اعيد رابعه وادخل الجامعه :yaaaaaarb:

​

 

[غرور الريم]

مشكوره حبيبتي امول

 

[ضــمــاد]

اي تقدرين


دوامج يكون الصبح لـ الظهر


والمسائي يبتدي من 4 العصر



ان عدتي رابعه ثنوي , بس شهادة الثنويه تتغير


اما شهادة التجاري تظل مثل ما أهي


يعني لما تدرسين مسائي / وتييبين نسبه تدخلج الجامعه او التربيه الاساسيه


لما تتخرجين راح يصير عندج دبلوم من كلية الدراسات التجاريه + بكالريوس انقلش

 

[غرور الريم]

مشكوره ياقلبي بس انا رحت عند مدير التطبيقي وقلتله اني معدلي امتياز وابي ادخل التربيه واهو يقول ماتقدرين تدخلين الا بالبعثات الداخليه ع اي جامعه اما التربيه الاساسيه لا ماتقدرين الا اذا توضفتي وبعد اربع سنين تجبين امتياز ويقبلونج التربيه يبي وتدرسين اول جديد وماكو معادله للمواد

 

[NaYoob]

حبيبتي اذا تبين تربية اساسية روحي سالي دوامج
قسم البعثات لانا يطلعون بعد ٣ سنين حق اللي يقدمون تربية اساسية

بس اذا تبين تخصص ثاني بجامعة الكويت اوكي عيديها انا عدتها
وانا موظفة الصبح صج تعب وتكرهين عمرج بس لازم يكون عندج طموح
لانا سنه حطي في بالج كراف وخل اقولج شغله انا شهر ١٠ بيصيرلي
سنتين في دوامي قالولي احنا الاولويه نطلعهم تفرغ اللي مداومين ٤ سنين
و٣ سنين والمقدمين وايد فقلتلي نطري شهر ٥ بس انا مرح انطرهم لانا بتضيع
علي سنه من شهادتي الجامعيه فرح اقدم استقالتي قبل لا ابي هل كورس دراسه

 

[أبلة فاتن]

الله يوفقج يارب انا كنت علمي ودشيت هالتربيه ومتحسفه دام بخاطرج لا تستسلمين

 

[غرور الريم]

مشكوررين حبابيبي ويعطيكم العافيه