ابي اعرف هالشي طبيعي ولالا؟؟؟؟

[انوارQ8]

السلام عليكم

شلونكم بنات

انا في الشهر الثامن*

بنات لي اكثر من شهر بس هالإسبوعين بزيادة

عظاااامي تعورني حييييييل حيييييل بالقصب اقدر اقوم وامشي ولما انام بالقصب اتقلب وربي ألم ألم مو طبيعي
الألم في مفصل الفخذ من فوق وبظهري ومنطقة العانة
لما اكون قاعده وابي اقوم الله لايوريكم شلون الألم كأني عجوووووزة بالياله اقوم
ولما ابي انسدح بعد نفس الشي لما احرك اريولي يمين يسار بعد

وهذا الحمل الثاني لي واخر حمل لي قبل 4 سنوات تقريبا*

والله ماخذه هم الولادة الحين جذي شلون بالولادة من وين لي القوة عشان اقدر اولد

يارب سهلها علي
ابي اعرف هذا شي عادي
ولأ انا فيني شي مو طبيعي

مع اني رحت للدكتورة وقالتلي عادي اخذي كالسيوم

واسألها اقولها عظامي تعورني ما اعطتني اجابة شافية تقول عادي أخذي كالسيوم و عشان الجنين ضاغط ومدري شنو
مع ان في الحمل اللي قبل مو جذي

والله حدي خايفة ياليت اذا في وحده نفس حالتي اطمني

وادعولي

 

[عنووشه]

حبيبتي اكيد الدكتوره افهم منا

بس اتوقع نقص كالسيووم


كثري منتجات حليييب

وشوفي وزنج يمكن زايد وعظامج ماتستحمل هالوزن


الله يقوومج بالسلامه

 

[حرم_الغلا]

نقــص كـالسيــوم؟؟وثقــل الحمــل:: اللــه يهــون عليــج

 

[ام خير]

عادي حبيبتي هذا أخير الحمل يصير جسمج كله عوار بس انا كنت كله امشي حتى لو ١٠ دقايق وأقعد وحمدلله ساعدني بالولاده لاتقعدين لازم تسويين رياضه
روحي البحر شرق حلو كل ماتمشين تلقيين قعدت كافية او قهوه انا كنت جذي اروح أهناك كل ما اتعب اقعد اتقهوه ولله يسهل عليج

 

[دلوعة جروح]

حبيبتي انتي نفس حالتي بالضبط والله انا يوم السبت ادخل الثامن ونفس طريقة عوارج اللي تحسين فيه الم بفخوذي ومنطقة العانه العظم نفسه وغصب القومه والقعده والسدحه حتى التقلب بالفراش بطلعة الروح جني عيوز مع العلم وزني مو زايد وايد حده طبييييعي بس لما رحت الطبيب قالولي عادي اخذي حبتين كالسيوم بدال حبه باليوم بس طبعاً كشت لاني مو ذاك الزود مع الحبوب فهم انا احاتي الله يستر حزة الولاده هم نفسج خايفه عظامي ماتعيينني لا سمح الله واتوهق لان خبرج الولاده يبيلها حييييل هذرت وايد بس قلبا متروسه شسوي

 

[قُـمـر دنيــآي]

عادي ياقلبي فتره وتهوون وتولدين بالسلامه انشاءالله

‏​أنـْْ♡ـْْا صارلي جذي اول مادخلت التاسع حسيت ان وجولي انشلت وماتقدر احركهم كلش وكل مابغيت اتحرك يشيلوني مااقدر بروحي وانام على اليمين واليسار ماقدر لدرجه تخدر اليمين كله من الثقل صرت مااتحمل

بس لما اضغط على نفسي وامشي شوي شوي اقدرر اتحرك ويخف العووار واذا قعدت رجعت رجولي تعورني وماحركهم وظهررري وكل مكااان

بس نصيحه اذا دخلتي التاسع اضغطي على نفسج وامشي واشربي خروع ودارسين



والله يسهل علي وعليج وعلى كل البنات الولاده

 

[*kim*]

انا جذي نفسج نقص كالسيوم وما اشرب حليب وثقل الحمال

 

[ضحاوي الديره]

انصحج بحبوب الكالسيوم مع فيتامين دال اهيا حبه وحده
والله والله ماحسيت بالعافيه الا لما كليتها

 

[دلوعہ ♥]

اهمْ شيء تاخذين حبوب كالسيومْ لا تتهاونينْ دام وصت فيه آلدكتورة ،

و الحمل الثاني أكيد بيختلف عن الحمل الأولْ ،

و ان شاء الله تساهيلْ ، و ما عليج شر خيه ..

 

[-_-Designer-_-]

انا يوم كنت حامل كان جذي عظامي و قت الي انام الم مو طبيعي صوب منطقه الفخذ و الحوض , هذا اعتقد من الثقل , و انشالله بس تولدين بالسلامه كله يروح

 

[ام فواازي]

انا نفسج بالضبط بس بادي معاي من الشهر الرابع و مو بسبب الثقل انا بالسادس ومازاد وزني الا 2 كيلو نص بس لما خذيت تحاليل طلع عندي نقص بالكالسيوم مع اني اكل حبه يوميا واشرب حليب بس الدكتور قالي اخذي حبتين باليوم
وناويه اشتري حليب نستله اللي بالدعايه جنه اسمه كالسيوم حليب بودره يمكن ارتاح من هالتعب خاصه الالم يشتد مع البروده

 

[نونا حلوه]

انا بعد من الرابع حسيت فيه معنه مو اول حمل لي اتوقع نقص كالسيوم

 

[عنـــآق ..!]

،


آجر انشالله تحملي ثقل البيبي و ماعليج شر انشالله ..!


و عسي الله يسهلها عليج يارب ..

 

[Loloki]

انا بعد من بدايه حملي لان ورا بعض حملت مامو فجه الا شهرين ههههه

انا لما ابي اقلب يمين او يسار امسك ايد زوجي واقلب بعض مرات ماتقدرين تتحركين

انا ما اخذ ولا شي من اول حمل للحين كله طاف والله يستر الحين ظهري يعورني

الله كريم انا بحملي هذا زايده ٥ كيلو هههههه

 

[عجميه ذوق]

اب اب ����