ابي اعرف بخصوص الدراسه بليز

[مع الخيل ياشقره]

السلام عليكم

بنات ابي اسألكم عن تخصص رياض اطفاص عن الدراسه سهله او صعبه وشنو المواد اللي تاخذونها في انجليزي وصعب

انا نسبتي 77 وموظفه سكرتاريه بس بقدم استغاله وبدش هالتخصص بليز فيدوني ناطرتكم

 

[مع الخيل ياشقره]

بنات وينكم بليز

 

[احلى-قطوه]

للرفع
وانا نفسج موظفه ودي اكمل دراستي بنات فيدونا

 

[بنت الحوت عنابى]

ما فى شئ سهل ولا فى شئ صعب -- انتى حابه الاطفال روحى تخصص رياض الاطفال وترى دراسته يبيله شغل وكراف فى الدراسة يعنى تطلعين ميدانى تشوفين الاطفال وبحوث وتسوين العاب ومجسمات حق بعض المقررات لان فى دكاترة يطلبون وفى لا ما يطلبون كله حسب دكتور المقرر واكيد لازم تدرسين انجليزى فى 3 مقررات انجليزى لازم تاخذينهم

 

[مع الخيل ياشقره]

اوكي الانجليزي صعب يعني ولا لا يعني دسم

 

[قايد الغزلان]

الدراسه ممتعه وحلوه وسهله بس الوظيفه هلاك أنا اقول خليج سكرتاريا أحسن لان نص الابلات يحولون ادارات ومدارس

 

[مع الخيل ياشقره]

والله حدي محتااااااااااااااااااااااااااااااااااره

 

[تووووووووووته]

شوفي اختي انا بالجامعه و ان شاءالله اتخرج هالسنه .. ماكو اسهل من هالتخصص بالدراسه اللهم ماده وحده سوينا فيها وسائل مجسمات .. اما التربية الاساسيه دايما يطلعونج بالميدان بالروضه يعني تشوفين و تدرسين غير يعني يبيلج مجهود .. بس صدقيني تسوى التعب لانه بالنهايه كله لمصلحتج .. الوظيفه الحمدلله حلوه اذا بالج طويل و مايقصرون البنات بالمنتدى بالافكار و بالروضه بعد ( التدريس بشكل عام كله تعب بس الرياض فيها مميزات غير المراحل الثانيه تطلعين مبجر تعطلين مبجر لا امتحانات ولا درجات و اولياء امور و ازعاج .. تحملي الاطفال و حبي شغلج تمر السنه على خير ) .. الله يوفقج و بكل الاحوال صلي استخاره

الانجليزي حسب الدكتور سئلي عن احسن واحد او وحده تعطي الماده .. انا والله اخذت انجليزي عالبركه و نجحت عند دكتوره ما تؤمن بمبدأ السقوط لا تخافين منه نهائي اهم شي الدكتور ..

 

[ZoOoz2]

والله شوفي حبيبتي

اولا الشهادة بهالزمن اسلاح وضرورية جدا يعني اذا يتلج فرصة اتكملين لا تتردين

انا كنت مشرفة تقنيات ابمدرسة ابتدائية اخذت اجازة دراسية ودخلت كلية التربية الأساسية

تخصص رياض اطفال ولله الحمد الحين انا ميداني كورس تخرج

التخصص حلو حق الي تحب اليهال ولها بال اطويل مو تذمر وعصبية وباجر اتحط حرتها في اعيال الأوادم

في كرف وفي شغل بس انتي مو الا اتبالغين حلا ته الشي البسيط ومن المستهلكات الي عند والمغزى او السر في اسلوبج وطريقتج ابجذب الطفل

يعني اتخبين عمرج واتحطين واتشيلين وانت جمود حتى ابتسامة مافي

بالنسبة حق مواد الأنجليزي سهلة وسألي حزتها عن الدكتور الزين والله انا بالنسبة لي مو فلته بس والله عملري مادرست حق الأنجليزي

يعني المقرر على حسب الدكتور ولا يصعبه ولا يسهله يعني اهو مقرر واحد ودكتور ياخذه جد ويعقد الأمو ودكتور يسهل الأمور وياكم

وفي شغلة التربية الأساسية اكثر شغلها ميداني وتقارير ولا في مواد ادرسين البنات كأنهم يهال

والحمدالله انا الحين لمن اطلع من الروضة واشوف الأبتدائي والمتوسط والثانو للحين ما اطلعو احمد ربي كل يوم اني اخترت رياض اطفال

وسامحيني طولت عليج اتمنى اني فدتج واي شي حاظرين للطيبين