ابي اطلع من التدريس شلون؟

[نوار]

السلام عليكم
شلونكم بنات شخباركم
ابي اسأل في قانون نزل يديد انه اقدر احول حق وزارة ثانية والا للحين على القرار القديم انه ما اقدر احول اذا انا تربوية
عفيه ابي جواب تكفوووووون :eh_s(16):

 

[الأميرة جوري]

الله يكتب لج اللي فيه خير...بالتوفيق

 

[love^angel]

اذا تربويه مالج نقل الا عقب ١٠ سنين واذا بتستقيلين لازم تكون لج خدمه سنتين.. انا ريحت عمري واستقلت بس ناطره اسمي بالديوان طلع بالتربيه ورفضت طبعا وللحين انطر.. الله يوفقج

 

[مزيـانه]

ما عندي علم

ربي يكتب لج الخير

 

[أميرة 22]

انا ودي استقيل عندي ظروف وما اقدر اداوم

شلوووووووووووون الاستقاله ... بالتربية ؟

شنو خدمة سنتين !!!!!!!!!!!!!
موووووووووو قادرة اداوم شلون اقدم استقالتي ؟؟؟

عفيه اللي تعرف ترد علي ..

 

[عزتي مالها حد]

عند ديوان الخدمة المدنية الخبر اليقين
روحوا عند ديوان الخدمة المدنية عند احد المستشاريين سألي السيكيورتي اي طابق
واستفسري عن كل اللي بخاطرج
لان هناك عندهم اخر قرارات ومستجدات التربية
وموفقين خير ان شالله

 

[سميرة الحلوة2]

الله يوفقج

 

[نوار]

مشكورين وماقصرتوا على الرد يا احلى بنات

 

[كلي لكـ]

سمعت بالقرار بس طبقوه او لا مادري

 

[درة أهل الطولات]

ليش ما راجعين الوزارة احسن تاخذين الخبر اليقين

 

[بنات حواء2]

الله يوفقج

 

[قاهرتهم 2011]

للاسف التربويه صعب شروط تحويلها واذا استقالت ما يوظفونها بوزاره ثانيه الا بعد سنتين يعني صعب على اللي ما عندها احد يصرف عليها .. حسبي الله على وزارة التربيه لا هم اللي تاركينا ندرس بدون خرابيط ثانيه ولا هم اللي تاركينا بحال سبيلنا

 

[معلمة_منكوبة]

لأ حبوبه ماله شغل تربويه واللا لأ .. بس السالفه كلها بالواسطه .. انا اللي اعرفه اذا كان تبين

تنقلين يبيلج عشر سنين خدمه بالتربيه .. بس هم ارد واقولج كل شي بالواسطه ومو أي واسطه ..

ليش تبين تطلعين ؟؟ يمكن فتره حايشتج مثلي

جربي بالندب أول شي اذا مصره .. ندب حق مدرسه ثانيه اذا مو مرتاحه بمدرستج ..

هذا أسرع شي ليلحين

 

[نوار]

مشكورين تتوقعون لو لقيت واسطة عند الوزير يوافق وإلا لا ؟

 

[ملامح بريئة]

اتو قع هالحاله تحوش كل مدرسة مو من الشغل من الحريم اللي بالدوام تغث الوحدة و ترا قرار الاستقالة مو شوية يبيله واسطة نقل خدمات من وزارة الي وزارة ثانية بس هالحالة حاشتني قبل مالها حل الا. الاستغفار و الاكثار من الحمد و الشكر ووظيفتها ابرك من غيرها عالاقل فيها اجر ومحللة معاشك والكل يبي يحول تدريس و لا تهقين الوزارات كلها مرتاحة ترا النقل مو شوية و مو اللي ببالك تحصلينه و الحمدلله علا كل حال و موفقة

 

[عود وطيب @]

أخذي إجازة من غير راتب افضل من الاستقالة

 

[أميرة 22]

عود وطيب


شلون اجازة بدون راتب ؟؟؟
يعني عادي لو قعدين مثلا نص كورس ما داومت لظروفي الطارئة والخاصة !!
وعند منو اخذ اجازة من دون راتب يعني اكلم الناظرة ؟؟؟؟؟؟؟؟؟؟؟؟؟؟؟؟

 

[بدون حبيب]

بنات انا اكره التدريس ومافكر أصير مدرسه أخاف انحط يما بين حريم ومشاكل وحسدددددد وأي يما احسه مجتمع استغفرالله بنات ليش تبون تستقيلون؟؟؟

 

[روح التعاون]

السلام عليكم ابي اعرف اذا ممكن وين اقدم حق وظيفة انا راض اطفال بالديوان ولا التربية ارجو الرد وشكرا

 

[روح التعاون]

السلام عليكم ابي اسال اذا ماكوكلافة وين اقدم انا رياض اطفال عالديوان ولا وزارة التربية؟وشكرا ارجو الرد