ابي اصير مدرسة روضة يصير ولا مايصير ؟!

[فديته يخرب بيته]

السلام عليكم ..

شلونكم شخباركم ؟؟

بنات انا خريجة جامعة خاصة تخصص تمويل ادري كلش ماله علاقة بموضوع الروضة بس من زمان بخاطري اصير مدرسة روضة وماقدرت ادش تربية اساسية سؤالي الحين يصير ادش تربية اساسية بشهادتي البكالريوس ولا مايقبلوني؟؟

وشغلة ثانية سمعت ان يصير ادرس بالـkg بالمدارس الخاصة صج هالحجي ؟؟ واذا صج وين اروح اقدم اوراقي


ياريت تفيدوني لو بشي بسيط حده بخاطري هالشي من زماااااان*

 

[^^طالبه^^]

تسوين تحسين نسبه حبيبتي
واذا عمرج ماتعدى 20 يصير تعيدينها بخاصه
واذا تعدى مالج الا مسائي
واذا انتي خريجة موحد يحسبون لج نسبه 60 بالميه من النسبه
واذا قبل 2008 يحسبون لج النسبه 100 بالميه
ومايصير يقبلونج علي البالركرويس

 

[غـلآوي ّ ~]

بالضبط ما أدريّ بس حرآم تخصصج حلوو
ؤخريجة جآمعه بتردين تدرسين 4 سنين مره ثآنيه بالتربيه !!

أنا أقول خيره لج خليج علئ شهادتج و قدمي علئ الديوآن

مـوفقةةة

 

[جذابه بنت ذيابه]

نفس كلام غلاوي

حرام تضيعين عمرج بس قدمي بالمدارس الخاصه اذا ودج

 

[فديته يخرب بيته]

تخصصي حلو حق القطاع الخاص وجربت القطاع الخاص وكرهت الوضع وتوني مستقيلة وهالتخصص كل من يقول ماله مكان بالحكومة اول ماتخرجت قبلوني الاوقاف ورحت المقابلة عزرو فيني ليش ياية اهني احنا خدمة اجتماعية ليش ماتروحين بنوك و و و يعني قبلوني وشحططوني معاهم عشان اخر شي يرفضوني وادري الحين لما برد اقدم ع الديوان ماراح يقطوني بوظيفة لها شغل بتخصصي عشان جذي كرهته وابي اشتغل بشي انا احبه

جذابة بنت ذيابة
عندج فكرة شلون اقدم بالمدارس الخاصة وين اروح؟؟

 

[رشاقة]

حبيبتي من صجج؟؟؟؟
تخصصج للبنوك ومعاش البنوك اكثر من معاش المدرسات
ليش كرهتي الوضع ؟؟؟

 

[فديته يخرب بيته]

حبيبتي انا مو هامني المعاش اكثر ولا اقل اهو صج كان وايد بس بالمقابل ماكنت اشوف اهلي ولا رفيجاتي البيت نفس الفندق بس انام واقوم اروح الدوام صج ماكو حياة اجتماعية ذبحت نفسي ع الدوام واشتغلت بذمة وضمير وكرفت كرف ومالقيت تقدير تحبيط وتدقر ويقولون كل شغلج وهالتعب ولاشي اذا مايبتيلنا تارقت انا تيلر شدخلني بالتارقت وفوق هذا اشكرا المدير يقولي لاتتوقعين تقييمج بيكون شي عدل غير الحجي والسوالف الي ماله داعي اقولها من الاخر البنك يبون واحد عادي يقص ع الناس ويجذب عليهم المهم انه ياخذ فلوسهم ويحطهم بجيب البنك هذا عندهم يادهينة لاتنكتين

 

[رشاقة]

وييي حاشني احباط .. لاني كنت ناوية اتوظف في بنك مشالله معاشكم 1200 ويزيد .. لانه رفيجتي من شهر تقريبا قبلووها في بيت التمويل وتخصصها نظم معلومات بس توها عندها دورة شي جذي علشان الوظيفة
بغيت اسالج صارلج جم سنة في البنوك تشتغلين؟؟ ميخالف تفيديني بخبرتج
وشنو الايجابيات والسلبيات ؟

 

[فديته يخرب بيته]

والله ماصار لي وايد ١٠ شهور بس انا مابي اكلمج عن البنك الي اشتغل فيه يمكن البنوك الثانية احسن منه مابي اعم ع الكل بس بشكل عام راتبج فوق الالف وتأمين صحي وتذكرة سفر وبونص سنوي هذي ميزة كل البنوك وعيبهم ان الدوام لي الساعة ٣ وتطلعين ٤ هذا بالافرع السكنية وبالافرع التجارية لي ١.٣٠ والعصر لي٧.٣٠ جذي ولا جذي يومج كله رايح بالدوام واذا نوعج معارفج وايد ايون يفتحون حسابات ويحطون ودايع وياخذون قروض بيحطونج على راسهم بس اذا تشتغلين شغلج وبس ومادبسين احد بقرض ولا وديعة فإنتي موظفة دون المستوى (طبعا بالنسبة لهم) لانج مو فايدتهم بشي انا من وجهة نظري والي انا مقتنعة فيه ان البنك يصلح حق الي مو متزوجة وانتي بعد سألي ناس اخبر مني احسن *

 

[عسل مرت قيمر]

الصراحه زين سويتي طلعتي من البنك وصح كلامج يصلح حق وحده ماعندها لا شغله ولا مشغله ولا متزوجه

 

[برنسيسة2007]

حبيبتي الله يوفقكج ويسعدج
بس ترا التدريس وجو العمل صعب حاله حال البنك لاتدبسين عمرج فيه
صج تطلعين وحده ونص لكن كل شغلج معاج في البيت هذا غير الكرف في المدرسه مناوبات اذاعه مدرسيه احتياط غير حصصج وتوزيع الحصص قهر فلانه خبرتها اكثر منج تاخذ حصص اقل يعني طوووول عمرج اكثر منها بالحصص
وهذا غير جو العمل الخايسر ومداحر الحريم وغيرتهم وكيدهم
وفوق راسج رئيسة القسم والموجهه والناظره وكل ما ادخلت وحده تفلسف وسوي وحطي
تبيني الراحه اتفكرييييين فيه ابدا

نصيحتي رجعي على البنوك وحاولي تعايشين مع الوضع
ترا احنا يا المدرسات نطلع وحده ونص مع الزحمه وعلا ماتضبطين شغلج نوصل البيت ثنتين ثنتين وشي هذا اذا ماعندج مناوبه نهاية الدوام يعني مايفرق عن دوامج الا بساعه
حاولي تعايشؤن مع ددوامج وتغيرين من شخصيتج وتناسي كل المواقف السلبيه والجروح اللي مريتي فيها
واستعيني بالله الدعاء والاستغفار

 

[برنسيسة2007]

مايصير توضفين في وزارة الماليه؟؟؟

 

[فديته يخرب بيته]

برنسيسة اصلا مايصير اصير مدرسة تخصصي مو تربوي يعني ماراح تضبط السالفة وان شاء الله بقدم ع الديوان بس يبطل وجان زين يحطوني بالمالية كنت اتمنى هالشي قبل لا اروح اقدم ع البنوك بس سويت ربط والرقم ماتلحلح ٦ شهور لما مليت وعلى حظي كل
شوي مستقيلة الحكومة يلا الله كريم نشوف هالمرة وين بيقطوني