ابي اصير ادمية مثل الأوادم @ساعدوني بتقسيم معاشي@

[ام حمود 81]

حبيبتي اول شي اكثري من الاتغفار و اقري سورة الواقعه كل يوم عشان ربيسبحانه و تعالي يفكج من الديون باذنه ( والله اعلم)
ثاني شي سوي نفسي .. بدايه خشي مبلغ لو 10 دنانير ترا العشرة نطيرها بربع يوم وما ندري وين راحت و عشرة على عشرة على عشرة تسوي شي و انا اختج ... باالول كنت اخشتها تحت الريسيفر خخخخخ وبعدين فتحت حساب دانه ببنك الخليج عشان مافيه كي نت و صرت اخشهم فيه مع الوقت تحمست و العشرة خليتها 50 لي صار عندي مبلغ الف و سبعنيت دينار ... و صدقيني صارتلي ظروف تشيب الراس و مافادني الا هالتحويشه ... والله الرازق
بديت هالشي بعمر 21 سنه ... الحين عمري 27 ما اقدر يمر شهر بدون لا اخش شي منه

الله يفك ضيقتج و يفرجها عليج من اوسع ابوابه يارب

 

[أم وهابي]

موظفه صار لى 16 سنه بالوزارة وما قدرت ايمع ولا فلس

بعد معاناه طويله شوفوا شنو الللا نفع معاى وخلانى اوفر 3 الاف دينار بأقل من سنه

اول شى الغوا شى اسمه فيزا
لا تاخذون قرض لو شنو يصير واللى محتاجه تتسلف

هدايا اجتماعيه اشتروا وقت التنزيلات واحتفظوا فيهم لوقت الحاجه

ملابسكم واكسوارتكم كله اخذوها وقت التنزيلات

الجواتى اعزكم الله

اخذوها اذا تحبون من سيتى سنتر السالميه

الدو - شو توك - ناين ويست وايد ارخص من المجمعات الثانيه

جمعيات لا تدشون مع خلق الله وفتحوا حساب ثانى بالبنك بدون بطاقه

كلكم فتحوا حساب بالانترتت وخلوا التحويل عن طريق الانترنت بدون عموله وجدام عيونكم واسرع

حاولون لا تحطون فلوس وايد بالجنطه وحطى على قدج

اذا تبون ادخلكم بحساب شركه الخليج للتامين بمبلغ صغير دشوا وما تقدرون تسحبون الا بعد فتره

والله يا حبايبى اتبعت هالطريقه حسيت نفسى صرت اداميه اول كله مفلسه وما عندى حتى فلوس بنزين سيارتى

شوفوا الموقف اللى خلانى احس على دمى


رايحه البنك باستلم بطاقه البنك ولقيت زحمه بالبنك نطرت دورى ساعتيت وبعد الساعتين طلبت منى الموظفه 5 دنانير رسوم البطاقه تدرون شنو الرد

ما عندى وما استلمت بطاقتى وتفشلت مع انى لابسه نظاره وجنطه وساعه ماركه وما عندى والله يا بنات 5 دنانير

 

[bint_looda]

وفري لو شويه وهالشويه بتنفعج في يوم من الايام .. كثري استغفار وكل شهر طلعي صدقه والله الرازق من غير حول لنا ولاقوه

 

[شراديه]

أم وهابي حياتي اشلون طريقه شركة التأميــــــن؟؟؟؟؟

تقدرين اتفيديني ماعليج أمر؟؟؟؟

 

[فراشه]

تبون تحسون معاشكم في بركه ومايخلص بسرعه وتستانسون في تصدقوا منه بجزء بسيط او كفلوا يتيم بعشر دنانير بشهر بس

والله عن تجربه ماكو احلى من جذي

انا معاشي 600 اتصدق منه وايمع منه واستانس في ولا يخلص الف الحمدالله قولوا ماشاء الله تبارك الرحمن

 

[بس خلاص]

انا مااشتغل بس مقهوره من نفسي انا وريلي اقول 10 سنين متزوجين مايمعنا شي؟؟؟القهر واللي ياب لي الكابه يمعنا مبلغ محترم وطار كله عشان اكتشفت ان ريلي كان عليه ديون مت من القهر وحرمت نفسي واخرتها طارت الفلوس
الاسهم طيرت النص الثاني
اقول متى بنشتري ارض؟؟متى بنحط شي حق عيالنا؟؟
وكنت اقول لو اتوظف بسسسسسس ووطلعوا الموظفات حالههم من حالنا
الله يعين

 

[p_ian_o]

والله العنوان ضحطني هههههه

ما أقدر انصحج ولا أقدر اعطيج اي طريقة لأني انا اخس منج

انا مايطون 5 أيام إلا كلللللل المعاش خاااااالص ومن غير مبالغة . وطول الشهر طرارة هههههههه
ولما ينزل المعاش اسدد الديون وهم 5 ايام يخلص ... وهكذا هههههه

 

[دلـــع_الكويــت]

فراشة عليج بالف عافية حبيبتي الله يزيد ويبارك لج ياااارب...بس صاجة والله وعن تجربة ...الصدقة وكافل اليتيم ...والله جربوها بنات...وعلى نياتكم ترزقون..

بيانوووووووووو ضحكتيني نفس حالتي اما سالفة الديون....يبتيها راااااااااااااااااااااايت !! لووووووووووول

الله يفرجها ان شاء الله ...

 

[هنـــد]

اي والله الصدقه اهم شي بالمعاش فيها البركه وزيادة الرزق

والفلوس مو على كثرتها ابدا على بركتها

وطريقة الاظرف روووعه

شوفي شنو التزاماتج وشنو اللي لج واللي عليج

من قسط سياره من جمعيه من التزامات ضروريه لازم تندفع كل شهر وشوفي جم الي بقى

يبيلج ظروف وكل ظرف كتبي فيه اللي بتصرفينه هالاسبوع

وقسمي هالطريقه على شهر

يعني مثلا ظرف الصالون 10 دنانير

ظرف مصاريف أخرى 20 دينار

مصاريف الطلعات 20 دينار

مصاريف الويك اند 20 دينار

يعني كل اسبوع 70 دينار وقسمي هالظروف لمدة اربع اسابيع والباجي ادخريه

حوليه من معاشج على بطاقه بدون كرت

واستمري على هالطريقه


اما شلون اذا وحده اهيا وزوجها يبون يدخرون

اول شي يشوفون التزامات اللي عليهم والديون والاقساط الخ المبلغ المتبقي

يتقسم على الأظرف

راح يكون ظرف الجمعيه ( طبعا راح يكون المبلغ بسيط لانكم بداية المعاش تشترون كل شي وهالمبلغ حق الشغلات الي اتخلص ورخيصه يعني تقريبا 30 دينار او 40 )

ظرف مصاريف المدرسه ( يعني مثلا عندكم 4 اعيال كل واحد يأخذ نص دينار يعني هالظرف لمدة اسبوع يكون 10 دنانير )

ظرف البنزين ( لمدة اسبوع تقريبا 15 او 20 دينار على حسب نوع السياره والصرف انتو اتقدرون جم الصرف)

ظرف البقاله ( يعني تقريبا على حسب صرفهم انقول كل واحد نص دينار يعني 10 دنانير وحسبتها على 5 ايام اقولكم ليش بعدين )

ظرف مصاريف اخرى (يعني على حسب الظروف واحد من اعيالكم يبي مكتبه واحد يبي اغراض المدرسه وهم يتراوح من 20 لي 30 دينار)

اخر ظرف اهو الويك اند ( يعني مالكم شغل باللي طاف يبدأ صرف هالظرف من عصر يوم الخميس لي عصر يوم السبت ويشمل بنزينكم والبقاله وطلعاتكم وهم على حسب الظروف وتقديركم لمصاريفكم )

وهالظرف اتوزعونها على اربع اسابيع وبجذي تقدرون صرفكم والتزامتكم والباجي اتيمعونه

وعليكم بألف عافيه

 

[كويتيه وافتخر]

والله وانا من سبع سنين متوظفه وماحوشت شيء

بس انا بفضل الله معاشي يكفيني لاخر الشهر ومااخذ من حد واعطي امي وابوي لازم من معاشي كل واحد 100 شهريا

 

[زهره تشرين]

تدرون بنات خذو من نصيحتي لاني مسويته و ما شيه معاي.سويلتش جره حطي فيها كل يوم الصبح اللي يطلع من خاطرتش ربيه ان شاء الله بتقولين شفيها هاي قاعده أقولها بوفر.اسمعي مني ولا بتندمين طول حياتتش المهم خذي هذا المبلغ كل يوم جمعه و خلي زوجك يحطهم في التبرعات و سوي هل الشي كل يوم جمعه و بتشوفين حياتش مره وحده انقلبتزبركه و زياده بالرزق بس لا تنسيني بصالح الدعاء

 

[كل شي فيني اكتمل]

متنا من الفيزا و الماستر احسها بواقة المعاشات ..ما تهنين بالفلوس و تمين طول عمرك مديونة لهم

الحال من بعضه بس والله الواحد لازم يغير هالطبع لان الدنيا ما تتم على حال

يمعي عند امج او احد ثقة و قوليلهم لا تعطوني الفلوس حتى لو ابكي :krkrkr:

 

[حب من طرف واحد]

نفس الحاله؟؟؟؟؟؟؟؟

 

[rr202rr]

نفسي بالضبط

 

[أم وهابي]

أم وهابي حياتي اشلون طريقه شركة التأميــــــن؟؟؟؟؟

تقدرين اتفيديني ماعليج أمر؟؟؟؟

مبلغ تدفعينه كل شهر او كل 3 او 6 شهور او سنه كيفج

تشغلينهم فى صناديق استثماريع والفايده مع المبلغ بعده مده

اذا يهمج الموضوع دقى على وافهمج الطريقه 97503131