ابي اشتري هديه رجاليه...ممكن مساعدتكم بلييز؟؟؟

[زبــــــــدة]

سلااااام


بنات انا ابي اشتري هديه رجاليه..

بس مادري شنو اشتري

محتااااااارة...

فكرت اشتري عطر وشمااغ...بس مادري من وين اشتري شمااغ؟؟؟؟

وابي اسألكم عن العطور العربيه..شنو احسن عطر واحلاهم؟؟؟ومن ويييييين


بليييز اللي عندها افكار تكتب وتكتبلي من وين بالضبط وبجم؟؟

 

[al7lwa` `]

الشماغ روحي المباركيه او البلوكات


والعطور روحي العربيه للعطوور شغلهم حلو وانتي اختاري على ذوقج

 

[زبــــــــدة]

استحي ادش اشتري شماغ هههههههههههه احس فشله والكل بيخزز...

مشكورة حبيبتي بروح العربيه..اهو موجود بالافنيوز؟؟؟

انا بس اعرف اللي بالمهلب جنه

 

[Om-Yassofy]

حبيبتي انا مره شريت شماغ جيفينشي اب 17 دينار اذكر من جمعية الفيحا برا الجمعيه يصير .. (بس على فكره ترى الشماغات والغتر قياسات يعني قبل لا تشتريله تأكدي من قياس الغتره اللي يلبسها )

ممم عندج بزمات اس تيديبون حلوه وايد ...

وقريت فكرتج مالت السبا بموضوع شنو الهبه وااايد عجبتني الفكره انصحج فيها ..

اشتري جم بلوفر على جم قميص من محل بول سميث ترى سوالفهم حلوه واسعارهم زينه ..

واذكر مره رفيجتي سوت حق ريلها مداليه من الفنار المحل اللي يم قوتشي نسيت اسمه (المداليه اكتبت فيها اسمها واسم ريلها و تاريخ زواجهم جنه ماذكر) بس عجبتني فكرتها ..

اخذيله جوتي عزج الله .. اذا يحب يلبس تريننقات اخذيله جوتي رياضه من لاكوست اسعارهم معقوله في على ثلاثين وفي بالاربعينات

(ترى على فكره انا قاعده اعطيج افكار وانا مادري جم العمر ) لووول يعني على حسب العمر نقي الهديه عرفتي

سويله كيكه من جوجو كب كيك اللي بالفنار اتينن الكيكه (عباره عن كب كيكات يم بعض وايد حلوه) اعتقد سعرها 25 ماذكر ..

اذا فكرت بشي راح اقولج *.*

 

[Om-Yassofy]

حبيبتي انا مره شريت شماغ جيفينشي اب 17 دينار اذكر من جمعية الفيحا برا الجمعيه يصير .. (بس على فكره ترى الشماغات والغتر قياسات يعني قبل لا تشتريله تأكدي من قياس الغتره اللي يلبسها )

ممم عندج بزمات اس تيديبون حلوه وايد ...

وقريت فكرتج مالت السبا بموضوع شنو الهبه وااايد عجبتني الفكره انصحج فيها ..

اشتري جم بلوفر على جم قميص من محل بول سميث ترى سوالفهم حلوه واسعارهم زينه ..

واذكر مره رفيجتي سوت حق ريلها مداليه من الفنار المحل اللي يم قوتشي نسيت اسمه (المداليه اكتبت فيها اسمها واسم ريلها و تاريخ زواجهم جنه ماذكر) بس عجبتني فكرتها ..

اخذيله جوتي عزج الله .. اذا يحب يلبس تريننقات اخذيله جوتي رياضه من لاكوست اسعارهم معقوله في على ثلاثين وفي بالاربعينات

(ترى على فكره انا قاعده اعطيج افكار وانا مادري جم العمر ) لووول يعني على حسب العمر نقي الهديه عرفتي

سويله كيكه من جوجو كب كيك اللي بالفنار اتينن الكيكه (عباره عن كب كيكات يم بعض وايد حلوه) اعتقد سعرها 25 ماذكر ..

اذا فكرت بشي راح اقولج *.*

ياليت تقولين جم ميزانيتج بعد عشان نفكر عدل ههههه

 

[زبــــــــدة]

حيااااااتي مشكوووووووورة

ميزانيتي 50 دينار بس شسوي للحيني طالبه

واهوا عمره 29

انزين قياس الغترة شلون يعني ... ادري ان فيها قياسات بس شلون اعرف مابيه يدري :tomato2:

اهوا طويل طوله 188 شرايج انتي ؟؟ بما انج خبرة هههههههه:dddds:

 

[تمنيتك]

اشتري طقم بوك مع ميداليه او قلم .. ماركه

 

[زبــــــــدة]

up


up

ابي افكار بعد

 

[الدانة-81]

حيااااااتي مشكوووووووورة

ميزانيتي 50 دينار بس شسوي للحيني طالبه

واهوا عمره 29

انزين قياس الغترة شلون يعني ... ادري ان فيها قياسات بس شلون اعرف مابيه يدري :tomato2:

اهوا طويل طوله 188 شرايج انتي ؟؟ بما انج خبرة هههههههه:dddds:

اذا تبين تعرفين قياس غترته سئلي بطريقة غير مباشرة--
مثلا اذا انتو قاعدين ألفي سالفة: أمس شفت واحد قصيير و لابس غترة طوييلة جنها مهاد

عاد اهو بيضحك و انتي قوليله شنو انتو عندكم قياسات مثل الحجابات؟؟!



و بالنسبة للهدية اذا اهو سبورت اخذيله السويس آرمي عرفتيها؟!!
هذي ما تكلفج الا 30-40 دينار و في أقل---و الباجي من ال50 عطر

 

[ام فارس و محمد]

ممكن طقم لبس او ميدليه تكون مميزة للمفاتيح

و لو شايفاها بسيطه ممكن تشتري معاها عطر او ساعه او قلم فاخر او طقم سبحة وسجادة

او ساعه قيمه او دهن عود ,, او عطر هو يحبه

او مرايا علي شكل قلب و تكتبي اسمه عليها بالوان الزجاج


و هناك موضوع للعضوه (مملكة الكاكاو) علي الرابط فيه بعض الافكار

http://www.q8yat.net/showthread.php?t=477778

اتمني اكون فدتك و لو قليل

 

[جلاديلياس]

حبيبتي عندج قصر الجلود مسوي تخفيضات روعه , وعندج دانهل شماغاته رووعه وسعرهم حلو واايد

 

[زبــــــــدة]

مشكورين بنااات


وين القى محلات الشماغات...

يعني الماركات..؟؟

انا شريتله ست عطر مع شاور جل وافتر شيف...

وبشتريله شمااغ...

او شي ثاني بس مابي غالي

 

[مناكير احمر]

ماانصحك تاخذين شماغ ..يمكن تتوهقين بالمقاس او بالخامه ...وتعرفين الناس اذواق..
خذيه له كبك ماركه..

او قلم ماركه

او محفظه رجاليه

او ساعه ماركه على حسب ميزانيتك,,

او مسباح كهرمان او احجار كريمه

 

[مناكير احمر]

طبعا انتي وميزانيتك...
او بيجامه رجاليه كشششششخه..

او جاكيت رجالي جلد او صوف او حياكه خفيفه للشتاء من زارا او سنتر بوينت..

يعني لو كانت ميزانيتك محدوده اشتري ارخص شيء وهو الكبك وسعره ب250ريال سعودي..
وغلفيه

واذا عجبتك مشاركتي ..
اماااااااااااااااااااااانه تدعين لي ان الله يرزقني الولد الصالح عاجلا غير اجل..
أنا وكل محرومه..
أميييييييييييييين..

 

[amna_83]

تقدرين تشترين قطعة خام دشداشة
من البلوكات

 

[كوكو دلوع]

حبي انا ريلي طوله 182
ويلبس غتره مقاسها 60
روحي جمعيه الروضه عند الملابس الشعبيه
بره الجمعيه طبعا صوب الكنفاني راح تلاقين اللي تبينه
ان شاء الله