ابي اشتري هديه حق ابوي .. بس الميزانية مش ولابد

[تربوية11]

مرحبا بناااااااااات


ودي اشتري هديه حق ابوي
شي حلو ويعجبه

فكرت اشتريله عطر .. بس للأسف عطوراته ماشاءالله واجد
يعني هديتي ماراح تكون غريبه او سبشل بالنسبه له

شنو اقتراحاتكم بنات .. ؟

المشكلة انا طالبه يعني الميزانية مش ولابد

حدي 30 دينااار


بنااات تكفون ابي شي يعجبه

 

[أم هـجـرس]

روحي ساعات اون تايم في عندهم ساعات اسعارهم حلوه

مممممممممم

او اذا كانت عنده هواية معينه يبيله اغراض هوايته او سألي امج شنو الشي الي ابوج محتاجة واكيد راح تقول لك شنو

ترى الهدية تيي حلوه اذا كان الشخص محتاجها ويتله فجأه

 

[al-zabarjad]

اي صح انا مع أم هجرس

بس ترى تقدرين تشترين له مسباح إذا اهو يحبة
مع غترة وعقال وتغلفينة بطريقة ذربة

إذا اهو راعي ديوانيات تقدرين اطرشين له بالدوانية كيكة مكتوب عليها كلام حلوو مع مجموعة ككاو حق ربعة
حدااا راح يطير من الفرح على هالحركة
واحنا مجربينهاااا

وإن شاء الله أكون فدتج

 

[^كويتية^]

تقدرين تعطينه كرت حق مساج
هذا اللي بالمهلب فوق حق السبا مال الرياييل شحلاته والله
وصدقيني بيستانس

 

[ToOoFe]

عندج ام خالد شغلهها رووعه
وتسويلج ب30 وب25 وب20
وشغلها والله حلوووووو

 

[ㄨعلويه ㄨ]

ان شاء الله البنات فادوج حبوبه

 

[supermarket]

اخذيله غترة او شماغ كشخة

او اشتريلة خام شتوي يفصله دشداشة

 

[تربوية11]

مشكورييييين حبايبيىى كل اللي مروا

يعطيكم العافية ماقصرتوا

 

[ماكينتـ*زينة*ـوشة]

الله يخليلج ابووج يارب


انا اقوول اشتري له بووك .


واذا كان يحب الاقلام اشتري له قلم


اتمنى اكوون فدتج

 

[inlove_i]

اشتريله جوتي للشتا من السرحان ترى يحبون هالسوالف

او سويله مساج بسبا تايم تقريبا بـ 25 واااااايد حلو المكان رفيجتي مسويته حق ريلها حده استانس ع الجو والمكان

 

[pink-rose]

طرشي له علي البيت بوكي ورد مع علبة كاكاو