ابي اشتري خيمة سونا ... من وين ؟ و بجم ؟ و شنو احسن شي ؟

[لــــين]

:68_asmilies-com:


مثل ما انتوا شايفين بالعنوان


ابي اشتري خيمة سونا ... بس المشكله ما ادري من وين اشتريها ؟ و شنو احسن نوع (اذا في انواع) ؟ و بجم ؟؟ <=== علشان لا يقصون علي _03BA:



لحظه لحظه لحظه .. قولوا لي شلون اقدر استخدمها ؟ يعني عادي اقعد فيها بالصابون المغربي ؟؟
اقدر اغسلها ؟؟
اللي جربوها .. شلون شايفنها تسوى ؟؟ ولاا مـــا استفدتوا منها ؟؟؟!



:eh_s(8):

 

[ghalaty]

في محلات الي بمجمع الاذينه لتجهيز الصالونات والاسعار متفاوته

 

[جوك احلى جو]

اي انا بعد بس بعرف شنو احسن ماركه وشلون طريقه الاستخدام ياليت تفيدونا اكثر

 

[الجمال اليوسفي]

هلاا حبيبتي .. والله مرت اخوي شرت وحده من اللي يعرضونهم بالوسيط .. بس ضعفت حيييل وفتح لونها..

واتوقع سعرها بالعشرين ..

 

[مميزة خلقة]

حبيبتي اذا تعرفين احد بيروح دبي خليهم يجيبونها لج من السوق الصيني عندنا بالكويت ب35 دينار وانا شريتها من هناك ب 18 دينار ونفس اللي عندنا ويمكن احسن الحين صارلي سنتين وللحين عندي

 

[لــــين]

مشكوووورين ما قصرتواااااااااااااا بنات



انزين ... سؤال موجه للي جربوا الخيمه .. شنو النتيجه اللي حصلتوا عليها ؟؟؟ و شلون استخدمتوووها ؟؟

 

[mesmes]

انا اختي شرتها من الوسيط ب28 وكان معاها كريم دعايه للتفتيح بس يقولون بالسعوديه ارخص على 100 ريال

 

[لــــين]

مشكوره ميسميس



محد شرى من الجوثن ؟

 

[ليالي الكويت]

up

والله مفكرة اشتريها

ياليت تفيدونا بنات اكثر

 

[شموخي غير]

ايووه افيدونا يالله

 

[Athwaq]

عندنا وحده مااستعملناها الا مره او مرتين يمكن .. والعذر باااااايخ .. ماعندنا مكان لها ..!!

بشوف امي اذا ماتبيها بعرضها للبيع اذا تبون لأن طفارتها التخزين

 

[ii DareeN ii]

من تجهيزات الصالونات او الوسيط بس لاتاخذين التفخ اخذي ام عمدان عندي التفخ وطاحت بجبدي ما توقف عدل

 

[عاقده النونه]

انا شاريتها من الوسيط من هالمركز اسمه فاتيما

وهذا رقمه 6040686

وبصراحه خوش شي وعليها كفاله وناسيه السعر بالضبط لانه طلع لي

وياها صابون تخسيس وحزام هديه اتوقع 30 دينار بس اهي ارخص من

جذي تحصلينها عندهم بس هذى لانها عرض مع هدايا

انصحج تشترينها وتحطين كريماتج اللي تبين وتنغسل عادي اهو يعلمج

الطريقه ويشرح لج لما يوصلونها لج ​

 

[أساور]

اشوف اعلانها بالجرايد مثل الوسيط وغيرها

 

[موزة ام فارس]

الكويت بكبرها من شمالها لجنوبها سونا وبخار

بصراحة ما انصح فيه حبيبي

اهو مصنوع حق البلاد الباردة اللي ماتطلع عندهم الشمس ولا يعرقون

واحنا من دون شي نسبح حبيبتي

وهذا كلام دكتور ألماني والله بنفسه قاله لي


وان شريتيه .. عليج بالعافية والله يعطيج من خيره ويكفيج شره

 

[Dr.Nouf]

انا شاريتها من الوسيط من هالمركز اسمه فاتيما

وهذا رقمه 6040686

وبصراحه خوش شي وعليها كفاله وناسيه السعر بالضبط لانه طلع لي

وياها صابون تخسيس وحزام هديه اتوقع 30 دينار بس اهي ارخص من

جذي تحصلينها عندهم بس هذى لانها عرض مع هدايا

انصحج تشترينها وتحطين كريماتج اللي تبين وتنغسل عادي اهو يعلمج

الطريقه ويشرح لج لما يوصلونها لج ​

:hjy5jewf:

يعطيج الف الف عافية

 

[miss_math]

انا شاريتها من دريم مول

من محل يبيع صابون مغربي وهالسوالف

شاريتها ب 21 واهي تنفتح بروحها نفس خيمة الجهال مالت الكور

وحيييل حبيتها جد وناسه لما استخدمتها

تحسين نفسج ريلاكس + تحسين يتوحد لون جسمج

وعلى فكرة فيه 3 انواع من خيام السونا

فيه خيمة تتفخينها وفيه باعمده وفيه نفس مالتي تنفتح بروحها

انا ما جربت غير اللي شريتها ومرتاحه عليها

وطريقة استخدامها

انج تحطين ماي بالغلاية مالتها وتنطرين بو خمس دقايق تقريبا ليما الماي يغلي

تدخلين بالخيمة وتقعدين جم دقيقة بس علشان تنفتح المسام وعقب اطلعي وحطي صابون مغربي وردي للخيمة

وقعدي فيها ليما تقدرين بس لا تطولين عن 20 دقيقة

طلعي وروحي الحمام ونقعي الليفة بماي حار

وغسلي الصابون بماي دافي بس عقب تنشفي عدل ترى مهمه هالخطوة علشان تطلع البلاوي

المهم بعد ما تنشفتي طلعي الليفة من الماي وفركي فيها جسمج عدل بس مو بقوة حييل

وعقب غسلي جسمج

وبس عقب حطي اي خلطة تبينها او سنفرة

ولا تنسين الترطيب بعد الحمام لانه مهم واذا كنتي تدوخين ولا شيء لا تطولين بالسونا

وافضل انج تستخدمين الخيمة داخل دارج احسن من الحمام لانه الكهرباء تخوف

والله يوفقج

 

[!! شوق !!]

بدريم مول .. بعشرين ولا تشغلينها برموت كنترول .. تهبل

 

[مذهــلــه]

وين دريم مول

 

[( المـلاك )]

بجرايد الوسيط
و سعرها 20 دك
و احسن شي المخططة وردي بازرق

=)