ابي اشترك بنادي سنع :(

[Miss Cherry]

تعبت وانا ادور كنت بالهلال الاحمر اللي بالصليبيخات بس عاادي مافيه كلاسات وجذي .. واشتركت بفندق رامادا لوووعة حمام السباحة ما ينظفونه الماي لونه اخضر وفيه اشياء تسبح شي يلوع الجبد غير انه زحمة وفيه اشكال مادري شلون صايره

المهم الحين ابي نااادي يسوا ومايكون بعيد حيل .. اما بالمنطقة الرابعة او بالخالدية لانها الاقرب نوعا ما .. ويكون سعره معقول يعني 100 او اقل

 

[بوسيcat]

انا بعد كنت بنادي اليرموك عشان الطريج والحين احوس على نادي سنع بس قريب مالقيت وناويه على فلكس مع ان طريج بس على خط واحد شسوي مافي ماحصلت

شكلي بفتح نادي بالمنطقه العاشره عشانكم :080402ask_prv::080402ask_prv::080402ask_prv:

 

[Miss Cherry]

خلاص انا اشتركت بلافام الخالديه

وانا بالمنطقة الرابعة مو العاشرة

 

[Angel_store]

بلاتس اند مور

 

[بوسيcat]

انا اشتركت بفلكس امس

 

[بسبوسة بالعسل]

حبيبتي جم طلع عليج الإشتراك

 

[قلبكـ]

حياتي اللي اشتركتي ب لافام..جم شهر كان اشتراكج

وفلكس ماعليه عروض؟

 

[Miss Cherry]

لافام الشهر ب 100 دينار وال3 شهور 200 دينار وجنه السنة ب 300 وشي

انا اشتركت 3 شهور

 

[$بنت الأمير$]

حبيبتي اللي شتركت بلافام وين مووقعه بالضبط يالليت تقولين شنو مميزاته وشلونه من ناحية الرقاابه وبغيت اسئلج عن اسعاره شلون السنه 300 والشهر 100 يعني كل مازاد الايام قل السعر

 

[Miss Cherry]

السنة 300 وشي اذا انا مو غلطانه 390 اكيد السعر يصير ارخص اذا مدة طويلة


النادي زين بس حمام السباحة مو عميق وصغير انصدمت بعد ماشتركت بهالعيب لانه انا متعوده اسبح بالعميق وعمق الحوض عندهم تقريبا متر ونص وماعندهم مدربة للسباحة مع اني مو محتاجتها بس هذي عيوبهم ..

النادي مو كبير حيل بس حلو ومرتب اول مادخلت سوو لي فحص بجهاز يطلع كتلة الجسم ونسبة الدهن والعضل وعطوني برنامج امشي عليه على حسب المستويات عندهم levels

النادي حلو بس فيه اللي احسن منه بس انا اشتركت لانه الاقرب لي

ومكانه عند كلية العلوم بالخالدية بس ترا وصف ماعرف اوصف

ايه وفيه عيب ثاني ماعندهم جدول ثابت للكلاسات حتى الاستقبال مايدرون عن شي يقولون الجدول مو ثابت نغيره