ابي اسوي Insurance لقطوتي

[7alom]

صباحكم / مسائكم خير وبركة بهالجو المغيم والمطر الحلو
بسالكم وين احسن مكان اسوي فيه Insurance لقطوتي وشلون طريقته وياريت لو كذا وحده تكون مسويه تقولي عشان اقارن بالامكان

 

[((البرنسيسا))]

مااعرف إن شاء الله البنات يفيدونج

اب


اب

 

[VET-Nour]

آمم الي اعرفه بأغلبية الدول بس بكويت ؟؟ مآتوقع فيه
اهو تامين حق البيطره و صحتهآ , يعني تدفعين جنه 100 مآآدري أكثر بـآلسنه ,
اهو فحص بين فتره و فتره و تطعيمات و الادويه و رسوم اشعه سينيه و المختبرات و العمليات ... وجذي ,

بسأل دكتور و أقولج اذا اكو بالكويت ,

 

[7alom]

مشكورة وايد وناطرة منج الخبر

 

[عود ومسك]

والله يا حلوم بما اني مربيه قديمه فا مفتره عالمستشفيات

اللي اعرفه ان بالري والدهماء ماعندهم لو عندهم جان نصحونا فيه
واجد عليهم يفتحون ملف ويعطونا كرت صحي فيه التطعيمات ونوع الحيوان واسمه وعمره واسم صاحبه

اما الدولي عندهم تأمين لكن تأمين لما تحطين قطوتج عندهم لعلاج او فندقه
اللي اهو التأمين العادي نفس مستشفياتنا الخاصه نحط تأمين تحت الحساب عساس اذا نقص شي يخصمون منه للادويه وجذي
فا هم ما سمعت بأنشورنس عندهم لاني دايم اروح اسبح الحبايب هناك واشوف عالم ما قد سمعت منهم ان في انشورنس بس دايم اشوف كروتهم والاشياء العاديه مثل الميكروتشب وهالاشياء لكن انشورنس ما سمعت فيه

انتي شريتي قطوه والا للحين تدورين؟

 

[عود ومسك]

ايه ونسيت رويال
ماحبه وما فكرت اعالج عنده او اسبح الحبايب
فا مادري انا بالنسبه لي اقوا مستشفى الدولي من بعده ممكن رويال والدهماء والري

 

[7alom]

مادري انا وحده قالت انها مسوية برويال اعتقد بــ 100 دينار ،،، فقلت ودي اروح اشوف
بالنسبة للدولي ولا المستشفى الي بمينا عبدالله شلون اروحلهم ؟؟؟

اي والله حصلت نثية وودي اشتري ذكر بس مادري الوالدة تقول كافي وحده بس لازم عقب فترة ليمن تكبر ايبلها ذكر

ليش ما تحبين رويال ؟؟؟ معنه يمدحونه ويقولون احسن من الدهماء والري ،،، الدهماء محد مدحلي اياه

 

[عود ومسك]

الدولي اهو اللي بالوفره مو مينا عبدالله
مستشفى قوي بصراحه
والله مادري بس يمكن لاني
كذا مره اتصل عليهم واروحلهم عساس ابي ادويه او شي تعاملهم مو حلو فيهم نحاسه
وغير هذا جم بنت سمعت ان قطاوتهم ماتو عندهم على بو فايروس
فا مادري انا ما ارتحت لهم حاولت كذا مره اتعامل معاهم وكل مره تنسد نفسي منهم
فا قلت ليش افكر فيهم دام الدولي موجود وماكنت مفكره فيهم الا عشان كنت تعبانه من الدرب لي الدولي
فا مادري عنهم اذا فيه عندهم انشورنس
وانتي ان شاء الله لما تتعلمين على قطوتج النثيه وتكبر شويه يعني قبل البلوغ جيبي ذكر احسن
او اذا الوالده الله يخليها لكم تقول كافي خلاص متى ما بغت تتزاوج زاوجيها مو ضروري تجيبين ذكر
ترا كل ما زاد العدد راح تتعبين
<<اسألي مجرب

 

[7alom]

الي بمينا عبدالله مستشفى ثانية مو الدولي

انا اتعامل مع الري بس زحمة وايد

رويال في كذا وحده ما مدحتها تقول بس همهم الفلوس يطلعون بالحيوان الف عيب بس عشان الادوية تزيد والفلوس تصير اكثر

انا بنطر عقب شهرين بييب الذكر ان شا الله بس المشكلة قلت لبنت اخوي ان يابت امتياز بيبلها ذكر واخليه عندي

 

[VET-Nour]

سوري طولت عليج لانه الدكتور كان يسأل المستشفيات عن الانشورنس ,
المهم
قالي انه ماكو بالمستشفيات انشورنس , والي عندهم بطاقة متابعه و ملف بس ,

 

[7alom]

لا عادي اخي راحتج حبيبتي ،،، مشكورة وايد وتعبتج معاي
انا عندي بطاقة بالري مالت التطعيم بس لان افكر ان بسافر ودي اخذها معاي لاني ماقدر يوم كامل ما اشوفها فما بالكم بسفر
انا بالدوم طول الوقت قلبي فاز عليها ابي اشوفها ما ارتاح ولا اطمن الا ليمن اكون معاها بالبيت احاتيها وايد مع ان الوالدة مو مقصرة معاها وايد تهتم فيها

 

[ربي رجوتك]

ماظن عندنا بالسعوديه
لكن طريقه حلوه الصراحه

 

[عود ومسك]

حق السفر يا حلوم تقدرين تطلعين جواز مو شرط انشورنس!
في بالري اعتقد ورا السوق الايراني تسوين اوراقها هناك
يا مناك يا صوب سنتر بوينت
بس اتذكر قالولي ورا السوق الايراني

 

[7alom]

ربي رجوتك : التامين حلو ويفيد لان انا كل اسبوعين موديتها الطبيب يا اقص اظافرها يا اجيك عليها يا مسويتلي مصيبة ماكلة وايد ومسهلة يا زعلانة ومو راضية تاكل وغيرها من امور

عود ومسك : خل اشوف بس بالاول بشوف ان امي رضت اخذها معاي لانها مبدئيا مو راضية اخذ القطوة تقولي بتروحين اوروبا شلون بتاخذينها خليها بالديرة تقعد تونسني ( كلش مو عشان مصلحتها تبيها تقعد لووووول )