ابي ..اسوي....وفيني حساسية؟

[إباء الروح]

السلام عليكم
بنات بسألكم سؤال :
انا ودي اسوي تاتو لحواجبي ..بس عندي حساسية حدها قوية ...مرة صبغة حواجبي وماجاني شيء بعدها كررت التجربة وكل المنطقة (منطقة الحاجب) امتلت حبوب واحمرار فضيع ...
غيرت اصباغ ومافي فايدة ..يمكن 3 مرات او 4 ..بس نفس الشيء .
وحواجبي حدها ماتبين والله بنتي تقول لي يمه تخوفين ..جنك ام عذاري لما طفاش حف كل حواجبها ..تخيلوا ..
كنت احددهم بالقلم بس كل فرض غسيل وتحديد وقاموا يحتون ..
احين اتوقع ان كل شيء وله حل ..ماحل هذي الحساسية ؟.
لاني سألت وحدها تسوي تتاتو وقالت مايصلح لي لان حواجبي حساسه...
ها بنات لا تقصرون في حل ؟

 

[شندوخه]

التاتو الدائم ؟؟ ترى حبيبتي حرام لانه وشم
جربتي تروحين لطبيب جلديه يعطيج كريمات؟

 

[قلب قلبها]

الله يعنيك

والله ماعندي فكره

بس إن شاء الله البنات مايقصروون معك

اب

اب

 

[ام الدرر]

جربي تحطين فازلين حول الحاجب والمنطقة كلها
وصبغي جزء صغير كتجربة واذا ما صار شي كملي
والله يعينج​

 

[وآحشنــي زمآنـك]

حرااام وأكيد راح يتحسس جلدج ..



روحي طبيب جلديه أول وعقب اشتري تأتووو للحواجب ..

 

[إباء الروح]

شكرا لكن ماقصرتوا..
بس الفازلين يصلح احطه على نفس المنطقة اللي بحط عليها الصبغ؟
وبعدين احط الصبغ فوقها؟
لان المنطقة اللي تنصبغ حدها تشب وتمتلي حبوب.

 

[شوشو العنزي]

ما اعتقد بيصغ اذا حطيتي فازلين

 

[دبي العز]

في صبغ خاص للحواجب جربتيه ولا تجربين صبغ عادي ؟؟؟

وتقصدين بالتاتووو الدائم؟؟ حبيبتي ابداً ما يسوى الموضوع ان تشلمج اللعنة لا سمح الله عشان حواجب !!؟


في نحن عندنا في بعض الصالونات بالحنا يرسمون الحواجب بس ما ادري كييف وتكون واييييييد غامجه يعني مب فاتحه

تقدرين تجربين هالشي

وروحي شوفي شو المشكلة روحي لدكتور جلدي عشان يعالج

والله يعينج

 

[خـّري مـّري •]

امممم اذا دائم حرام ترى /// لعن الله الواشم والموشوم

بعدين ما ادري تحسسيني قن ليلي بعد خليهم


والله انتو ما ادري اشلون خلج طبيعيه كله اشوف مواضيعج


يا تبين تتفخين يا تشدين امبيه مافيج شي طبيعي حرام حتى شعرج تبينه وشم

 

[... Glamor ...]

بوشو انتي تصبغينها اصلا ...؟

 

[مناته]

كاستخدام عادي جربي الشدو البودره اخف وما يحت الشعر
وعن الصبغ شوفي صبغه الحواجب اواخذي صبغه طبيعه
تلاقين عند بوتس بدون امونيا صبغات اعشاب

 

[منار البربرية]

حطي قلم حواجب أنظف وأريح لج و لا زيدي كثافتهم في كريمات اذ ماخاب ضني تزيد كثافة الشعر للمنطقه بدل الصبغ اللي يحتهم زياده وخليهم
من غير حف أمرج لله يعني انتي مخلوقه جذي
حساس جلدج منطقة العين
وراجعي طبيب مثل ما قالوا البنات يمكن جلدج رقيق ​

 

[منار البربرية]

كاستخدام عادي جربي الشدو البودره اخف وما يحت الشعر
وعن الصبغ شوفي صبغه الحواجب اواخذي صبغه طبيعه
تلاقين عند بوتس بدون امونيا صبغات اعشاب

:eh_s(15)::eh_s(15)::eh_s(15)::eh_s(15):​

عندج المركز الفرنسي عندهم ماركة سي ريه ماركة المانية لوول
اللي بجميعة الدعية كمثال طبعا
اخذي الشدوالبودر حق الحواجب حده حلو واخذي الفرشه مالته للرسم طبعا اللي جذي صورتها
خذتها منهم ب 6

وشكرا موفقه يااارب​

 

[أحبه موت]

انتي نفسي بالضببببببببببببببط انا فيني حساسيه من الصبغ مرة سويت حواجبي تاتو وشبت علي الحساسيه وعيوني اطلعت بره وويهي انتفخ الدكتور لمن شافني اخترع
والحين صبغت شعري وصار فيني نفس الشي الحساسيه كلتني وغزوني 3 ابر تسمم وحساسيه

انا اقولج ماكو حل ترى الا انج ترسمينهم والله يكون بعونا​

 

[الفدنه]

شيلي فكرة التاتو من بالج واحتسبي اجرج عند الله
وفي تاتو اسمه توتش جنه قلم سبوره حلو ويدوم حتى بالوضوء مايروح
اللهم اغنها بحلالك عن حرامك واغنها بفضلك عمن سواك​