ابي اسوي مجلس طبي ساعدوني

[محتاره بدنيتي]

السلام عليكم كروشات
انا حامل بالشهر الخامس وبصراحه حييل تعبانه وكنت امسويه حادث وحوضي تعور والحين حوضي وايد اعورني ووقت النوم وايد ايام ما اقدر انام احوشني عوار بأجنابي لمن انام عليهم واحس بتعب لمن انام على ظهري فما انام ولدري عمره 7 شهور ونام الساعه 2 او 3 ولازم اقوم 6 علشان اروح الدوام ودوامي من اوله لين آخره كلا قاعده على الكرسي وانا بعد من قبل اعزيزوي اعورني واحسه اعللق فإذا تقدرون اتساعدوني واتدلوني على دكتور اسوييلي تقرير علشان اسوي مجلس طبي لان كل ما اروح حق دكتور اطرشني مستشفى الرازي واهما اقولون انتي حامل ومانقدر انسوي اشعه وعلشان جذي مانقدر نعطيج تقرير الله يخليكم ويتمم عليكم حملكم واللي ماحملوا ان شاءالله يرزقهم بالذرية الصالحه الله يخليكم ساعدوني مو قادره اداوم

 

[محتاره بدنيتي]

بنااااات ويييينكم سااااعدوووونيييي

 

[سيناسون]

هلا حبيبتي انا قدمت على مجلس طبي
اول شي سويت تقرير عند دكتورتي ناهده العلي
وقدمت طلب من دوامي ووافقو عليه
وخذيت موعد من المجلس طبي بس يطول يبيلج واسطه
وبس يوصل موعدج تشرحين لهم حالتج
وتورينهم اي تحاليل او تقارير عندج من المستشقى غير تقرير الطبيب
الصراحه اهم ما طلوا بالاوراق كلش بس يسالونج شنو فيج وبعدين يحددون جم يعطونج شهر او اكثر
وبعدين تقدرين تقدمين مره ثانيه
وعسى الله يتمم عليج حمالج ان شاءالله وماتشوفين شر ان شاءالله
اتمنى اني فدتج 
وعسى الله يسهل عليج وتمم عليج حمالج ان شاءالله
*

 

[" ام حمود "]

أب

أب

 

[auoma]

اب اب
لازم تقرير من دكتورج وسونار
سأليهم مايقدرون يسونلج سونار على الحوض يصير موشرط اشعه
ومثل ما قالولج البنات لازم كتاب من دوامج تحويل مجلس طبي
وبعدها تاخذين الكتاب وتروحين المجلس الطبي بالصباح وتقدمين ويعطونج ورقه حق مركز غنيمه الغانم المتخصص باللجان الطبيه
أهناك يحددونلج موعد بس يطول من شهر لي شهرين الموعد اذا عندج واسطه يجدمونه لج او اذا تقريرج قوي يجدمونلج الموعد انتي قوليلهم
ماقدر تعبانه
بس أقولج اهم يعطون حالات معينه
أطفال أنابيب
الي مسوين ربط
الي عندهم اجهاضات بالحمال هذا فيهم نزيف
الي ولاداتهم مبكره
يعني يشوفون حملاتج الي قبل وهالحمله شنو فيج

 

[بعدك طيب !]

اخذي نسخه من ملفج اللي عند الدكتورة وروحي عند د. عالية اللي بالمهبولة دايمن حريم اخواني وحمواتي ياخذون منها مجالس طبيه بالهبل وكل شي تبينه تكتبه لج ما تعارض راح تقولج اوكي وغير جذي تعطيج اياه مصدق من وزارة الصحة

هذا رقمهم ..

23732317
23732315

 

[المها الابيض]

اب
اب
اب

 

[سيناسون]

مو شرط اتكون حاله خطره عادي يعطونج وخصوصا اذا درو انج متعرضه لحادث
انا المجلس الي طاف ما فيني مشكله كبيره وعطوني لي الولاده بس للاسف مااستفدت منها لاني ولدت باول التاسع
الله يسهل عليج حبيبتي

 

[سراج الليل]

بنات صج المجلس الطبي يعطون اللي حامل بالشهر الثامن لانها ثقلت اذا قدمت عليه ؟!!!!
لاني بدش الثامن وعضلات البطن عندي ضعيييفه وبطني حيييييييييييييييل نازل وكل من شافه يقولي بطنج يخرع حيل نازل
وبصراحه اخاف اولد مبجر وودي اخذ مجلس طبي ع الاقل اريح لاني احاتي اول مبجر*

 

[محتاره بدنيتي]

تسلمون حبيباتي عالردود وانا ماكنت ادري ان لمن اخذ التقرير من المستشفى لازم اروح اخذ من دوامي كتاب تحويل مجلس طبي باجر اروح مره وحده دوامي واخذ الكتاب بعدها اروح مستشفى الصباح لان تقريري طلع ودكتورتي كاتبه حالتي اذا تمت جذي اصيرلي ولاده مبكره مشكورييين وااايد وااايد فهمتوني وريحتوني يعطيكم العافيه حبايبي وربي اسهل دروبكم مثل ماسهلتوها علي

 

[ليالى الحنين]

أب

أب