ابي اسوي لحم وعيش لذيذ

[مريوم الامورة]

السلام عليكم


بنات ابي طريقة للعيش وللحم تكون لذيذه

الله يعافيكم بنات ابيها بالتفصيل


ابي طريقه لذيذه لاني بسوي كميه كبيره عزومه لربع زوجي ..

 

[Patcholli]

بعطيج طريقة لذيذه وسهله

اولشي فوحي اللحم مالج مع البهارات المشكله الدارسين والهيل وورق الغار وباجي الشله

جهزي عيش مشخول على جنب وخليه بالجدر

نقعيلج زعفران بماي ورد وكل مازدتي الزعفران زادت النكهه

والحشو سهل عباره عن :

بصل مقصص مكعبات صغار

كشمش

نخي حب

زرشك

تفوحين النخي بروحه

وتفوحين الكشمش ويا الزركش

وتحمسين البصل بمقله كبيره بدون دهن تظلين تحمسينه لين يصير لونه احمر ويصير لون احمر بالمقله

عقب ماتتحمر البصله عدل عدل ويكون النخي مستوي والكشمش والزرشك تحطينهم فوق البصل مع شوية زيت

وبهاراتج تحطين هيل مطحون وتكثرينه كل ماكثرتي يصير احلى وانطع
وتحطين بهارات لحم ودارسين مطحون البهار مو العدل
وتحميسنه مع البصل عدل واخر شي تضيفين اللحم

وتحمسينهم عدل عدل عدل لين يتنكه اللحم بطعم الحمسه

تحطينه فوق العيش وبالعافيه

لاتنسين الزعفران واللحم كل مافحتيه وصار ذايب كان احلى انا تقريبا افوح اللحم 3 ساعات يكون ترف وذايب

 

[نوف الصقعبي]

لذيذ تسلم ايدج باتشولي

وتبارك الرحمن آكلات حلوه ومملوحه روعه ولذيذه الله يحفظها بغيابها​