ابي اسوي عملية تحزيم معدة .. ساعدوني

[ام يوسف 80]

اشلونكم بنات ، انا انشالله نويت اسوي عملية تحزيم معده بس وايد خايفة من العملية واخاف عقب التعب والعوار ما انزل وايد وابي اعرف اشلون ادا حملت عادي واهي موجوده ، وبغيت اسأل عن د-خالد عياش اللي بدار الشفا اهو زين والا اروح عند سامي امان
ومشكورين عالمساعده​

 

[ام زين العابدين]

حبيبتي انا مسويتها نزولج بالوزن مو مضمون سوي تحويل مسار وايد احسن وترى كلها عمليه
وانا الحمدالله حملت وتوني والده الحمدالله بس لو يرجع فيني الزمن اسوي تتحويل مع اني كنت من اكبر المعارضين له

 

[ام يوسف 80]

مشكورة عالرد حبيبتي بس انا رفيجتي سوت تحويل مسار صار لها فوق السنه صج اضعفت وايد بس وايد تعبانه صار فيها هشاشه وشعرها طاح ودايما فيها هبوط

 

[ام يوسف 80]

اشدعوه بنات ... مافي رد

 

[أم حمادين]

رفيجتج اكيد ماتاكل الفيتامينات
انا اقول صلي استخارة احسن لج واذا على الدكتور بدار الشفا ماكو على سلطان التمياط بنات المنتدى اغلبهم عنده
يالله انتم السابقون ونحن اللاحقون

 

[قطوتي]

استخيري والله يوفقج

ماعندي فكره بس ماحبيت اطلع بدون رد

 

[ام يوسف 80]

مشكورين عالرد حبيباتي

 

[أم حوور]

توكلي على الله


ومن باب التاكيد والاطمئنان



استشيري الدكتوور واساليه عن السلبيات والايجابيات للعملية لتطمئني اكثر واكثر

 

[ام يوسف 80]

مشكورة حبيبتي على مرورج

 

[ام عبادي 22]

شوفي ام يوسف التحزيم سهالات وايد مافيه عوار والعمليه وايد سهله بس اذا كان وزنج وايد سوي تحويل احسن انا مسويه
تحزيم بس قاعده اسوي ريجيم لاني ما ابي اضيج وابي وزني ينزل على كيفي بالبطيء وانصحج بسامي امان وايد زين وعلى طول زحمه عيادته والله يوفقج انشالله

 

[ام يوسف 80]

مشكورة عالنصيحة الحلوة

 

[7yati Q8]

اختى نصيحه من مجربه سوى حلقه افضل بالف مره من تحويل لاسباب وايد انا وزنى كان 140 ونصحونى بالتحويل علشان كان الوزن فوق العادى رفضت بصراحه لان التحويل ينزلج بسرعه صح بس تصيبج اذيه بالعظام والشعر ونقص بالجسم والدكتور نصحنى قالى فيج صبر انصج بالحلقه لانه يعتبر رجيم تقللين بالاكل اجبارى وتضعفين على راحتج فوافقت والحين انا سنه من العمليه نزلت كيلو52 الحمد الله وليش استعجل وادمر نفسى .. نصيحتى لج الحلقه وايد افضل نزلى شوى شوى بس تضمنين صحتج وتضمنين انج ما ترجعين عقب ما تشيلينها

 

[أم ^^حمودي]

للامانه الحجي الي قعد تقولونه غلط
ياريت تتاكدون من الي مجربين فعلا
اول شي اختاري الدكتور الي يناسبج وانا عن نفسي اخترت د سلطان التمياط
ثاني شي لا احد يخرعج روحي حق الدكتور وهو الي بينصحج
وترا التحزيم واااااااااااااااااااااااااايد ناس مانفعهم وسوو عقبه تحوير او تكميم ودشي موقع الدكتور ولقري التجارب
وكل الي طاح شعرهم او صار فيهم هبوط من التحويل مااتبعوا تعليمات الدكتور كللللللللللللش ولا خذو فيتاميناتهم
وعلى فكره التحزيم من اهم عيوبه انج بتردين دبل وزنج عقب ماتشيلين الحلقة
لانج عودتي معدتج على انج ماتاكلين فلمن تشيلينها وتاكلين بشراهة راح تزيدين الدبل لان الجسم تعود مايحرق الاكل
وتقبلي مروري
اتمنى اكون فدتج
www.temyatt.com
وترا انا ماشتغل عنده ولاشي بس انا عمليتي مابقا عليها شي وتعايشت مع الناس الي سووها وقريت قصه قصه وحضرت المؤتمرات الي كان يسويها
ولو دخلتي موقعه بتعيشين مع الاعضاء لحظه بلحظه وبتدمنين على تجاربهم

 

[عاشقة الكاكاو]

حبيبتي انا مسويه تحزيم وناويه اسوي تحويل لاني ما ضعفت وايد

اول شي استشيري اكثر من دكتور وانصحج في باسل السميط

ثاني شي انتي داشه عمليه خليها شي ينفع احسن لج من انج تجازفين

والشي الاهم في التحوير او التحزيم او اي عملية اذا ما سمعتي فيها كلام الدكتور ماراح توصلين حق هدفج

التحويل عدوه الاول اعمال الفيتامينات

والتحزيم عدوه الاول الحلويات

وبالنهايه الله يوفقج

 

[كيكة دلال]

شلون هالممثلات بسرعه ينزلون؟
انا وزني زادعشر كيلوات شلون ابي اضعف بسرعه

 

[ام يوسف 80]

مشكورين عالمرور
الصراحة خوفتوني واايد وترددت ، قريت عن البنات اللي سوو التحزيم وعن معاناتهم
انزين سمعتو احد امسوي تدبيس ؟ اللي يعرف يشرح لي بالظبط
ويعطيكم العافية