ابي اسوي طفل انابيب نصايحكم يا حلوين

[Emanova]

قاعدة اخطط اني اسوي طفل انابيب,, بس للحين مو عارفة وين اروح بالضبط
عطوني تجاربكم و نصايحكم

 

[زنوبة الحلوة]

حبيبتي انا انصحج تروحين ماجدة اليتامى ترى وايد زينة

للأمانة انا ماجربتها ولا راجعت عندها بس اهيا اشهر من النار على العلم

وانشالله اذا بسوي العملية انشالله ما اروح الا عندها
اهيا تقولج عن الخطوات اول باول وتقولج شنو تسوين بالضبط وتقولج شنو احسنلج اطفال انابيب او حقن مجهري او تلقيح صناعي

وانشالله الله يرزقج الذرية الصالحة يااااااااااااااااااااااااااااارب

 

[البيداء_77]

والله انا مثلج ابي اسمع نصايح البنات

 

[هندااا]

انا اتمنى اني احمل هالشهر لاني مسوية تلقيح....بس لوقدّر الله وماحملت راح اسوي عملية انبوب عند باترك...وايد وايد يمدحونه واهو دقييييييق بشغله حيل...وكل شي بيد رب العالمين....

 

[eng.q8]

روحي حق فوزيه القطان خبره وما شالله بنات وايد الله كتب لهم الحمل على ايدها
واهم شي بالعمليه اهو الفتره اللي بعد العمليه انج تريحين وما تفكرييييين وايد وتخلين كل شي على الله
والله كريم يرزق ان شالله

 

[أم حسون]

حبيبتي دكتور باتريك اللي بلندن كلينك الكل يمدحه

 

[أمونة الحلوة]

الدكتور باتريك
منصور العرف
فوزيه القطان
ماجده اليتامى

وربي يرزقج الذريه الصالحه يارب

 

[محاميه الغد]

انا سويت العمليه عند الدكتوره فوزيه القطان و الحمدلله حملت بفضل الله
الدكتووره شاااااااطره وااايد و عندها خبره و مريحه بالتعامل و الاهم انها متحصصه بحالات تاخر الحمل
انصحج فيها
و الله يوفقج و يرزقج انتي و كل البنات يااااااااااارب

 

[كويتيه مذهله 87]

فوزيه القطان

الله يرزقج يارب بالذريه الصالحه هالشهر

 

[بيرق الكويت]

والله أنا قاعدة أعالج عند فوزية القطان عندها خوش قروب وايد مريحين ويشروحون القلب وعمليتي نهاية الشهر بصراحة أنا استخرت واستقريت عليها وانصحج بالاستخارة وبعد أعرف ناس واجد عندها نجحت عملياتهم بس مسوين حقن مجهري مو أنابيب وانا بعد حقن

 

[لحظة غروب]

فوزيه القطان


استخري وتوكلي على الله ...


ما شاء الله الله فاتح عليها وفاهمه يعني ما تعطيج منشطات مني والطريج وتلعب فيج دكتوره سيداااااا واسعارها شوي غاليه بس تستاهل واحنا حالتنا لازم حقن مجهري .. بعني ما حطتنا على امل وتلقيح صناعي قالت ماكو فايده حالت زوجج لازم حقن مجهري جزاها الله خير .. وانا الحمد لله الحين ببداية حملي وهذي اول مره اسوي حقن مجهري ولا تنسين الدعاااااااء اهم شي والصدقه والاستغفار والله يثبت حملي ويرزق كل محروم يا رب ...

كلفتنا 1400 تقريبا 800 العمليه والباجي ابر ومراجعات والله يوفق الجميع

 

[Emanova]

مشكورين و ما قصرتوا و الله يرزقنا كلنا ان شاءالله انا اراجع عند ماجدة بس المشكله كله زحمه عندها و يرتفع ضغطي و انا انطر... قالولي روحي عند اسامه صالحه رحت و قالي نزلي 10 كيلو و تعاليلي و انا نزلت 5 باقي ال 5 كيلو الثانيين لكني محتاره وين اروح

 

[هندااا]

حتى اسامة صالحة وايد زين......


شوفي سألي اي احد بالكويت وقولي من اشطر دكاترة الانابيب راح يقولولج ((( منصور العرف و باتريك ))))


وانا يوم رحت عند باترك قالي ان نسبة نجاح طفل الانبوب عنده 60% يعني نسبة كبيرة ماشاء الله....طبعا كل شي بيد رب العالمين.....


وانا في البداية كان ودي منصور العرف لانه كويتي ومسلم بس ماشاء الله ماكو مواعيد يعني انا داقة من شهر واكثر عطوني موعد فتح ملف آخر سته@@



وانا مستعيله عالعملية وابي اسويها اذا الله اراد بشهر سته (الله لايحوجنا للعمليات)


بس بعدين فكرت واستشرت البنات بالمنتدى واااايد ايدوني بباتريك....وانا مجربته بالتلقيح الصناعي...الصراحة زين ..يعني تكانه مايعطيوي ...وربج احسن من الدكتور الي قاط ويها ويسولف ويتغشمر عالفاضي والمليان...وانا ارتحت لان دايما معاه الدكتورة منى الشرهان....يعني اذا راجعتي عنده لازم اتكون اهيا معاه كرسيها يم كرسيه...واهي حلوة بعد...وكلهم خبره كانوا يشتغلوون بالصباح...والله يوم اروح عنده كله حوامل وماشاء الله بتوائم.....


الله يرزقنا من اوسع ابوابه

 

[Emanova]

و الله انا ابي اسوي استخاره و انزل وزني و انا زوجي يدرس بره ان شاء الله على ما يرجع ان شاء الله ,, ابلش العلاج .. و الله يرزق الجميع

 

[bnt_kwt]

باتريك ممتاز

 

[مبدعة]

فوزية القطان ..

 

[Emanova]

قولولي بنات من اول مرة اضبطت معاكم .... ابي التفاصيل ....

 

[Emanova]

اشدعوه بنات قولولي

 

[Emanova]

عطوني face plz

 

[om_omar]

انا سويتها عند العرف والحمد لله حملت