ابي اسوي تنظيف بشرة ..

[بنوته سمرة]

.
.
.


السلام عليكم ورحمة الله وبركاته

كل عامو انتم بخيرو تقبل الله طاعاتكم


بنات ودي اسوي تنظيف بشرة لكن انصحوني ما اسوي حاليا ً لأني اهتم ببشتري بشكل موطبيعي

يعني كُل يوم احط روب وعسل أو احط نشا ماي ورد و حليب

ادلك وجهي كل يوم بـ خيار لمده نص ساعه

اغسل وجهي بصابون بابايا كل يوم واحط الدوكين كل ليله


فهل اذا سويت تنظيف بشرة عن عياده بيضر وجهي ولا لا

واي عيادة اروح ؟


قواكم الله وشكرا

 

[روعة الوجدان]

ماشاءالله عليج ياليت تكتبين لي شو هالخلطاات

أحب هالسواالف ..

وبخصوص تنظيف البشرة الأحسن أتسوين مرة وحده بالشهر

لأنهم يسون لج سكراب للبشرة مع البخار ويحطون لج مسااك

ويشلون لج الروؤس السوادء اللي تكون على الأنف

 

[بنوته سمرة]

روعة الوجدان

تسلمين وان شاء الله بحط موضوع عن اهتمامي ببشرتي

 

[((غلاي))]

وعليكم السلام
اذا بشرتج مو محتاجه لاتسوين

 

[حمرة ومحدد]

سوي حبيبتي مافيها شي ان ما نفعج ماراح يضرج ان شاءالله
وتنظيف البشره حلو ويحسسج انج فرش وبشره بيبي ، بس اهم شي
روحي عياده موثوق فيها ومجربه عشان لا يلعبون ببشرتج

 

[الأميرة جوري]

اذا بتسوين سوي بعياده طبيه مو صالون اضمن

 

[أبلة فاتن]

بنات لا تستخدمون الصابون على ويهكم موزين

 

[ناعمه الخد]

سوي حمام بخار لبشرتج ماي ورد وبابونج ونعناع
وبعدها سوي سنفره وردي مسحي بشرتج بماي ورد عشان تسكرين المسام

 

[مزيونه وشقره]

ما يمنع تسوين عادي واكثر مكانين يمدحونهم مستشفى الراشد ومستشفى السلام

 

[بنوته سمرة]

.
.
.

مشكورين بنات على النصائح الحلوة