ابي اسكر البلكونة واسويها غرفة .. خبراتكم

[أم جوري]

السلام عليكم

بنات شلونكم

ابي منكم خبرتكم واقتراحاتكم عندي بلكونة كبيرة وابي اسكرها واسويها غرفة فشلون ومنو وشحقة وليش .. ابي اعرف اذا عندكم معلومات وتعرفون ناس ثقة وشغل عدل وسعر زين ..

وشكرا مقدما

:eh_s(6):

 

[أم جوري]

رد : ابي اسكر البلكونة واسويها غرفة .. خبراتكم

شدعوة بنات ؟؟!!!!

جد جد زعلتوني



يعني محد عنده فكرة مني مناك ..





ما في احد يراضيني

 

[alreem]

اممممم حسب بأي دور البلكونة ومساحتها ..
ومن رايي خليها غرفة زجاجية يعني كلها جام وحطي زرع داخلي فيها وكرسي هزاز يصير مكان خاص فيج للاسترخاء
ومنو يسوي لج هالشي ماعندي فكرة بس شوفي جريدة الوسيط الالمونيوم وتركيب الزجاج
دورت لج عن صورة ان شاء الله تستفيدين منها

 

[ام هالدنيا]

لا خلية مخزن او غرفة تبديل ملابس او غرفة غسيل ملابس مثل حطي الملابس فية او السلة او الوتي والطاولة او العاب عيالج

 

[الجوريه الحمراء]

عندي في البيت بلوكونتين في الطابق الثاني كبار وحده سويتها غرفه للنوم حقي والثانيه غرفة ملابس

 

[طيرشلوا]

نفس حالتي ياام جوري
عندي بلكونة وودي احولها لغرفة ملابس او مكياج
والشئ الوحيد اللي راح اتحسف علية اهو القعدة فيها بالشتاء تهبل ​

 

[كلنا عشاق لكن]

رد : ابي اسكر البلكونة واسويها غرفة .. خبراتكم

إعجبتني فكرة الريم
الحين إهي معطية جو وتهوي البيت
وإذا محتاجتهاا ابس سكري الجوانب مع السقف
وخلي الرئيسية زجاجية تهوي لج المكان وتخلية يشررح :nbptr:
فية مقاولات بالإعلانات عشان يكون على ساس​

 

[أم جوري]

رد : رد: ابي اسكر البلكونة واسويها غرفة .. خبراتكم

اممممم حسب بأي دور البلكونة ومساحتها ..
ومن رايي خليها غرفة زجاجية يعني كلها جام وحطي زرع داخلي فيها وكرسي هزاز يصير مكان خاص فيج للاسترخاء
ومنو يسوي لج هالشي ماعندي فكرة بس شوفي جريدة الوسيط الالمونيوم وتركيب الزجاج
دورت لج عن صورة ان شاء الله تستفيدين منها

بصراحة الصورة تفتح النفس بس جونا بالصيف ما يشجع
البكونة ما اعرف القياس بالضبط بس كبيرة وفيها ناحية تصير مثل ممر طويل عرضه متر ونص تقريبا ولها بابين واحد من غرفة وواحد من الصالة ..
انا بصراحة بغير الشقة كلها بس ابي اسوي توسعة

خبراتكم ومشكورة يا حياتي :tek:

 

[أم جوري]

رد : رد: ابي اسكر البلكونة واسويها غرفة .. خبراتكم

لا خلية مخزن او غرفة تبديل ملابس او غرفة غسيل ملابس مثل حطي الملابس فية او السلة او الوتي والطاولة او العاب عيالج

عني مخزن بالشقة في ناحيتين انا ابي استغلها علشان اوسع علي وعلى عيالي ..

مشكورة

 

[أم جوري]

رد : رد: ابي اسكر البلكونة واسويها غرفة .. خبراتكم

عندي في البيت بلوكونتين في الطابق الثاني كبار وحده سويتها غرفه للنوم حقي والثانيه غرفة ملابس

طيب حياتي شلون سكرتيها وجم كلفت ؟

 

[أم جوري]

رد : رد: ابي اسكر البلكونة واسويها غرفة .. خبراتكم

نفس حالتي ياام جوري
عندي بلكونة وودي احولها لغرفة ملابس او مكياج
والشئ الوحيد اللي راح اتحسف علية اهو القعدة فيها بالشتاء تهبل ​

اي والله بس شنسوي ضاقت علينا الشقة انا وزوجي وعيالي والشغالة فنبي نوسع على ما نطلع بيتنا بصباح الاحمد ههههه
فكري معاي شنو نسوي ؟

 

[أم جوري]

رد : ابي اسكر البلكونة واسويها غرفة .. خبراتكم

إعجبتني فكرة الريم
الحين إهي معطية جو وتهوي البيت
وإذا محتاجتهاا ابس سكري الجوانب مع السقف
وخلي الرئيسية زجاجية تهوي لج المكان وتخلية يشررح :nbptr:
فية مقاولات بالإعلانات عشان يكون على ساس​

صح هي معطية جو وانا فكرت اخلي شبابيك علشان التهوية ونشوف المطر ان شاء الله ..
بس ابي اخليها غرفة وما ني عارفة شلون ومنو ممكن يسويها لي وبجم ؟

 

[السلطانه 2009]

حبيبتي الحل انك تسويها بالألمنيوم أو بالجيبسوم بورد أو بناء طابوق عادي , شوفي الحل اللي تبيه وابعثيلي رساله عالخاص أقولك على المختصين في هاي الشغلات بحكم عملي في مجال المقاولات

 

[سيدة الذوق]

ماعندي فطره

بس حبيت ارفعلج الموضوع

 

[أم جوري]

رد : رد: ابي اسكر البلكونة واسويها غرفة .. خبراتكم

حبيبتي الحل انك تسويها بالألمنيوم أو بالجيبسوم بورد أو بناء طابوق عادي , شوفي الحل اللي تبيه وابعثيلي رساله عالخاص أقولك على المختصين في هاي الشغلات بحكم عملي في مجال المقاولات

مشكورة وما تقصرين باذن الله برسل لج رسالة

 

[أم جوري]

رد : رد: ابي اسكر البلكونة واسويها غرفة .. خبراتكم

ماعندي فطره

بس حبيت ارفعلج الموضوع

مشكوووووووووووووووورة :33_1185028183:

 

[{الجارحه}]

نفس حالتي بعد