ابي استقيل

[وسن 11]

مرحبااااا بنات

بدخل بالموضوع طووووووووووووووووالي


بنااااااااااااااات منو مثلي تبي تستقيل:tomato2:



انا اشتغل وعندي اطفال بس احس اني ملييييييييييييت من الشغل ودي استقيل بس اللي رادني الاقساط اللي علي وبعد ان الحياه صايره غاليه حبتين


ودي اقعد في البيت استقبلهم لما يدون من المدرسه وادرسهم وفتك من الدوام وقاعدات الصبح الممله
والله لو ما علي اقساط جان انا من زماااااااااااااااااااااان رافسه الدوام وابو الدوام


علمااا بانني (لا اعاني من اي مشاكل بالدوام).....روووووووووووح يا للغه

صررررررررررررررررررررراحه اشتقت لايام امهاتنا وجداتنا يا حليلهم علي البساطه
علي البساطه البساطه يا عيني علي البساطه..اتغديني جبنه وبيضه وتوكلني بطاطااااااااااا
:ggdw::ggdw: شكرااا شكرا




قلبي مترووووووووووووووسه :0bee2e8d89:كلاااااااام بس احس بهذا الاختصار وضحت انا شنو اقصد








بس خلااااااص

 

[vogue grl]

لالالا ابدا لا تفكرين تطلعين من دوامج كلش ولله انا استقلت وتحسفت قد شعر راسي كنت مرتاحه ومعاشي قوي وحتى منو يصدق وحده بشهادتي تشتغل فيه".. ليومج هذا انا ندماااااااااانه اهئ اهئ انا الي قلبي متروووس مو انتي حمدي ربج

 

[نور-الدنيا]

لالا لا تفكرين تستقيلييين حرام ترا الديره صايره نااار

 

[توت عنكبوت]

بتستانسين اول الأيام

تالي بتندمين وبتكون العودة للدوام صعبة

انا معاي وحدة بالدوام استقالت والحين ندمانة حيل

لا تستعجلين لاحقه .

 

[روح البنفسج]

لاتسرعين الدنيا صايرة نارباجر لستقلتي راح تملين من قعدة البيت

 

[بيتي بوب بس كويتيه]

كاني انا قاعده بالبيت والله مليت ناطره بس اشتغل ألهى
قعدت البيت تمتن وتخلي الوحده تبي المشاكل

 

[ملح بدويه]

خلج بدوامج ابركلج

 

[شعوله]

كلش ولا الاستقاله

واذا زهقانه جربي اخذي اجازة خاصه بدون راتب لمدة شهرين وشوفي الوضع شلون صاير

 

[زري منثور]

اقولك موقف صار والله لايوريه حق اي وحده فيكم


كانت وكيلتنا بالثانوي المهم المره راتب زوجها ممتاز وبنى لهم البيت اللي يجنن ولاعندهم اقساط وعنده 3 عيال بس

وكانوا مرتاحين ماديا" المهم الحرمه قالت للمدرسات انها بتقدم استقالتها تقول بتفرغ حق زوجي وعيالي والحمدالله بيت واحلى

بيت عندنا

وراتب زوجي ممتاز يعيشنا احلى عيشه المهم المدرسات قالوا لها لاتستقيلين احسن لك وخليك على دوامك المهم قالت لها

المديره انتي كملي هالسنه بس والسنه الجايه بكيفك

قبل نهاية السنه صار لزوجها حادث وتوفى :0bee2e8d89:

هي الحين تصرف على عيالها من راتبها هي ماشاء الله الحين راتبها حلوو

انا انصحك لاتتركين الوظيفه مو علشان الراتب بس والله جمعة البنات معاك بالدوام وتشوفين ناس جديده

يعني مو محصوره على نطاق العايله بس وتكشخين وتطلعين كل يوم

قعدة البيت ممله وناسه اول شهرين بس عقب لا والله ملل وروتين ويزيد وزنك وتحسين نفسك قديمه ومغبره

ههههههههههههههههههههههههههههههههههههههههههههههه امحق احساس

هذا احساسي الحين هههههههههههههههههههه

 

[MaZyOoOoNa]

لا ولله نصيحه لا تفكرين ترا الحياه غاليه اذا انتي عندج معاش اقصاد مابالج تالي لا استقلتي ؟؟؟ اخاف بس ريلج بيشتريلج كل شي ؟؟ لا هم انتي قدريه ترا الريال مايقدر على كل شي وانتي اصلا راح تزهقين قعده بالبيت وغثى دامج مرتاحه ولله قعدي احسن لج وعيالج لاحقه عليهم بس اذا انتي قطاع خاص مالومج لان القطاع الخاص مايبيله وحده عندها عيال متعب حولي حكومه تطلعين 1 توصلين قبل عيالج

 

[viva la glam]

لا والله نصيحه لا تستقيلين راح تتحسفين

 

[أحلى عيون]

انا عندي اختي قدمت على التقاعد بعد مو استقاله والله مسكينه اهيا كانت سستر بمستشفى وكانت ماشاء الله عليها تتحرك الحين تقول الخمول ذابحني وضيقه الخلق ماليه وقتي


واختي الثانيه كانت ما تبي تتشتغل ويوم طلع اسمها بديوان الخدمه اول شهر ما قدرت تتوفق مع عيالها ولا زوجها ولا الدوام بس بعد التعويد ماشاء الله عليها تقول الحين انا فعلا عشت اول كنت ماادري عن حالي الله يتتم عليها


اذا انتي بحاجه للفلوس ومثل ماقالوا لج اخواتي الدنيا كل مالها وتغلى اخذي اجازه وشوفي نفسج تقدرين على القعده بالبيت ولالاء

 

[pretty sarona]

الدوام استغلال للمره ,, لا تتركين دوامج

 

[غير كل الناس]

الدوام هالايام وفي ظل ظروفنا المعيشيه حاليا نعمه من نعم الله علينا وشوفي الخاص ياقلبووووووووووووو

 

[حبنا الله عليه]

يامعوووووده طولي بالج السنين تركض

 

[مرااااحب]

اختي العزيزة وسن
الدوام والشغل تحقيق ذااااااااااات وطموح ومخالطة الناس
مكسب لج اما قعده البيت تجيب المرض والملل كل وحده تقدر تقعد في البيت وتجابل عيالها وبيتها
بس مو اي وحده تقدر تكون ناجحه في شغلها وتحقق طموحها اللي يخليها تفخر بنفسها جدام عيالها يعني باختصار
الشغل مو بس فلوووووووووووووووووووووس بل انجااااااااااااااااااااز .

تقبلي مروري
اختك
,
,
,
مرااااحب

 

[ScarletteO'Hara]

ما انصحج كلش, صدقيني بتملين, و حلو انه يكون لج شخصيتج المستقلة عن البيت و اليهال عشان عيالج انشالله مصيرهم بيتزوجون و كل واحد بيلهى بحياته, راح تتحسفين على السنين الي فاتتو انتي بالبيت, انا جربت الاستقالة بس مو عشان القعدة بالبيت, كان في وظيفة ثانية ناطرتني بس صارت ظروف ما خلتني اداوم 8 شهور, تعبت من عيشتي هذي الفترة و ولهت على راتبي, كنت حيل استحي اخذ فلوس من ريلي بس كنت مضطرة, لا تتسرعين و تاخذين قرار راح تندمين عليه

 

[afesa]

بصراحه انا اؤيد راي البنات الشغل تغييروكسر للروتين واثبات لذاتك وتغيير حلو بالحياه ..وتضيع للوقت واحتكاك بالناس ولكن اذا حسيتي ان سبب للملل بحياتك والمشاكل والتعب ذيك الساع عيدي حساباتك ورتبي اوراقك بس فكري عدل
انا بالنسبه لنفسي زهقت من الدوام ومشاكله وروتينه ومليت وخصوصا اني ارد البيت محمله بالمشاكل مما اثر على حالتي النفسيه وعلى بيتي وحتى علاقتي بزوجي واولادي بس ما فكرت اني اترك الدوام وقاعده اتحمل واتحمل لين يفرجها ربي
وانتي طولي بالك وتحملي بعد شتسوين ؟؟العيشه صارت جذيه ويالله المعاش واللله يعينك حبيبتي

 

[الصامتة]

لا تتسرعين صلى إستخارة ولكن نصحتى لج لا تستقيلين وأنتى عليج ديون لكن نظمى وقتج وحاولى إنج تعيشين لحظتج وإذا كنتى بالدوام تركى بصمتج زوإذا كنتى فى البيت عطى إعيالج كل الحنان والحب وإنتى قبل كل شى مأجورة عند اللة تعالى واللة المستعان يبيلج بس إشوية برمجة وتتعودين على نمط معين سهلات إنشاء اللة

 

[الصامتة]

اللهم إغفر للمؤمنين والمؤمنات المسلمين والسلمات الأحياء منهم والموات