ابي استشيركم بناااات بليييز

[غنوة ستايل]

مساء الخير بنااات

ابي استشريكم بشغله مهمه و اتمنى انكم تساعدوني ..

شوفوا انا الحين في اليوم السادس من الدوره ( خلصت الدوره )

اخذت كلوميد من ثاني ايام الدوره لمده 5 ايام . حبتين في اليوم ( مع بعض )

المهم ...
انا بالاساس عندي ضعف بالمبايض . و كله اخذ كلوميد بس قطعت حوالي 6 شهور ما اخذت ولا دواء

و الشهر هذا قلت خليني اخذ الدوا احسن .

المهم الحين بيوم 11 من الدوره ابي اروح حق الطبيب عشان يكشف على حكم البويضه

ويشوف اذا تنفع او ما تنفع
يعني يطقني ابره ؟ او ما يطقنى ابره ( عشان تكبر )


اللي ابيه منكم .. ابي دكتور او دكتوره ( خارج مستشفى هادي ) لاني مليت منهم

يكون يفهم بالاشياء هذه !!

ابي اسوي سونار

و ابي اشوف البويضه كبيره
وابيه يتابع التبويض معاااااي


منو تنصحوني ؟؟؟

و عفيه اللي تكتب اسم احد تقولي لي . فتح الملف على جم و السونار على جم ...
واكووون شاااكره لكم

بنات نصحوني في مستشفى السلام .. بس ما ادري .. شرايكم ؟

 

[أمونة الحلوة]

مستشفى السلام زين عندهم احمد الشاذلي شاطر
بس ناحيه اسعارهم والله
فوزيه القطان شطاره بعد
ماجدى اليتامي
وان شاء الله البنات يفيدونج اكثر

 

[m e m e]

حيااتي عيادت ماجده كلمن وياها شطااار
الله يرزقج يا رب

 

[bnt_kwt]

في دكتوره بدار الشفا
سعوديه اسمها معصومه رضي
وااااااااايد ممتازه عندي رفيجتي ما عندها تبويض اصر يعني تبويضها صفر
وما تحمل الا على الله وعليها وعلى علاجها ممتازه ماشاء الله

 

[غنوة ستايل]

ماجده ما احبها ولا اطيقها

عندي تجربه مو حلوة معاها بسالفه ولادة اختي .. واحسها حدها استغلاليه وماديه

ابي شي يريح نفسيتي .. ما ابي اتضايق .

 

[كويتيه مذهله 87]

انتي مو تقولين تبين ترتاحين وما تضااايقني واسعرهم حلوه

ماكو غيرهاا د ناهده العلي

تهبل وحبوبه اذا انتي خايفه تطمنج

فتح الملف عندهااا ب 10 دنانير

سوناارها 15 دينار
ماتاخذ طبعا مراجعه

وااااايد شاطره من ناحيه العلاج

تابعي معاها الحمل وانشالله تحملين علي ايدهااا

ليش ما تغيرين الكلوميد وتا خذين ابر احسن واقوي يكبرونهم عدل ويصير عندج فرص الحمل اكبر انتي شاوريها بهالامر

ترى وااايد حبوبه والوبهااا يهبل حتى تاخذ وقتج لااا ما تقول يالله ناس ناطريني خل اخلصهاا بسرعه بالعكس ما تستعيل ومو عجولاا

 

[$غــ(ز)ــل$]

والله ماعندي فكره
في مووضوع بقسم الحمل والولاده عن افضل دكاترة النساء والولاده
شوفي الوبنات يمدحون اكثر شي منو واستخيري
والله يرزقج الذريه الصالحه ويفرح قلبج

 

[بحر الذكريات]

السلام عليكم

انصحج بدكتوره عاليه الفضلي بالمهبوله

والله يرزقنا واياج الذريه الصالحه عاجلا غير اجلا يا رب العالمين

 

[دمثة]

احمد الشاذلي ممتاز بالسلام

وبعدين اخذي كوب حلبه وكوب رشاد وكوب حبة سوداء وربع كوب مرة واطحنيهم ولما تنظفين تاخذينهم 3ايام بس الصبح على الريق مقدار فنجال القهوة من الدوا المطحون وعقب ربع ساعه ملعقة عسل وكوب حليب دافي ...

تاكدي بس تنظفين وان شاء الله تشوفين

 

[omkesha]

انا انصحج بدكتورة دلال السالم اعرف وحده راحتلها والحين حامل مع ان بلهادي قالولها بيسوتلها عمليه بس دلال قالت ماله داعي والحمدالله احملت
انا ناويه اروحلها انشالله بعد بس ما ادري عن اسعارها

 

[eng.q8]

فوزيه القطان روعه بس زحمه
والله يرزقج ان شالله

 

[غنوة ستايل]

ناهد العلي وين عيادتها ؟
ابي رقم تلفونها لو سمحتو بنااات

ومشكووورين وااايد شكلي بروح لها ...

 

[زنوبة الحلوة]

الله يرزقج الذرية الصالحة يارب

انا انصحج ماجدة اليتامى وايد ناس يمدحونهعا وانا اذا بسوي اي شي بروح لها

الله يسهل امورج انشالله

بس بالنسبة للاسعار مادري والله انشالله البنات يفيدونج

 

[حبووبة 76]

أنصحج د ناهده العلي تهبل
عكس ماااجدة اليتاامى المادية المغرورة

 

[حبووبة 76]

رقم د. ناهدة

5656886

5655869

بس ترى خطهم أغلب الوقت مشغوول ,, علقي علية .....

وانشاءاللة تفرحينااا بحملج ,,, آميييييييييييييين ,,,

 

[حبيبتي الكويت]

انصحج بالدكتوره ماجده اليتامى

والكل يمدحها وان شاء الله ربي يرزقنا جميعا بالذريه الصالحه المتعافيه هالشهر

 

[senyora_q8]

والله عن تجربتي الدكتور محمد قطب اللي بالحياه كلينك وايد زين بنفس العمارة اللي فيها فوزية القطان
د.عماد غزاوي اللي برويال حياة توني رايحتله ورحتله بمدح من ناس سويت سونار ب 10 د.ك وفتح الملف مع المراجعه 22د.ك بس الأهم من هذا كله استخيري وعسى الله يكتبلج الذرية الصالحة ويكتب للمسلمات يارب :*