ابي استشاري اطفال ممتاز حق حالة ولدي

[MewMew]

صباح الخير بنات

بغيت استشيركم بخصوص ولدي

عمره 7 شهور اسم الله عليه وعنده تاخر للحين مايقلب ولا يقعد ولا يتحكم براسه عدل !!!!
وعنده بعد مشاكل ثانية مثل كثرة البجي وقلة الشهية


وديته عند احسن الدكاترة منهم مازن العيسى

الحين ابي دكنور يكون متخصص بتاخر نمو الاطفال

يليت اللي تعرف ماتبخل علي

واللي ماتعرف ترفع الموضوع بدعوة لولدي

وشاكرة لكم

 

[KOKO_284I]

ولد بنت خالتي كان نفس ولدج وما فادها الا دكتور ياسر مستشفي السيف اهو استشاري

وربي يشافي وليدج

 

[mafio98]

ليش تاخر؟! انا ولدي كان جذي وادي القدرات تفرق بين ياهل والثاني ولدي ماقعد الا كبير وماقلب الافوق السنه وماكان يحبي وفوق هذا كله مشى كبير عمره سن ونص يمكن ماشفت فيها مشكله الحمد الله عمره ٣ سنين ومافيه الا العافيه اذا وضل سنه وماسوى اللي تقولين عليه يمكن يكون عنده مشكلهةاو نقص فيتامين د بس حرام توه سبع اشهر وايد صغير

 

[Aroos2007]

الله يطمنج عليه وماعليه الا العافيه ان شاءالله

 

[MewMew]

اشكركم على تفاعلكم معاي

بس ٧ شهور لازم يقلب مو صغير !! وانا بعد ولدي كل من شافه قال وايد رخو !!!

الله يكتب له الخير

 

[Espinoza]

الله شافيه يارب و يطمنج عليه..

7 شهور مو صغير ويعتبر متأخر حيل دام حتى راسه ما يتحكم فيه ..

صارت له اي مشاكل بالولادة او بعدها .. وعنده مشاكل صحية؟؟

لازم تشوفين الولد وتعرفين حالته ويحتاج جلسات علاج طبيعي بعد قبل لا يتأخر اكثر و اكثر​

 

[washwoshh]

شقالج دكتور مازن ؟؟



وبعدين ترى صغير

والاولين ينقزون الياهل عشان يشد وهمن انتي خليه بالارض وحطيه الالعاب الي فوقه الي يكونون مثل قوس

 

[washwoshh]

انصحج بحكومه

 

[@ام يوسف@]

الله يطمن قلبج

 

[-فلانة-]

حبيبتي عسى الله يشافيلج ولدج و يبلغج فيه و يدفع عنه كل سوء..
يمكن محتاج جلسات علاج طبيعي يا غالية لا أكثر..
وكثرة البجي و قلة الشهية يمكن لأنه بيسنن..
ما عندي فكرة عن الأطباء حبيبتي..
عسى الله يطمن قلبج عليه إن شاء الله.​

 

[تختووخه]

يمدحون دكتورة سعاد البصيري ودكتور خالد السعيد حق الأطفال

والله يطمنج عليه يارب

 

[MewMew]

اشكركم كلكم حبايبي على تواصلكم معاي

الدكتور مازن سواله تحاليل مبدئية والحمدلله كانت سليمة وقالي خل ننطر شوي

بس ماري ليش اووول مرة مايقنعني ادكتور مع اني على طوووول عنده

الطفل مكان فيه اي مشاكل مصاحبه للولادة غير ان مولود قيصريه بداية التاسع

وانا احطه عالارض واحطله العاب بس اكثر من ربع ساعه مستحيل يقعد باحسن الحلات يبجيةمايبي ينسدح لازم اشيله

 

[-فلانة-]

حبيبتي ربع ساعة بس تحطينه عالأرض؟؟؟؟
وهالحجي من يا للدنيا اسم الله عليه؟؟
عشان جذي عظامه ما تقوت حبيبتي و ما يعرف يقلب..
انا بنتي كانت جذي بس علمتها أحطها عالأرض و صج ربع ساعة و تبجي أشيلها و ألهيها بشي ثاني و أرد أحطها مرة ثانية..
وكنت أساعدها إنها تتقلب..
دخلي اليوتوب الفيديوات الأجنبية متروسة شلون تعلمين طفلج يتحرك و يقلب و شلون تلهينه إذا بجا..
لازم تعطين الطفل مجال يتحرك بروحه يا غالية..
لازم يتقلب و لازم تخلينه ينام على بطنه و تلاعبينه عشان عظام رقبته تتقوى..
على كلامج معناته ولدج ما فيه إلا العافية إن شاء الله..بس يبيله علاج طبيعي وشغلتها هينة لا تحاتين حبيبتي.​