ابي استشاره حقوق او للي يعرف بالقانون ضروري

[الدلع عندي]

اسمحولي ماعرفت باي قسم احط الموضوع المهم بنت اختي ابوها توفا طبعا زوج اختي ابو البنت هذي مطلق اختى من زمان وتزوج وجاه ولد بالنسبه للحلال بس عنده بيت ومرت ابوها اللي عندها ولد تقول مالج شي بالبيت البيت حقي وحق ولدي اللي عندها خبره تقول بنت اختي شنو لها من البيت هل لها نصيب وشنو يكون نصيبها عمرها 21 والولد 3 او 4 سنين تقريبا واكون شاكره لكم

 

[||سمّـني روحك||]

رد : ابي استشاره حقوق او للي يعرف بالقانون ضروري

شرعا تاخذ نص مايأخذ اخوهاا
ومالها شغل بطلاق امهاا لها حق في الورث

up لعيوونك
​

 

[ScarletteO'Hara]

حبيبتي يفترض ان للذكر مثل حظ الانثيين
اذا الزوجة لها ثمن التركة
الباجي ينقسم الي ثلاث اقسام
ثلثين للولد و البنت لها ثلث
هذا على حسب ما اذكر و الله اعلم يمكن ناسية
بس انتوا شنو تسوون
تروح البنت تاخذ شهادة وفاة ابوها مجمع المحاكم بالرقعي
و تسوي حصر وراثة تشوف الي لها و الي عليها
اعتقد محتاجة معاها شاهدين و تاخذ شهادة بالحصر
بس خوفج اهو كاتب البيت بأسم زوجته او ولده
هم لازم تتأكد من الاسكان اذا ماني غلطانه

 

[الدلع عندي]

رد : ابي استشاره حقوق او للي يعرف بالقانون ضروري

البيت باسم الولد والبنت ومشكوره الحين ادق على اختي اقول لها اللي قلتي بس اللي عندها خبره اكثر يا ريت تفيدني بعد

 

[الفنانة لؤلؤة]

شوفي العضوة بنت الأصايل،، عندها إستشارات قانونية

 

[مــســك]

حبيبتي لها حق ونص ..


آنااا جدي الله يرحمه .. عنده بنت من زوجته الثانيه بس مطلقهاا قبل لا يتوفى ..


ولما توفى .. عمتي خذت حقهــا الشرعي ..


وهذا حق ..




وبنت اختج لا تسكت عنهم حبوبة ..


ام الولد طماعنين بالبيت ..



خل توكل لها محامي عشان تآخذ حقها الشرعي ..

 

[شموع الفرح]

حبيبتي موبس الطالب بالبيت حتى لها من معاش ابوها اذا ما تشتغل

 

[وهج الحب]

السلام:
المحكمة تحدد اللي لها بالورث ..انا ابوي مطلق امي قبل ما انولد بس لي نفس اخواني من ابوي بس مش مثل ما قالت اول رد انه لها النص ,,الام الثمن والابن الثلثين والبنت ثلث وامي يوم ماتت وهي في ابوظبي نادوني وانا في بلاد ثانية وما قدروا يوزعون الورث الا لما اوصل ..

المحكمة حبيبتي تحدد من غير محامي ولا غيرة عند حصر الورث بيطلع نصيبها القانوني ..الدنيا مش سايبة بس احنا بناخذ وخلاص ..هذا شرع وحصر ورث ..

 

[داريني]

لها حق ونص لا تحاتي
وتقدر حتى ترفع دعوة وتاخذ نصيبها يا تبيع نصيبها على مرت ابوها او ينباع البيت في مزاد علني
وان شالله ما توصل مشاكل لي المحاكم الا للضرورة

 

[الأميرة جوري]

رد : ابي استشاره حقوق او للي يعرف بالقانون ضروري

اكيد لها ومرت ابوها ماتعرف الحرام من الحلال؟

 

[kuwaitya-frawla]

مثل ردود البنات لها ونص

 

[الدلع عندي]

رد : ابي استشاره حقوق او للي يعرف بالقانون ضروري

ماقصرتو بنات عالردوود بكره اختي نوت ترووح المحكمه والله انا قلت لها من الاول بس اهيا قلبها طيب هي وبنتها كانو يبجوون بجي يوم توفا ابوها يبجون عالولد بس بعد مده كشرت بانيابها دقو على بنت اختي وحرو قلبها قالو لها شوفي انتي لج غرفه وحمام والله هي ماكانت تبي شي بس مرت ابوها وقحه حراام انصدمت بنت اختي ماتوقعت في ناس جذي طماعه

 

[الغاليه ام احمد]

لها حق بالبيت نص حق اخوها بعد ما تاخذ مرت ابوها الثمن

الا اذا ابوها مطلعها من البيت ومسجله باسم زوجته وولده

 

[باربية الكوووويت]

لها حق بس اذا الابو مسوي بيع وشرى لزوجته الي اهي مرت ابوها اهني يعني باع البيت على مرت الابو ومالها شي اظن بس تروح ترفع قضيه وتطالب ان هشي باطل والقاضي اهوا يبطل العقد وربي يوفقها