ابي استشارة منكم لاتبخلون علي برايكم

[أم الدلال]

انا ولدي في اكاديمية اكسفورد وبصراحه ولدي موعاجبني مستواه الانجليزي يحفظ الكلمات كقراءة قفط ولا سبيلنج صفر دايما واما العربي قصة بحد ذاته ابلة العربي مالها خلق كل يوم تكتب في دفتر ولدي انه مايكتب ويلعب وبطيء جدا مابقى عله ماحطتها فيه وتقول ارجو التعاون معنا شسوي اكتبه كل يوم ويكتب معاي حتى الاملاء مره مادرسته وعرف يكتب بروحه الدرس اهي معقدته تقول له انت بطيء يقول ولدي تكتب على السبورة كلام كثير ولما تخلص تخلينا شوي وتمر علينا وانا ماخلصت تاخذ دفتري وتكتب فيه اني بطيء ومرات تحرمه من البريك علشان يكتب فيقعد يبجي وما يكتب رحت للمدرسه وكلمت المرسه قالت هوبطيء فدربيه اكثر وفعلا اكتبه كل يوم غير واجباتهم اللي تهد الحيل وكلمت الاخصائية بس لاحظت ان المدرسه تهتم بالانجليزي اكثر فيتابعونه ويكلموني اكثر عن مستواه بالانجليزي وولدي مافي تحسن لاعربي ولاانجليزي انا ولدي روضه حكومي فقبل دقيت على الرؤية والتكامل فقالومادامه متخلرج من حكومي ماراح يمشي في المقابلة فقالو لي رفيجاتي ترى اكسفورد تدخل ولدج عادي ووحده امدحتها لي وفعلا اقبلوه بس انا حاليا مابي هالمدرسة ومرات اقول احوله حكومي وانا اتابعه اول باول وانا اعرف للمنهج الحكومي لاني مرسه وبنتي ماشيه ومتفوقه اسم الله عليها بس المدارس الحكوميه عندنا في منطقتنا موذاك الزود والطلبه ماحد يراقبهم وسوالفهم موشي تكفون شيروا علي خصوصا ان زوجي ماله راي مايعرف شي واذا قلت له بيقول هذاالخاص اللي اصريتي عليه والحين موعاجبج فسقه على غير سنع علما باني انا اللي ادفع كل شي وهو مايعرف عن سوالف المدارس
ادري قرقت وايد بس لاتخلوني برايكم

 

[مدرسة مكروفة]

السلام عليكم آن ولدي نفس ولدج درس أولى وثانية روضة بحكومة و أولى إبتدائي هالسنة بخاص مدرسة الحياة ثنائية اللغة صراحة آن تعبت وايد وايد مع ولدي في البداية بس أحس جنه تحسن بعدين مشكلة الخاص يبيله متابعة أول بأول.

 

[باونتى]

شوفى حبيبتى بنت عم زوجى بنتها باكاديمية اكسفورد وما تمدحها وناويه تطلعها وتوديها البريطانيه ..واذا ولدج مو مستفيد حرام الفلوس اللى تقطينها ودى مدرسه خاصه ثانيه ..

 

[ReeMaN]

رفيجتى ولدها كان فيها مع ولد اخوها ذمو في المدرسه اليييييين قالت بس سنه وحده وطلعوهم ودوهم الوطنية الانجليزيه والحمدلله مرتاحين