ابي اسافر مع اليهال

[ام العيال]

:eh_s(2):
السلام عليكم انا بسافر ان شالله مع اليهال ريلي طبعا بس ابي دوله ونيسه ومو غاليه وتنفع حق اليهال مو تقولولي تايلند لانها ما عجبتني وايد لانهم عينهم على عيالي عمه بعينهم ( كلهم 4)
ابي منكم من خلال رحلاتكم شنو تنصحوني فيه ودي بديره بارده واسعارها زينه (المدينه الفاضله)
صراحه انا محتاره اختي تقول روحي ماليزيا ما ادري شرايكم:eh_s(10):
ناطره اقتراحاتكم لي ولكم مني جزيل الشكر والامتنان:eh_s(8): :eh_s(8):

 

[الاسطورية]

للاسف انا كنت داشه انصحج بديزني بس غاليه صج وناسه

واتوقع ماليزيا زينه بس رطوبه جنها

 

[ام العيال]

مشكوره ما قصرتي

 

[toooota2404]

ماليزيا حوة و تصلح حق اليهال بس حارة و رطوبة
روحي المالنيا وايد حلوة او استراليا بس اسعارها شوي غالية :eh_s(18):

 

[mooomooo]

شوفي حق العيال الله يخليهم لج

مثل ماقالوا البنات ماليزيا تصلح وايد للعوايل وعيالج راح يستانسون فيها

بس الجو هههههههه


وعندج استراليا وامريكا اتوقع هذول الدول تصلح للعيال اكثر
لان فيها مدن ملاهي

والله معاكم

 

[شهدQ]

خليج على ماليزيا احسن

افضل دولتين لليهال من ناحية الاكل والاماكن

دبي وماليزيا

وشلج بالبرد للنزلات المعويه !!

 

[rawona]

هاااااااي

شوفي حبيبتي حق اليهال مالج الا دول شرق اسيا و استراليا و امريكا ..

دول اوروبا انسيها "صج كانو اهلنا يودونا و احنا اصغار و نستانس فيها" بس مو ونيسه مثل اسيا و استراليا و امريكا ..

هذيل اكثر دول مناسبه لليهال بس اتوقع بتكلفج السفره لامريكا و لاستراليا فاحسن شي ماليزيا ..

انا للامانه مارحتلها بس يمدحونها حق اليهال و مادري عن الجو .. اتوقع البنات فادوج بهالشي ..

و موفقه :eh_s(7): ​

 

[manoola]

صح كلامهم شرق اسيا وامريكا واستراليا حق اليهال
كلامهم عدل اميه بالاميه
ماليزيا رخيصه وكويسه توكلي على الله مع ان اخوي يقول حر بس مو نفس تايلند يعني فيها ماكن بالليل تلبسين شوي ثقيل نفس اللي على الجبا بينينغ مدري شسمها اللي فيها الملاهي

اوروبا حقنا احنا

 

[manoola]

على الجبا = على الجبل لوووووووووووووووول

 

[عنايد]

مافكرتي بتركياا؟؟؟؟؟؟

 

[ظلال القرآن]

شوفي انا رحت مع عيالي اربعه مثلج النمسا وسكنت زلمسي اسبوعين وايد استانسو لان فيها رحلات لهم
الزحلاقيه الصيفيه الثلج وين ما تروحين تلاقين تلفريك هذا غير ان عقب ما نخلص رحلتنا كل يوم نقعد عند البحيره والعيال نأجرلهم جواري ويقعدون يتمشون وصار لهم ربع وايد لان البحيره تجمع الخليجين هذا غير ان كل يوم والثاني ناجر سفينه صغيره ونتمشى معاهم بالبحيره
والنمسا مو غاليه وخصوصا اذا اخذتي شقه وايد توفرين والي ونسنا اكثر اجرنا سياره وضفيت عييلي فيها ولبا تبهذلنا بالباصات والقطارات
بالنمسااهم استانسو وانا وريلي استانسنا بالبراد
اما ماليزيا حلوه واستانسو فيها عيالي وايد بس ما تختلف وايد عن تايلاند
وماليزيا احر شوي من تايلاند

 

[ام العيال]

ما قصرتو خواتي شوركم وهداية الله

 

[ديرتي الغاليه]

اب.............

 

[إستبرق]

ماليزيا حلوه لليهال انشاءالله تروحين ويستانسون
والجو خو احنا الكويت مو مقطعنا البراد واليهال لما يستانسون ينسون الجو وخو لبسهم كله شورتات وتيشيرتات يعني سهاله الموضوع

 

[البرنسيسه77]

اعتقد احلى دولتين لليهال هم ماليزيا والنمسا انا عيالى راحولهم وعجبوهم كل وحدة احلى من الثانيه بس انتى علشان ما تحتارين شوفى الميزانيه تسمح لاى دوله وروحى

 

[فطووومة]

انا اشوف تركيا احلى واقرب واكثر ونااااااسة للكبار واليهال واذا ما رحتيها ولا مرة جربيها ( حتزوريها كل مرة )

 

[مســـــافره]

ماليزيا حلوه وعائليه ورخيصه

 

[3e6er alwrd]

والله انا رحت مع بنتي ماليزيا ومن يومها واهي تحين تبي تروح وناسة بس ترى رطوبة وحر اكثر اشوي من تايلاند وعندج تركيا حلوه اذكر رحتلها وانا صغيرة وناسة ورخصية مو وايد غالية

 

[أم وصايف]

انا انصحج بماليزيا دوله وايد حلوه وتصلح حق يهال بس مو بارده وماقولج حاره بس رطبه شوي

واذا تبين دوله بارده مالج الا اوروبا روحي لسويسرا صج انها غاليه بس جوها عجيب وهناك امان لج ولعيالج

وبالتوفيق حبابه

 

[banota]

انا انصحج تروحين ماليزيا وايد حلوة حق اليهال وراح تستانسون