ابي اسافر تركيا ساعدوني ...

[غسق الليل*_*]

السلام عليكم ورحمة الله وبركاته

اللي سافرو من قبل تركيا ياريت لو يساعدوني
ان شالله ودي اسافر تركيا شهر 1 وتقريبا 20 يوم
هل 20 يومي كافية ولا وايد ابيكم تنضحوني بكل شي
ياريت لو تسوولي جدول عن المناطق هناك وجم يوم بكل منطقة والفنادق اللي تنصحون فيها والرحلات
والمجمعات كل شي بلييييز لان مو رايحة من قبل واتمنى ان تصير رحلتي حلوة بمساعدتكم يا حلوين

 

[غسق الليل*_*]

شكرا

 

[.:lady bug :.]

انصحج باوزنجول اتهبل لو تاخذين فيها اسبوع
وروحي بورصه يومين
واسطنبول 3 ايام طبعا للشوبينغ اسطنبول

في مناطق وايد حلوة بتركيا بس ماعرفهم كلهم
ان شاء الله الخبيرات يفيدونج

 

[الـكـاديـي]

اسطنبول

 

[SILVER ROSE]

روحي باسطنبول الا رتكوي ومينيا ترك
ومطعم الملك وكباب محمود
والحين فاتحين ديزني لاند عندهم

 

[دنيا صغيره]

انتي الي تحددين اذا تبين نقضينها العشرين يوم في اسطنبول اوتطلعين لغيرها على حسب هواكم ...واسطنبول للامانه كبيره وتونس وكل يوم تكتشفين اماكن حلوه وبذكر لك الاماكن المميزه وعجبتني و تكون قربيه من بعض علشان ما يضيع وقتكم

- (المسجد الازرق ..قصر توبا كابي .. ايا صوفيا ) كلهم جنب بعض ممكن تزورينها بيوم واحد وجنبهم حديقه جولهانه

- قصر دولما بهجه في منطقه ارتاكوي وها المنطقه حلو المشي فيها اسواق بسيطه ومقاهي ومطاعم حلوه

- فيا لاند اكبر ملاهي في اسطنبول وقريبه من منطقه ايوب و مقهى بيرلوتي تطلعون للمقهى بتلفريك او ممكن سياره تطلع لكم فوق وكل هالاماكن قريبه من بعض خلوها في يوم واحد

-اكورايوم اسطنبول قريب منه فوروم مول وحديقه فلوريا

- شارع الاستقلال في تقسيم وممكن تطلعون من مترو تقسيم على محطه عثمان بيك وتتمشون في الاسواق الى على الشارع والمقاهي والمطاعم وبعدها تطلعون على نفس المترو لمحطه شيشلي وتزورون جواهر مول كبير وممتع التسوق فيه


-الجانب الاسيوي فيه شارع اسكودار وشارع بغداد او ممكن تطلعون يوم كامل ليلوا او بورصه

- شمال اسطنبول فيه اماكن حلوه تغنيك عن شمال تركيا مثل حديقه امريجان وغابات بلغراد و شواطئ كيليوس ومشوارها ساعه من تقسيم


​

انا رحت لاسطنبول 10 ايام وكانت قليله جدا ..احس شهر ما يكفيها ..وناس كثير قالوا لنا مو حلو كلها في اسطنبول لازم تطلعون لوزنجول وطربزون لكن بما انها اول مره لازم تكون لاسطنبول وغير كذا انا احب الاماكن الريفيه وانبسط فيها لكن حدي ليلتين بالكثير ثلاث واطفش منها احب المطاعم والمقاهي والمولات وهذي الاماكن مو موجوده في الريف ...

​

 

[سحرني منطوقك]

رحت تركييييا صج صج عجيبه واتمنى اروحها مره ثانيه
عندج فندق ريداسون بلوو عجيب بس انه على شارع عام ومافي جنبه شي
الفندق الثاني يورو ستار اتوقع اسم الشارع السلطان احمد جنب السوق المصرري حلو بس ضيق بس اذا تبين مكان في حركه اسكني فيه لان كل شي جنبه والسوق المري تروحينه مشي
بورصه حلوووه بس شهر ١ يمكن يكون فيها ثلج وصعب تروحينها
وبعد في منطقه اسمها بولو اتيننننن وهاديه وايد فيها منتجع اسمه "غزال " " Gazell " وايييييد حلووو صج استانسنا فيه
ويمدحون غراند حياه و الانتر


وبالتوفيق

 

[الجادل الخشف]

اذا بس بتقعدون باسطنبول وبورصه ويالوا فا اقولج ان 20 يوم واجد الا اذا بتروحون انطاليا وا واوزنجول فتكون المدة حلوةتركيا تهبل رحتلها شهر خمسه اللي فات وكان الجو عجيب وانتي بتروحين شهر واحد راح يكون برد وفي مناطق ثلج
انا قعدت بتقسيم فندق اليت ورلد حلو حيل ويصلح لمعاريس بعد وقعدنا عند السلطان احمد بشقه قريبه حيل كنا نروح مشي للمسجد الازرق ويني كابي ويمها البحر خطوتين والمترو يمنا حلو التمشي اهناك الجو عجيب ورحنا بورصه ويلوا اقولج بالكثير تقعدين يومين بس انتي بتروحين فترة ثللج يمكن تستانسون اهناك وتقعدون اكثر
تركيا حلوه حلوه بس تندمت مارحت انطاليا كانت بعيده ويبيلها تذكرة داخليه

 

[نـعـومـه]

انا مارحتلها بس من كلام البنات ان اسطنبول وبورصه واوزنجوال يستحقون زياره

يعني خلي اسطنبول اسبوع بورصه أسبوع اوزنجوال 4 ايام 5 مع ان في ناس تقول اوزنجوال كافي يومين وهم في ناس تقول اسطنبول كافي يومين بعد مادري عاد اذا حسيتي هالمناطق وايد عليها هالفتره عيل دوري بعد منطقه

 

[حصوص88]

اهم شي بورصه لازم تروحينلها و تقعدين فيها جم يوم استمتعي بالثلج و التلفريك و تزلجي و هم مولاتها عجيبه عندج زافر و اناتيليوم و عن اوت لت حلو اسمه اس ماركيد
سوق المسقف و الحرير
حديقه لونا بارك مدينه ملاهي حلوه
اما باجي الاماكن اتوقع ثلج ماتقدرين تروحين لها
اما اسطنبول عندج وايد اماكن و مجمعات جواهر و قانيون و استينيا و مترو سيتي و
وحدايق وايد
متحف التوبكابي جامع سلطان احمد جامع ايا صوفيا
هذا اللي اذكره الحين و موفقه يارب

 

[مسكنهم روحي]

ررررررررررررررررررررفع للفائده

 

[Gorgeous ~]

تركيا فيها وايد اماكن ومناطق حلووه ان شاء الله لو تقعدين شهرين ما تملين

اهم شي ماتطوفين بوورصصه اكثر مكان اتونست فيه ^_^