ابي اركب مصعد (اصنصير) في بيتنا ساعدوني نداء للبنات اللي عندهم مصاعد في البيت

[ღ•»الًـجٌـوِرٌيّ«•ღ]

صباح الخير


سؤالي واضح من العنوان


احنا بيتنا قديم وبنحط فيه مصعد (اصنصير)

هل يصير ولالاكون بيتنا مويديد يعني مو تونا بانينه وبنركب فيه اصنصير

اللي تعرف تساعدني اروح وين او اتصل على منو وويين مكان المحلات

وابي اعرف الاسعار جم وياليت تحطون الارقام

اللي تعرف ومتعامله مع احد من قبل او تعرف مكان زين تقولي ضروري عفيه​

 

[al_gardenia]

اختي لازم يكون عندج مكان للاصنصير لازم تتفقين مع مقاول يسوي لج مكانه فتحه ارضيه كبيره


وانا شايفه بالغانم اصنصيراتهم وايد حلوه

وانشالله البنات يفيدونج اكثر

 

[daloo3aa-q8]

حبيبتي مو شرط البيت يديد علشان تركبون اصنصير بس لازم الشركه تشوف المكان وتقرر اذا يصير تركبون ولا لا
بصراحه انا اعرف شركة معرفي وتعاملنا معاهم بس ترى سعر الاصنصير غالي بس حده مرييييييييييييييييييييييييييييييييييح

 

[ღ•»الًـجٌـوِرٌيّ«•ღ]

اختي لازم يكون عندج مكان للاصنصير لازم تتفقين مع مقاول يسوي لج مكانه فتحه ارضيه كبيره


وانا شايفه بالغانم اصنصيراتهم وايد حلوه

وانشالله البنات يفيدونج اكثر

مشكوره حبيبتي على الرد

انزين تعرفين مقاولين ثقه وشغلهم زين عشان نتعامل معاه ؟

 

[ღ•»الًـجٌـوِرٌيّ«•ღ]

حبيبتي مو شرط البيت يديد علشان تركبون اصنصير بس لازم الشركه تشوف المكان وتقرر اذا يصير تركبون ولا لا
بصراحه انا اعرف شركة معرفي وتعاملنا معاهم بس ترى سعر الاصنصير غالي بس حده مرييييييييييييييييييييييييييييييييييح

تعرفين رقم الشركه ياليت تعطيني اياه


وابي ارقام شركات ثانيه يابنات للتعرف

 

[بهاء]

انا اصنصير بيتي من الغانم واايد حلو
من داخل شكله خشب ومرايات وسبوت لايت
اعتقد كان سعره ب 3500 دينار

افضل اصنصيرات في الكويت من شركة الزاحم بس ماعندي رقمهم
وزوجي يقول اللي ماعندهم مكان اصنصير يركبون لهم اصنصيرات خارجية وسعرها بالسوق بحدود 2500

 

[ღ•»الًـجٌـوِرٌيّ«•ღ]

يعطيج العافيه بهاء على الرد

وللتذكير انا مابي اصنصير كشخه وحاله لالا

ابي اصنصير عادي وبيكون خارجي لانه مافي مكان داخل

احنا بنحط اصنصير علشان ابوي ريوله منكسره ومسويله عمليه ومايقدر يصعد فوق

فعلشان جذي بنحط اصنصير ونبيه عادي وبعرف جم الاسعار ووين مكانهم

 

[أفرض هيبتي]

احنا اللي في بيتنا من بنينا بيتنا واهو فيه بس اتوقع لازم يصير تكسير وهالسوالف في بيتكم عشان مكان المصعد

وجنه الزاحم اهما اللي متخصصين بالمصاعد...

 

[Bamya]

أعتقد اول شي لازم تجيكين مع مقاول اذا في مجال يسوون لكم الاصنصير داخل البيت أو يكون بنيان بارز شوي عن البيت (مثل المجمعات) ولازم يكون له بالسطح غرفة حق المكينة مالت الاصنصير .. راح يقولج جم يكلفج وكل شي وبعد ينصحج بشركة اصنصيرات

 

[bambena]

اقل شي يكلف حول ال 3 بدون التكسير والبنيان

 

[ღ•»الًـجٌـوِرٌيّ«•ღ]

ماقصرتوا حبايبي مشكورين

 

[ام خالد 78]

ان شاءالله البنات يفيدونج

 

[Om eL-3a9aGeeL]

بيتكم شكثر قديم ؟!

:

عمتي حطت اصنصير ابيتها واهوا قديم اتوقع فوق الـ 15 سنة صارله

بس البنيان زين فقدروا يكسرون من داخل وحطوه

انتي قلتي تبين خارجي اتوقع يصير وبنيانه اسهل من انكم تكسرون داخل

ومادري اي شركة سوت حق عمتي .. بس حتى احنا حاطين اصنصير مع بنيان بيتنا بسألج ابوي عن الشركة واقولج

 

[Om eL-3a9aGeeL]

ابوي يقولج المتحدة للمصاعد

بس ما عطاني رقمهم مادري وين حاطه !

 

[انين_الصمت]

والله حبوبه اذا في مكان حق الاصنصير كل شي يصير يعني حتي لو في مساحه بالحوش بحيث ان مافي اي شي يعيق من ان المعصد يسون له فتحات حق الباب وكل شي تمام يسونه مو شرط البيت يديد بس بالنسبه حق الشركه بالضبط الي يسون المصاعد والله ما عندي اسم محدد

 

[ღ•»الًـجٌـوِرٌيّ«•ღ]

يعطيكم العافيه وجم ياخذ وقت على مايركبون المصعد ؟؟ يطولون يعني بالبيت

 

[Om eL-3a9aGeeL]

الوقت على حسب ويعتمد عالشغل اللي بيسوونه ابيتكم

اللي برا ياخذ وقت اقل من داخل لأنه ما راح يكسرون وايد

وما اقدر احكم شكثر بياخذ لازم مقاول ايي يشوف ويقولكم

 

[ام عفاف الكويت]

ريلي ياب مقاول عشان نحط بالطابق الثالث للمؤجرين قال مايصير الا خارجي بيكون وب 5000 الاف اقل شي لانه البنيان محتاج دعامة قويه ناحيه الاصنصير فهون

 

[طال السكوت]

حبوبه بدال هالعباله والتعب

نزلى غرفة ابوج تحت وبس

حتى اريح له من الصعده والنزله

وحتى اذا جا رجاجيل يكون تحت وقريب عليهم

 

[ღ•»الًـجٌـوِرٌيّ«•ღ]

يعطيكم العافيه يارب