ابي ادوية نفاس ماعرف شي :(

[#أصيلة#]

السلام عليكم شلونكم بنات ... تكفون بنات انا حامل بالسابع وجهزت كل شي الحمدالله بس باجي ادوية نفاس ماعندي اي خبرة فيها نهاىيالان ماعندي خوات وامي مرة كبيرة حيل نست كل شي ماتعرف ومتوهقة من وين اشتري وابي احد يعلمني الطريقة بالتفصيل وابي احسن وحدة تسوي ادوية اشتري منها منو دلوني جزاكم الله خير

 

[زينانه]

هذا رقم ام محمد لعلاج الحريم
ولادويه النفاس

=================
الرداده ام محمد الرشيدي
اشبيليا ق2 ش227 م 4

8 الصبح الى 1 الظهر
العصر 4 ونص الى 8

65506544​

 

[عريب المستقبل]

......................اب ..............................اب............................اب ..................

 

[حرم بدر]

شوفي يا الغاليه روحي الحواي

قوليله ابي مره بنص دينار تنقعينها بطل صحه حاار عشان بالنفاس تاخذين قفشه ونص كبيره بعد الغدا وبعد العشا
وهم نقعي بطل ثاني عشان عزج الله تغسلين من تحت لانه المره سبحان الله مطهر ومعقم للمنطقه

واخذي رشاد بعد هم بنص دينار او ربع على حسب الكميه عشان تسوين عجينه تمر ورشاد.

واشتري طبيخه من الحواي واهي مثل شاي اعشاب كل الاعشاب فيها وايد زينه تنزل كل الي فيج.

واشتري لهوم كل شغلج من الحواي.

ارخص بوايد من الحريم ،،،،،

بس طلبي من اي رداده حسو هدا عجيب ينظف بطنج حيل وينزل كل الدم


ولا تكثرين وايد يعني اول اسبوع او ١٠ ايام لهوم تالي الحسوو لا تاخذينهم مع بعض لانه حار يصير على البيبي اذا ناويه ترضعين طبيعي

وشاي الاعشاب اخذي اول ٢٠ يوم وعقب ما تنظفين اشتري من الحواي مكونات قشر القهوه

هذي خلطه عجيبه توخر الكرش و تضيج حيل بس لازم عقب ما تنظفين لانه ما يصير تضيجين روحج وانتي للحين ما نظفتي

واذا صارلج شهر استخدمي تحاميل بيتادين لمده ٧ ابام ورى بعض تنزل كل بقايا الافرازات والماي يعني تنظفج.


وان شالله ترجعين حق ريلج عروووووس *

 

[حرم بدر]

نصيحه لج بعد


ترى مو بالادويه تردين بنت عليج انج تهتمين بروحج وتدفين نفسج

تلبسين دلاغات على طول ما تمشين حافيه وخاصه على سراميك وتبلسين بنطرون طويل ودراعه وتحتها شلحه قطن عشان تدفين عدل

وتلبسين لفه او باند وتغطين اذونج انا من اةلد لين ٢٥ يوم والباند على راسي حتى نوم انام فيه. وكل اسبوع اتسبحي مره بس ترى هالاشياء مهمه

ولو يتلج اخت النفاس الدوره بعد النفاس اهتمي فيها جنها نفاس لانه لو ما اهتميتي كل شي سويته بالنفاس يروح عليج وشربي هم ادويه النفاس اذا يتلج *

 

[#أصيلة#]

بعد عمري حرم بدر ماقصرتي :*مشكوووووووووورة

 

[مألوفة]

مشاء الله عليج حرم

انا هم نفس اصيلة ما اعرف شي واستفدت من ردج والله الله يعطيج العافية

بس هذا قشر القهوة شنو وشلون نستعمله؟

 

[*qalaa*]

سبحان الله وبحمده

 

[بتبوتااا]

عن نفسي شريت من مركز وفي عندج خبيره اعشاب حيل ممتازه

 

[الأميرة جوري]

الله يسهل عليكم...

 

[المسكـ]

واي نطري حرم خل اييب ورقه وقلم واسجل كل هذا انا بحمالي الاول ولاشي سويت
بس تدرين عانيت من شنو الم في الخلفيه من بداية الحوض لي تحت ريلي وايد كان يعورني حتى نوم ماقدر انام وسويت اشعه قالي الدكتور انتي ما سويتي رياضه بعد الولاده قتله لا شنو هذا بعد قال لازم ومادري شنو وعطاني علا طبيعي مادري شالسبب
والحين لمن حملت بدا يردلي العوار تتوقعين من شنو ؟؟؟ بليز ردي بسرعه

طبعا انا ولاشي من اشياء النفاس كله كنت حرانه فانام بعلاق وماكو دلاق ولا لفه ولاشي لول
بس كليت حسو وشرب دارسين ونبات و حلبه

 

[FuSheYa]

واي موضوعج يا بوقته
لاني مااعرف ولالالالالالالالالالالالالالالاشي
مسويتلي فايل وناقله فيه كل اللي يقولونه البنات
شكثر اشياء مكرره ولووويه مارتبته

بس ماشاءالله حرم بدر ماقصرتي نقلت اللي قلتيه حسيت اني صج فهمت بالضبط شسوي
يبتيها دايركت
البنات وايد يهولون

والله قمت احاتي النفاس اكثر من الطلق والولاده من كثر ما بعض البنات يبالغوووون

 

[روعه الأحساس]

حبوبه أمي تسوي ادويه نفاس ودوره واغلب بنات المنتدى ماخذين منها واقسم بالله كلهم يتشكرون فيها تسوي شاي أعشاب الي هو شاي غوري ودوا للقهوه ولهوم والبخور الا هو الكبو وكل علبه ب٥ دك للطلب ٦٥٠٦٢٩٤٨