ابي احول من مدرسة متوسطة لي ثاناوي شلون؟

[ميونة الحلوة]

السلام عليكم و رحمة الله و بركاته

حبيت اسالكم يا ابلات انا مدرسة في المتوسطة و ابي احول و اصير مدرسة في الثاناوي شنو اسوي بالضبط؟؟؟

اروح المنطقة التعليمية و لا الوزارة ؟؟؟


و يعطيكم العافية

 

[ميونة الحلوة]

اشدعوة محد معبرني و لا رد ليل الحين

 

[البـتول]

حبيبتي لم تقدمين النقل بالسيستم في انج تنقلين المرحلة
سكرتيرتج تعرف سئليها

 

[james546613]

حبوبتي وانتي تقدمين النقل اطلبي من السكرتيرة تكتب رغبتج ثانوية والله يوفقج وكل مسلم

 

[بنات حواء2]

ماعندي فكره بس سألي رئيسة قسمج او السكرتاريه بس ليش تبين تحولين ثانوي يعني شنو العيوب الي بالمتوسط بس ياريت تفيديني
عمومن السالفه يبيلها واسطه لانه انا سامعه ان من الصعب تحويل من مرحله الى ثانيه
وعلى حسب تخصصج انا تخصصي اقتصاد منزلي الثانويه مكتفين و المتوسط في نقص فاي وحده الحين بتقدم راح يعينونها متوسط و انا مابي متوسط لسبب واحد انه مادتنه مو اساسيه و يتهاونون فيها البنات و ماتقدرين تضبطينهم اما بثنوي اساسيه و كل شي بدرجات
وموفقه يارب

 

[ميونة الحلوة]

يعطيكم الف عافية ما قصرتوا

بنت حواء الثاناوي وايد اخف كجدول و كتصحيح و كتعامل

يعني المتوسطة يكون عندي 3 او 4 صفوف و كل هالصفوف احط لهم درجات الكتاب و الدفتر و الصف فيه 20 بنت عليج الحساب انا الثاناوية بس اصلح دفاتر و ما اقعد اركض ورا فلانة و فلنتانه وين كتابج و دفترج و الي مضيعه كتابها و دفترها استغفر الله العظيم

و غير جذي ان الثناوية يصير جدولج حصة باليوم يعني 6 حصص بالكثير في الاسبوع هذا الي سمعته من مدرسات الثاناوي

و كتعامل البنات بيحسبون لج حساب لانهم خايفين على درجاتهم و مصلحتهم عندهم هدف بس المتوسط وايد متهاونين بالدرجات و لا يهتمون عادي تقولين لها صفر تضحك و لا عندها مشكلة

و الله يوفق الجميع ان شاء الله

 

[فطووومة]

زين تسوين اختي

والثانوي يترقون اسرع من المتوسط خاصة الكويتيات لانهم نادرين هناك

والله يوفقج

بس اكتبي نقل وراجعي بالعطله يمكن تقدرين تنقلين

 

[ميونة الحلوة]

وياج ان شاء الله فطومة و الله يوفق الجميع