حاسه فيج حبيبتي انا ريلي كان رافض مبدأ اليهال كلش كللللش كله يقول مالي خلق مسؤوليه وخل نستانس ..
فأقنعته اخذ حبوب منع حمل وبعد ما سوا سيرج واشياء اقتنع وكنت اخذ حبوب جدامه يمكن كليت جم يوم وبعدين وقفتهم
بس كل يوم كنت اقط حبه واسوي روحي محافظه عليها ليما حملت ولما قلتله اني حامل استانس !! وقام يحن عاليهال ويدور اسامي وملابس بالنت !!
بس الله ما كتب الحمل يكمل واجهضت ولا تشوفين شصار حده تضااااايق و اهو قام يقول انا ابي يهال ونحاول ,,, فكانت خيره من الله عشان الله يهديه وقام اهو يحن وانا كنت متردده
مابي انصحج تسوين نفسي لأن يمكن زوجج ردة فعله تكون غير .. بس حاولي تقنعينه وتبينيله انج شفقاااانه ع البيبي حاولي فيه والله يهديه ان شاءالله .. اتذكر كنت امر واشتري ملابس حق يهال تي شيرت او جوتي و اخشهم بس عشان احسسه بتأنيب الضمير
فإنتي قوليله انا ابي اصير ام هذا احساس انت يمكن ما تحس انك تبي تصير ابو الحين بس ايي البيبي راح تستانس وانت من نفسك بتسوي اشياء مو متوقع انك تسويها .. ع الاقل خل نحاول ماتدري شيصير وماتدري شنو الله كاتب .. بالهداوه بس نصيييييحه لا تسوين مشكله او تتناجرون .. اخذيها من وحده كانت نفس وضعج .. تحسفت ليش تهاوشنا على موضوع اليهال وبالنهاية الله الهادي ..
استغفري بنية الحمل وان الله يهدي زوجج و ادعي وصدقيني بتشوفين العجب ..
