ابي احمل واحاتي النساة

[روان_الكويت]

السلام عليكم خواتي
الموضوع باين من عنونه ريلي يحن علي احمل واحس ولدي الصغير كبر بس احاتي النساة ودوامي
اخر حمله لي كنت امشي وكيس جمعيه معاي علا طول لوعه وحاطه احتياط كياسه بالجنطه
هذا غير اول ما النساة اظل بالفراش ما اتحرك حوالي سبوعين ماقوم الا تكرمون الحمام ورد ومالي خلق اتسبح ولا امشط شعري
واللوعه والترجيع يوميا
سؤالي هو ما في شي يوخر اللوعه ويقلل النساة؟
حبوب الترجيع ماتنفعني ابي حل تكفون منو تعرف شي يوخر النساة؟:0bee2e8d89:

 

[كويتيه مذهله 87]

حبيبتي مو شرط كل حمله جذي

توكلي علي الله مدام ريلج يبي بيبي حملي

والدكتوره هي الي تفيدج

 

[روان_الكويت]

الله يسمع منج
ادعولي احمل وما اتنسى يارب
والله يرزق كل وحده تبي الحماله

 

[كويتيه مذهله 87]

اللهم امين

 

[اوركيييد]

امين ويرزقج بالذريه الصالحه

وفي انواع من الحبوب جربي الي يطيح عليج

وانشالله ما اتنسين كللللللللللش

 

["*آآآنؤؤؤقهـ*"]

الصبر ياحبيبتي شتسويين هذي النسااة ياقلبي


توكلي على الله وفرحي زوجج وجيبي حق ولد اخوو او خت


يالا بلا دلع ههههههههههههههههههه


قولي علمي نفسج يالبجريه


عسى الله يعينج ويرزقج الظنى الصالح

 

[ام زاكي]

والله انا كل مره نساتي جايده بس هالمره يوم قررت اني احمل كل يوم اطلب قبل الحمل اني مااتنسى

حتى يوم عرفت اني حامل قعت في كل صلاة اطلب والحمد لله الله هون علي نساتي حيل وصارت اخف من قبل

مالج الا تطلبين في كل صلاه انها تهون عليج هالمره

 

[صفيه]

حمل عن حمل يختلف..

 

[بدوره 22]

والله انا مثلج ما تنفعني لا الحبوب ولا الابر

مالي غير الصبر .. وحطي في بالج ان ج لمن ترجعين بالعكس ترتاحين والله انا توني والده من شهرين

تخيلي تنسيت لي الشهر الخامس وقريب السادس بس خلصت نساتي

مت وانا ارجع ماكو شي يقعد في بطني .. بس حطيت في بالي اني لازم اكل علشان لا يرتفع عندي الاسيتون

وكنت اكل اكل خفيف .... صج كنت ارجع بس عقبها ارتااااااح

 

[نظرة اعجاب]

نساتي ابنتي كانت حيييييييل قوية ومثل ما قلتي كله بالفراااااااش وبس ارجع حتى ما يمديني اروح الحمام تكرمين

لكن حملي هذا حده غيير صج ارجع بس وايد اهون من الحمله الأولى


واله ييسر لج يارب

 

[روان_الكويت]

الله يسلمكم حبايبي الي ردو
انشالله بدعي انه الله مايخليني اتنسى كلش

 

[الاخلاص]

حبيبتي مو شرط كل حمله جذي

توكلي علي الله مدام ريلج يبي بيبي حملي

والدكتوره هي الي تفيدج

صح كلامها
وادعيربج ان يهون عليج حمله ووضعه ويبعد عنج الوحام

 

[يالبا قلبي]

الصبر ياحبيبتي شتسويين هذي النسااة ياقلبي


توكلي على الله وفرحي زوجج وجيبي حق ولد اخوو او خت


يالا بلا دلع ههههههههههههههههههه


قولي علمي نفسج يالبجريه


عسى الله يعينج ويرزقج الظنى الصالح

برافو عليج هذا اللي كنت بفوله

 

[قمري]

في علج اسمه chooz هذا الللي نفع معاي بالنساة من الصيدليه و الله يوفقج

 

[بينك وورد]

حياتي الله يسهل عليج ولا تحاتين

ترى مو كل مرة تحملين تصير اللوعة قوية

مرات البجر تصير النسات قوية شوي

وترا حبوب اللوعة 3 انواع شوفي الي يناسبج فيهم

 

[روان_الكويت]

جزاكم الله خير