رد : رد: ابي احط مكياج برونزي منو يساعدني وشنو الالوان والماركات اللي اقدر استخدمها
شوفي يا قلبي اول شي تشوفين شنو نوع بشرتج وتاخذين كريم اساس مناسب لها طبعا انا افضل ماك لان رهيب والدرجه طبعا تختلف على حسب بشرتج يعني الكريم اللي عندي لما انا احط منه اللون على ويهي غير عن لما رفيجتي تحط منه عرفتي هذا بالنسبه للفونديشن وطبعا ماك عندهم نوعين في العصار هذا حق البشره الجافه مثل هالصوره
واذا بشرتج مختطله في اللي تصير علبته زجاج مثل هالصوره
وطبعا اذا في تحت عينج هالات سودا تقدرين قبل ما تحطين الفونديشن ترطبين منطقة العين و ماركة pupa عندهم مثل stick لونه اخضر ما حصلت صورته للهالات السوده توزعينه عالمنطقه و تنطرينه شوي ينشف وتوزعين الفونديشن عليه نفسه اللي تحطينه بويهج يصير تحت عيونج افتح شوي من ويهج يعني ما تحتاجين كونسيلر وشكلج ذرب وحلو ومافي فرق بالالوان وايد و اذا مافي تحت عينج سواد اذن ما تحتاجين الا كونسيلر افتح من الفونديشن بدرجتين او 3 اما الاي شدو انا اعلى مزاجي ساعات احط صدفي ساعات ذهبي ساعات بيج على حسب راح احطلج الوان من ماركات مختلفه وانتي اختاري حبيبتي
الeye shadow
هذا تقدرين تستخدمينه اي شدو وتقدرين تحطينه بلشر لمعته رهيبه
وانتي اختاري حبيبتي ، وطبعا تحت الحاجب لازم يكون لون صدفي فيه لمعه خفيفه عشان يكسر اللوك الغامج ويعطيج زهوه
شفتي اللون الابيض اللي عاليسار هذا تحطين منه خفييف تحت خطه الحاجب
يتبع...
