ابي احط لهم حد تعالو ساعدوني

[bal8es]

السلام عليكم بنات شلونكم

يمكن مشكلتي بسيطه بس بعالجها دامها باولها عشان محد يتمادى ويتعدى حدوده

السالفه ومافيها ان انا ساكنه عند اهل ريلي وفيهم تدخل بحياتي

صارو ينادوني بأم فلان رغبه منهم ان اسمي ولدي على اسم واحد يحبونه ؟!!!!

وانا وريلي مالنا راي ؟!!!!!

انقهرت ماحب احد يتدخل وابيكم تعطوني ردود لبقه ومافيها قلت ادب

بس توقفهم عند حدهم وعشان يعرفون ان مالهم دخل اذا خالتي او عمي نادوني بام فلان شنو اقول ؟؟؟


لاتقواون السالفه سخيفه مابي يمشي علي الاسم وانغصب اسميه


ومابيهم يتمادون بأمور ثانيه


لكم المايك

 

[shak!shoka]

ردي عليهم باسم ثاني انتي تحبينه او خاطرج فيه

بضحكه و غشمره



يمكن توصل الرساله و يفهمونها



ولا تقهرين نفسج و تعكرين مزاجج



و احسن حل تكلمين ريلج بالموضوع



اول و تالي انتي و ريلج الي بتسمون البيبي





احذي الامور ببساطه

 

[امـ خــزامـى]

حبيبتي اذا الاسم مو حاابته معذوووره
هذا ولدك تسمينه اللي تحبين وتتمنين
انا اقول اضحكي لهم وقولي يصير خييير
واذا ولدي ذيك الساعه وانت بصحه وسلامه
خلي زوجك هو يقووولهم الاسم ويتفاااهم معهم اطلعي منها
زوجك يحد الحدووود مع اهله مو انت عشان لايكرهوونك

 

[iLLuMinaTion]

الله كريم

 

[مسؤولة تعيين]

مالللهمممممم شغل خير ان شاءالله يختارون اسم ولدي
سوي الي انتي تبينه بس بعياااره مو بمشاكل خليج ذكيه

 

[Pinky -cat]

حبيبتي هاذا اختبار لج من البداية منهم هل انتي مالج رايي وتسكتين ويمشون اللي يبون ولا لج رايج وشخصيتج ومو الكل
يمشونج على رايهم وشورهم .

بكل بساطة قولي رايج ما حب هالاسم ، او قولي انشاله ليه يت البيبي من غير شر يصير خير ، او قولي لهم نادوني
باسم ام فلانه اللي هو الاسم الي تحبينه مثل ما قالت الاخت قبلي

ونصيحة مني لا تسكتين

 

[نـعـومـه]

عادي قوليلهم انا موام فلان ماراح اسميه هالاسم

 

[M!SS.LOBY]

حبيبتي هاذا اختبار لج من البداية منهم هل انتي مالج رايي وتسكتين ويمشون اللي يبون ولا لج رايج وشخصيتج ومو الكل
يمشونج على رايهم وشورهم .

بكل بساطة قولي رايج ما حب هالاسم ، او قولي انشاله ليه يت البيبي من غير شر يصير خير ، او قولي لهم نادوني
باسم ام فلانه اللي هو الاسم الي تحبينه مثل ما قالت الاخت قبلي

ونصيحة مني لا تسكتين

كلامها عدل:eh_s(7):

 

[أم ميميتو]

حبيبتي اذا انتي حامل و هما اختارو الاسم قوليلهم انا خاطري
اسمي الاسم الفلاني و اذا بنت الاسم الفلاني بس تعرفين ان فيج
ولد قوليلهم بسوي قرعه بالاسامي الي ابيها و الاسم الي تبونه
عادي اخذيها على ضحك بس ترى صج السالفه عاديه مو محتاجه
انج توقفينهم عند حدهم انا يوم كنت حامل بولدي الكل عطاني اسامي
من اهلي واهل زوجي والحين بحملي هذا نفس الشي هذا شي طبيعي

 

[queen92]

حبيبتي عادي مافيها شي قولي على غشمره لا انا ام فلان احب هالاسم وضحكي عادي لاتتضايقين وان شاء الله اهما راح يفهمون

 

[سوزي الشرقية]

والله ماعندج سالفة اني اسم ولدي مهدي وينادونه علوي مافيها شيءء