ابي احسن صالون للحواجب

[e7sas90]

بنات انا مشكلتي مو الكل يضبط حواجبي وابي صالون حق صبغ وتشقير الحواجب
انا ساكنة بالجابرية

واذا في صالونة تجي البيت عادي

واللي تعرف مكان يصبغون الحواجب لون فاتح مو البني اللي جنه اسود لانه مايلوق على ويهي كلش

بقولكم عن تجاربي مع الصالونات

لمسة فن الرقعي حلوة رسمتهم وشغلهم بس مشكلتهم ينتفون نص الحاجب والباجي كله رسم يعني لون راح الصبغ تتوهقين الحاجب كله مشقر وتعالي ربي عادي بس رسمتهم حيل حلوة وتطلعين راضية بالشكل
بس تقدرين تقولين لها بس تنظيف

صالون الشرقية ماااادري ليش تمدحونه غاالي وكل يوم يزيدون السعر ورسمتهم تلوع الجبد تطلعني نفس خطر اللي بالحيالة والله اطلع متفشلة من الناس وارد اقعد امسح فيهم بأسكينون مرتين جربت وندمممت

وصالون رمادا الكل مدحه وتعنيت له بالجهرا حيل شغلهم حلو بس بعييييد علي وماشاء الله كله زحمة وجربت نقشهم بعد عجيب ورخيص وراسمات صج

صالون بروفيشنال الرقعي شغلهم نص ونص مو وااو

في هندية كانت تجيني البيت شغلها مضبوط بس اخر ايام قامت تخورها بس حلو شغلهم ورخيصة وتضبط الرسمة وانتي تتشرطين شنو تبين هذا رقمها 51124201

 

[Dr.rooz]

أرت ستايل بالجليب عند ياسمين حلوو
هيربل سبا الرقعي الي ب سطرة بلوفيرجن

 

[فديت خبآلي]

والله مودري بس اختي مدحتلي واحد بالرقعي تقول حلوه رسمتهم واسم الصالون فيرجن بس انا صارلي حوالي جم سنة ماروح صوالين اسوي حواجبي بنفسي الحمدلله اشتري تشقير من بوتس يهبل حتى لونه مو اصفر اللي يلوع الجبد مثل الوان الصوالين لا وربي لونه شفاف شحلاته ويلايق ع لون البشرة ولمن اطالع نفسي بالمنظره والله العظيم كاني حافة مو مشقرة والصبغ ماصبغ بس اعبي الفراغات ببودرة حواجب من بودي شوب الغامضه شحلاتها مع انه حواجبي خفيفه بس تضبط الحمدلله << ادري طلعت عن الموضوع بس حبيت افيدج ماحب اخلي شي بقلبي وهو خير للناس

 

[زهرا_*]

اب اب اب

 

[سارة العجمي80]

أنا احف عند لينا شغلها عجيب بصالون بالشعب اسمه مس ريجينا جربيها شغلها روعه تقريبا من شهرين مجربتها وانا بيتنا بغرناطه بس اتعنا لها