ابي احسن شي يشد البطن بعد الولاده

[StrOnG WoMeN]

السلام عليكم ورحمه الله وبركاته
اشلونكم بنات
بعد فتره طويله وتفكير فكرت وقلت مالي غير منتداي الحلو بناته ينفعوني:ggdw:
باذن الله
ياريت الي عندهاااااا خلطه طبيعيه تشد الجسم ومضمونه:eh_s(6):
ابي حق البطن مترهل حيل
من بعد الولاده ولدي صار عمره ماشاء الله 3 سنوات
يعني مفروض اذا بشد يشد
وانا للحين ماشد كلش ومتعب نفسيتي :0bee2e8d89:
شكل بطني كلش معفس:krkrkr:
وانتظر ردودكم وتعاونكم معاي:tek:
وربي يوفقكم كلكم حبايبي​

 

[فوفو22]

تبين الصج

لا تعبين نفسج

جربت الليزر والكريمات باغلى الاثمان ماكو فايده


لين سويت شفط وشد لبطني

وما شاء الله لزق بظهري:dddds:

موضوعي كاتبة بالعمليات الجراحية بالتفاصيل الدقيقة

والله لو ادري جان من زماااان سويتها وارتحت بلا مخاسير بلا خرابيييييييييييط

 

[Om MaLaK]

هلا حبيبتي
شوفي اعرف وحدة من ولدت لبست المشد الازرق مال الرياضة و بس قللت عيش و قامت تاكل خبز اسمر
و ظلت مواظبة على هالنظام لمدة سنة و تقول بس اول شي صعب لكن الحين تحس انها مرتاحة و اهي من نفسها ما تبي تاكل العيش
المهم بعد سنة قامت تسوي رياضة البطن بو 10 دقايق كل يوم صبح
و الحين بسم الله ما شاء الله محد يصدق انها ام عيال
بس اظن انه هالطريقة ما تنفع الا حق الي توها والدة لشان يشد جسمها اسرع

 

[StrOnG WoMeN]

يعطيج العافيه ونورتي اول وحده ردت علي
فوفو مشكله ماكو اثر للكرش نهائي الي يشوف مايصدق عندي بطن اصلن بس بيني وبين نفسي متعب حده
ومشكوره

 

[طخمه بنت طخيم]

نفسي عمر ولدي سنه اللحين وبطني الله لايوريج يبيله اوووتي
اللهم لاأعتراض بس والحمدالله على النعمه:0bee2e8d89:

واذا لقيتي شي زين علميني:eh_s(16):

 

[StrOnG WoMeN]

هلا حبيبتي
شوفي اعرف وحدة من ولدت لبست المشد الازرق مال الرياضة و بس قللت عيش و قامت تاكل خبز اسمر
و ظلت مواظبة على هالنظام لمدة سنة و تقول بس اول شي صعب لكن الحين تحس انها مرتاحة و اهي من نفسها ما تبي تاكل العيش
المهم بعد سنة قامت تسوي رياضة البطن بو 10 دقايق كل يوم صبح
و الحين بسم الله ما شاء الله محد يصدق انها ام عيال
بس اظن انه هالطريقة ما تنفع الا حق الي توها والدة لشان يشد جسمها اسرع

حبيبتي كنت والده قيصريه
بس دكتورتي قالت لاتحطين الحين وبعدين ماحطيت وحتى لما شريته كان كبير مو صاك علي ومانفع معاي
يعني لاني مو متينه
انا بس ابي شي يشد بطني
وان شاء الله القه بس طبيي

 

[StrOnG WoMeN]

نفسي عمر ولدي سنه اللحين وبطني الله لايوريج يبيله اوووتي
اللهم لاأعتراض بس والحمدالله على النعمه:0bee2e8d89:

واذا لقيتي شي زين علميني:eh_s(16):

الف الحمدالله والشكر لله
ان شاء الله يفيدوني وافيدج
​

 

[bent_7awa]

حبوبه ماحبيت اطلع وماارد

دشي قسم السمنه والنحافه في موضوع وحده من الاخوات كاتبه ان عندها نفس مشكلتج وراحت الحواي

عطها زيت لافندر وماادري شنو اسم الثاني نسيته ..ونفع معاها

انتي دشي وتلاقين الموضوع انشالله

وانشالله ردي يفيدج

 

[رحيق الحياة]

انا اقولج تجربتي انا مووالده بس كنت شوي متروسه وعندي يطن وعندي مثل ما ذكرت ام ملاك المشد الرياضي الزرق كنت اشده على بطني واروح للممشي وانا امشي اشد بطني لي داخل وكانت شنو منطقت البطن عندي تعرق( العرق هو الشحم يذوب) وبعدها اسوي تمارين ضغط البطن كثر ما اقدر والحين مشاءالله شد بطني .

بس لا تنسين تشربين ماي واايد

 

[روعه الأحساس]

الله يعينا بس

 

[G A L A W I]

المشد الاندونيسي عجيييب طبعا مع الاستمرار

تقبلي مروري

 

[أم هـجـرس]

وانا بعد ابي شغلات ترد البطن الحين قاعده اجرب طريقة وحده من البنات كاتبه موضوع بمنتدى السمنه والنحافه خلطة اعشاب

واليوم لي اول يوم ويارب تروح الكرشه الله لا يردها

 

[جبل حايل]

انا عندي طريقه تشيل الخطوط والكرش وربي انا مجربتها بس هااااااااه ابي دعوه من القلب
ولا ابشركم ما تطووووووووول شرايكم اقول واللا لا ....
اول شي كل يوم حطي مره+طين خاوه +ماي دافي ليما تحسين ان المره ذابت حطيها على بطنج وخليه مكشوف ينشف بعد 5 دقايق او اقل ردي حطي مره ثانيه يعني على كيفج كل ما زدتي زاد المفعول بس خليه مكشوف اوكيه روحي غسيليه اذا ما تقدرين تنامين عليه بعدين شتسوين؟؟؟
في كريمين انا ماستغني عنهم روووووعه شوي عليه والله كريم من نيفيا مدور مكتوب عليه يرد البشره كما كانت تلاقينه بسلطان اما الثانيه نيفيا للسيوليت يجي عصار طويل على طول حطي هذا بعدين المدور ودلكي بطنج عدل ليما تحسين انه تشرب شوي ...
لبسي مشد انا ماخذته من كرز عند الملابس الداخليه على 750 فلس صج رخيص بس وربي يجننننننن يجي على كلبسات صفار صغار لا تاخذين ابو لزقه كلش مو حلو نامي عليه قعدي غسلي من باجر ردي حطي الكريمين كل يوم وتالي بعد اسبوع قولي شصار انا صارلي والله ثم والله يومين تخيلوا يومين حسيت بفرق ترا المره يا بنات تجنن تجنن ترا حتى للوجه والله تشده اذا فيه تجعدات وترفع الخدود وتصفي البشره وتخليها جنه منظره تكفون وربي انا ما ابي اللا الدعاء اذا مستكثرين مو شرط تكتبين الرد المهم تدعيني بظهر الغيب ان الله ما يحرمني من اللي انا فيه طلب اخير اللي طبقت لو اسبوع من اللي قلته تكفون عطونا رايكم وشجعوا بعضكم وانا عن نفسي ما استغني عن هالطريقه

 

[عيميه شيتوونه]

السلام عليكم ..

حبيبتي جبل حايل مشكووره عالمعلومات المفيده بس انا عندي جم سؤال لو سمحتي اذا ممكن ابي الرد

اول سؤال شكثر تميتي على هالشغله انج تدهنين بطنج وهل نزل وزنج ؟
ثاني سؤال متى تحطين كريم النيفيا قبل الخلطه ولا بعد ؟؟


طلبتج ابي الرد ويعطيج العافيه

 

[lailalaila]

ما في على الرياضه و اللي يقول ان لو تركتيها البطن يرد حجي فاضي رياضة و تقليل نشويات و بس
الحمدلله و قولوا ماشاءالله عندي اربعه و بطني لازق بظهري كل اللي اسويه نادي بعد شهرين من الولادة و اكل متوازن

 

[StEllA]

حبيبتي جبل حايل مشكورة على النصيحة بس شنو طين خاوة ووين القاه؟؟؟

 

[غـــــلاM]

جبل حايل
الله يوفقج ياقلبي ويرزقج من حيث لاتحتسبين....

 

[جبل حايل]

مشكورين يا قلبي على الدعاوي الحلوه وانا تحت امركم
طين خاوه تلاقينه بالحواج شكله جنه صخر ترابي يتفتت كسريه بالهاون بعدين طحنيه بالمطحنه مالت القهوه
لما تحطين عليه ماي يصير جنه طين شحلات ريحته اموووووووت فيه ودي اكله خخخخخ
والله يا بنات قسسسسسسسم اني بعد ما ولدت قالولي لا تحطين مشد اهو راح يرجع مكانه طلع جنه جربه مو بطن والله جني حامل يلوع الجبد بس يا بنات ترا الاجسام انواع فيه اللي بسرعه ينفع معاه وفيه اللي يبيله مده انا مداومه والحين والله حاطته كل ما ينشف ارد احطه طبعا لا تنسون المره لازم تكون معاه لاااااااازم يا تطحنيها واذا مالج خلق حطيها مع طين خاوه وخلطيها مع ماي مغلي ليما تذوب المره والطين حطيه لما ينشف ردي حطي انشالله تعجبكم هالطريقه مو تسوون مره واللا مرتين لا خلينا نقول لو اسبوع داومي وصدقوني راح تعجبكم وتردون وتستمرون على فكره هالخلطه تنحط على الويه والصدر يشده ويخليه زبده وترا ينفع حييييييييل للي تعاني من الحبوب في الخلفيه واللسيلوليت للفخوذ كريم نيفيا بعد ما تتسبحون من الخلطه نشفيه جسمج عدل حطي كريم نيفيا للسيلوليت ودلكي شوي وحطي كريم نيقيا اللي قلت عنه مكتوب عليه يعيد البشره كما كانت واللي عاجبني ان هالكريمين حلو ريحتهم يعني حتى لو حاطتهم تقدرين تطلعين وريحتج حلوه

 

[جبل حايل]

بنات لا تنسون المشد اللي قلتلك عنه روووووووعه شوي عليه لازم تلبسونه على طووووووووول

 

[جبل حايل]

على طاري ما ادري هالخلطه تنزل الوزن واللا لا بس انا اقولكم ترا انا ما اكل الاشياء الدسمه مرقوق وعيش والشغلات...
كلش ما احب بس الخلطه تشد وهذا اللي انا متاكده منه وترا بطن اللي والده مو سمنه كله ماي وهوا على فكره انا ما سويته على طول بعد الولاده مثل ما قلت لكم بس نصيحه اللي توها والده سويها راح تجيب نتيجه اول باول ولا تصدقين اللي يقولج تنزل الارحام ما ادري ايش
وتبين طريقه اظمن كليج نايمه على ظهرج ولبسي المشد وانتي منسدحه عشان على قولتهم الارحام ما تنزل يكون بوضعه الطبيعي