ابي احسن دكتور عظام لو سمحتم

[أم جوري]

السلام عليكم
تسوون فيني معروف لو دليتوني عليه ... ظهري ذابحني وكل ما اروح للطبيب قبل مااقول شفيني عطوني اللوصفة مسكادول وفيتامين بي 12
ظهري ما اقدر اتحرك بسبته حتى نوم ما اقدر انام ... فياريت اللي مجربه دكتور زين او سامعة عنه تقولي ...

 

[سحيله_الحلوه]

مشاركة: ابي احسن دكتور عظام لو سمحتم

ماعندي فكره!! ماتشوفين شر الله يعينج
عسى الله يشفيج انشالله

 

[سارا ديور]

مشاركة: ابي احسن دكتور عظام لو سمحتم

سلامااااااااااااااااااااااااات أم الجوري

على فكره أنا صار لي جذي نفسج وإلستمرت الألام سنه كامله

وهالشي صار لي من عقب الولاده

شدت معاي عضله

وعطوتي نفسج ميسكادول وأبر بي كومبليبكس

يالله عقب سنه صرت زينه

على فكره انا راااجعت عند دكتور سامي عبدالغفار الحين عيادته كل أربعا في مركز شيخان

الفارسي من 7 _ 1 الظهر بس عليه طق إعصي إذا عندج أحد بالصحه يسوي لج واااسطه

لأن العظام معروف موااااعيدهم وااايد بعيده وماتشوفين شر حبيتي

 

[s3ad]

مشاركة: ابي احسن دكتور عظام لو سمحتم

سلامتج يا أم جوري
وما تشوفين شر
انا بصراحى اعاني مثل معاناتج
انا رحت حق استشاري بمستشفى الجهراء وسويت اشعة مقطعية
وعلى هالاساس شخص حالتي <<<< انحناء بالفقرة الرابعة
الحمد الله على كل حاااال
فانا انصحج لا تسكتين على عمرج حاولي ادورين واسطة عشان تسويت هذه الاشعة لانها حيل دقيقة
وتقدرين ترسلينها على المانيا اذا مو واثقة من دكاترتنا اللي هني
فاذا متينه بيقولج ضعفي
واذا ضعيفة يقولج ما تقعدين عدل
الله المستعان

 

[أم جوري]

مشاركة: ابي احسن دكتور عظام لو سمحتم

السلام عليكم

تسلمون يا الغاليات

والله انا هالمقطعية هذي اللي ذابحيني عليها , بالاشعة العادية طلع عندي خشونة بالفقرة الرابعة والخامسة ...
ويا سعاد زوجي بيروح الماني ا بعد اسبوع ...
طيب وين في اشعة مقطعية بالخاص اسويها وابعثها معاه ...
بعدين انا الحمدلله مو متينة وزني مثالي
بس اليوم اللي تسوي المساج قالت لي نفس كلام سارا قالت هذه كله من رحمش جسمش كله هوا وسوت لي كاسات هوا وارتحت شوي ... وقالت لي دفي عمرش عدل وقصري التكييييييييف
بصراحة بولادتي الاخيرة لأنها كانت متعبة جدا وجت ولادة مبكرة وكنت بروحي ما سويت ترديد ولا ارتحت لأني وقتها ما كان عندي شغالة ... .
بعدين حبايبي العدان ما خيطو الجرح صح وصار عندي ورمة ببطني تحت عن الرحم وقالوا لي هذا تجمع دم وصار عليه تليف وما راح يشيلونه الا مع الولادة الجاية ومع انه حيل يعورني ومرات يكبر قالوا ما في غير هالحل ...
وقبل اسبوع جتني الدورة اعزكم الله بس ما نزل الا شوية دم ...

تسلمون يا الغاليات

 

[حبيبته آنا]

مشاركة: ابي احسن دكتور عظام لو سمحتم

ماتشوفين شر ياقلبي
نصيحتي لج روحي حق الدكتور علي المكيمي انا فعلا ما شفت اشطر من هالدكتور خوش دكتور

 

[أم جوري]

مشاركة: ابي احسن دكتور عظام لو سمحتم

مشكورة يا الغلا
بس هذا وين عيادته ؟
انا سمعت عنه

 

[شجووون]

مشاركة: ابي احسن دكتور عظام لو سمحتم

سلامتج ماتشوفين شر عندج الدكتور مساعد السعيد في حولي وعايشه الرقم في السالميه والاثنين انا مجربتهم ممتازين

 

[سارا ديور]

مشاركة: ابي احسن دكتور عظام لو سمحتم

ماتشوفين شر ياقلبي
نصيحتي لج روحي حق الدكتور علي المكيمي انا فعلا ما شفت اشطر من هالدكتور خوش دكتور

شفتي الدكتور على المكيمي ؟؟؟؟؟؟؟؟؟؟؟؟؟

خالتي كانت تراجع عند الدكتور سامي عبد الغفار أوكي

قوم يانسبها ويمدح لها دكتور علي

لما راحت له وقااالت أنا كنت اراجع عند الدكتور سامي

فززززززززززز من مكتبه وقال هاذا استاااااااذ

تخلينه وتراجعين عندي ؟؟؟؟؟؟؟؟؟؟؟؟؟؟؟؟؟؟

طبعا خالتي خااااافت دكتور علي يقول للدكتور سامي لأنه عيب كأنها تقول له

إنت مو زين وأبي أراجع عند واااحد ثاني

ولما راجعت مره ثانيه عند الدكتور سامي قالها إن دكتور علي قاله عنها إنها راجعت

عنده طبعا خالتي قالت عنه حدا مطيور وماقامت تراااجع عنده

هذا دليل إنه ممتاااااز

والله إن شيخاااات يراجعون عنده

 

[أم جوري]

مشاركة: ابي احسن دكتور عظام لو سمحتم

مشكورات يا الغاليات بس وين عيادته