ابي احسن دكاتره لعلاج تاخر الحمل افتر راسي

[*مرامي*]

السلام عليكم

بنات واللي يعافيكم ويرزقكم من رزقه كوكش بنين وبنات
ابي احسن دكتور لعلاج تأخر الحمل
افتر راسي وانا اسمع عن فلان وعلان ابي احد مضمووووووون
طبعا كله بيد رب العالمين سبحانه

قولولي اروح حق منو شنو تجاربكم مع هالمشوار؟​

 

[هداوي المطيري]

د باتريك بمستشفى لندن

 

[pinkzz]

حبيبتي في دكتور عبدالمنعم مصطفى فبوشهري كلنك
و انشالله يرزقنا يارب جميعا بالذريه الصالحه

 

[. رايا .]

انا لحد ألحين مراجعة عند
1. ليلى أشكناني ... وايد طولت معاي بالكلوميد 9 أشهر أحسها وايد حريصة حتى الأبر مرة وحدة و خفييييف أحس حرصها مو طبيعي و كانت ماتنتبه على أشياء مثلا زوجي كان عنده التهاب شديد و أهو اللي مسبب بطئ الحركة و لا يابت طاري
2. فوزية القطان ... وايد زحمة عندها و عادي يوم التلقيح الصناعي قالت لي وحدة من دكاترتها يسوونها و أنا ما أحب جذي و هي عكس ليلى من أول شي بدت معاي أبر و جرعة أقوى لكن هذا سبب لي مشاكل بعدها, و لما سويت منظار عندها ما عطتني مضاد مع ان لما سويت اشعة مع ليلى عطتني كاجراء وقائي صج يمكن يصير التهاب و هذا الشي ما عجبني
3. حازم الرميح... الصراحة أهو الوحيد اللي لما شاف تحاليلي و تحاليل زوجي تكلم فيهم بالتفصيل الممل كل شي تكلم عنه بس ما كملت عنده لأني ما بي دكتور ريال كنت بس أبي رايه
4. حفصة البوعركي... ما أحسها شاطرة وايد حتى اهي اخصائي عقم مو نفس الباجي استشاري بس أنا حالتي مو صعبة وايد و مرتاحة من المستشفى و ماكو زحمة لأن أنا و زوجي أهم شي عندنا النفسية
5. ناهض حمادية ... سمعت عنه وايد بالمنتدى و رحت له أبي رايه في حالتي كان يوم سبت و عنده واااايد زحمة اللي حتى الناس واقفين بالممرات جنة بالصباح ما قالي شي زايد عن الباجي و لا كلمني عن حالتي و حالة زوجي مع ان للأمانة قالي ما تطلعين الا لما تسألين اللي في بالج بس ساعات في أشياء المفروض الدكتور ينبهج عليها
المهم قلت قصة حياتي
بالنسبة لي أحسن اللي مريت عليهم بالترتيب
حازم- فوزية-ناهض -حفصة
و اللة يوفقج

 

[برديـــس]

اللهم يا واحد يا احد يا من بيده ملكوت كل شى وهو على كل شى قدير يارب يارب يارب ارزقنى وارزق كل محروم ومحرومه وذوقنا حلاوة الولادة واحساسها اللهم امين يارب

ويارب يارب يارب تفرجها وتهونها على اللى ولادتهم قربت وتيسرها لهم وتقر عينهم بشوفة ضناهم بحضنهم اللهم امين يارب اللهم امين يارب اللهم امين يارب

 

[مغتربة 2006]

والله انا ارتحت مع ناهده العلي

 

[برديـــس]

انا ارتحت مع د. معصومه مخصيد

 

[المشخوطه]

الصليلي اللي مستشفى العرف اللي بالجهراء
شكثر بنات أعرفهم عالجوا عندة والله رزهم بعد معانات
من كثر الزحمة يالله يحوشج موعدج بعد 3شهور
والله يرزق الكل

 

[نيبال الايمان]

ضى الايمان


ياعمرى اول شى عسى الله يرزقج باللى يقر عينج ويفرح قلبج عاجلا غير اجلا اللهم امين يارب

ياعمرى توكلى على الواحد الاحد واستخيرى فى وايد دكاترة زينيين بس لا انا ولا انتى ولا الدكتور بيضمن لج الحمال حتى لو كان هو الاول فى العالم 000

وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[ماي الورد]

انا كنت اتعالج عند حازم الرميح فعلا دكتور بمعنى الكلمه بس عيبه الوحيد ان يسوي العمليات متى ما خلص من المراجعين عنده وبعد الترجيع يخلونج ربع ساعة نايمة على ظهرج وتطلعين البيت لان المركز عندهم يسكر الساعة 10 وهو يبدا العمليات الساعة 9 انا على مرتين سويتها عندة نكون 3 منتظرين العمليات وعلى حظي اكون الثالثة

والحمدلله على كل حال فشلت العمليتين

 

[روعة خيال]

انا عند امل الراشد تهببل

 

[*مرامي*]

مشكورين كلكم بنات والله يرزقنا يارب
د.عبد المنعم اختي عالجت عنده بعد 4 سنوات زواج ويابت توأم واحملت عليهم على طول ويابت ولد
اذكر قالتلي انه قالها راح تقولين ياباب مانفتحش
بس مارحتله
ود.الصليلي في مستشفى العرف اعرف وحده من اول مراجعه عنده احملت بس يقولون طواله مواعيده

و.امل الراشد ما اعجبتني وايد حق تأخر الحمل في تفاصيل وايد ما افطنت عليها منها الفولك اسيد ماعطتني اياه

والله مادري محتاره

 

[ازعجهم هدوئي]

يابنات لية ماترووحون الدكتورة عالية الفضلي وااااااايدممتازة تحسينها صريحة عندنا في السعودية مرررة يثقون فيها تجي في قناة بداية

 

[غيـ الناس ـر]

انا رحت لفوزية القطان وماجده اليتامى كلهم من اول ما دشيت عليهم انتي تلقيح صناعي لازم وله ما تحملين .. مع العلم ان مافيني شي الا ضعف بسييييييييييييييييييط وارتفاع مزمن بهرمون الحليب ..

وماجده طبعا قالت لي انا ما اثق بتحليل اي احد من بره عيادتي لازم زوجج يعيد التحليل عندي !!

شنو لعب هو اللي بره ما يعرفون وبس انتي تعرفين ..


وناهده والله يعلم اني ارتحت لها بس للاسف قالت لي بعطيج كلوميد من غير ما تسويلي تحليل ولا شي يعني مني والطريج ..


واخر شي رحت لنداء بو خضور وهي الوحيده اللي ارتحت لها وايد تراعي العمر بالعلاج يعني ما تعطيج شي قوي ..

وطول فترة 6 شهور اراجع عندها ما عطتني كلوميد بس ضبطت لي هرمون الحليب .. وعطتني كلوميد مره وحده بكمية مخففه جدا والحمدالله حملت

 

[*مرامي*]

عاليه الفظلي مادري عنها ماسمعت احد عالج عندها

غير الناس اهم الشي عندي ان الدكتور يراعي شوي ويبدي بالتدريج
انا خايفه من الكلوميت ارد اخذه مره ثانيه لانه دكتوره امل عطتني اياه تقريبا 7 او 9 شهور وموزين اخذه هالمده كلها

 

[المشخوطه]

حبيبتي انا انصحج نصيحة لوجة الله احذي موعد عند الصليلي وانت شنو خسرانة
ادري مواعيدة مطولة رفجتي ماخذة عندة اللحين حاشها الدور آخر 8 وهاذي ثاني مرة تروحلة أول مرة من أول مراجعة أحملت بعد اربع اسنين لما اتعبت من الفرارة بين الدكاترة جابت ولدها الله يخليه لها واللحين خذت موعد ثاني الله يرزقها ويرزق الجميع اهي فيها ضعف وزوجها فيه بغد ضغف سوالها تلقيح صناعي من اول مرة احملت وفضل كلة لله طبعا بس الله سبحانة وتعال قال لكل داء دواء وقال اسعى يعبد وانا اسعي معاك حبيبتي احذي موعد انتي شنو خسرانة وانشاء الله تحملين قبل لا يجي موعدج

 

[ورد الروح]

الصليلي ماشالله عليه شاطر ومريح بالتعامل

 

[*مرامي*]

شوركم وهداية الله

 

[أم سعووود]

أنا انصحج بدكتور باتريك مستشفي لندن شاطر شاطررر انا اعالج عندة وحملت من اول مراجعة سويت تلقيح عندة وقبلها كنت عند عالية الفضلي اربع شهور مافادتني واختي بعد عندة وسوت طفل انابيب وجابت توأم والفال لج انشاللة من أول مراجعة وكل شي بامر اللة سبحانة وتعالى

 

[Emanova]

حبوبه كل وحده ترتاح لدكتور معين ....انا لما قلت ابي اسوي انابيب او حقن مجهري رحت حق اسامه صالحه و وصف لي الادويه بدون لا فحص و لا تحليل ...

و رحت عقبها عند حازم الرميح ما رضى يسوي لي حقن لحد ما يسوي لي 3 مرات تلقيح صناعي و انا قلت له ان مع المنشطات مبايضي تضخم ...و كتب لي تحاليل بالشيء الفلاني ...

آخر شيء رحت حق ماجده و اهي لي كل شيء خطوه خطوه و فهمتني كل شيء راح تسويه و ما استعيلت علي و الحمدالله ما بقى شيء و ادش شهري ...


اللي بوصل له ان انتي ويين ترتاحين افتري و شوفي انتي ارتحتي حق منو و الله يكتب لج اللي فيه الخير و ان شاء الله ما تخلص هالسنه الا انتي حامل يا رب