ابي احد يعلمني شلون أحل مشاكلي

[a7la siorah]

السلام عليكم

بعتبر هالموضوع فضفضه وابي منكم تعلموني شلون احل واسعد نفسي بحياتي

انا دايما مضايقه ودايم ابجي مع ان مشاكلي مو كبيره بس متعبه نفسيتي

بالاول انا حساسه حيل وزوجي دفش دفش حيل يعني مايعرف شلون يتعامل معاي

ووانا عصبيه واهو عصبي يعني دايم مختلفين واهو دايم يكون اهو الغلطان ويقلبها علي

لاني انا مرات يخوني التعبير ولا اعرف اخذ حقي لان يضيع بالصراخ صراخ وبجا

وكل شي اطلبه منه ماله داعي ومايرضا واذا جابلي شي لازم لازم يمن علي فيه

ولازم كلمة انتو مو كفوو لدرجة ان لو جايبلي شي صرت ما افرح اتضايق

كرهني بكل شي واهو حريص حيل يعني في اشياء عادي انا اشوفها مو تبذير

اهو يسويلي سالفه فيها مره زعل علي عشان بس اخترت خدامه ب 750 يقولي شلون شلون

انتي ما تخافين على زوجج ولا تحرصين عليه يعني انا ابي اخسره لازم اختار ارخص خدامه

اي شي اختاره لازم ارخص شي ويصرخ علي جدام اهله ومره جدام ولد خالته

يعني شغلات واااااجد مضايقتني حيل بس هذا الي الحين قدرت افضفض فيه

واحس مرات امي تتضايق علي اذا كلمتها وقلت لها هالامور الي تضايقني

فصرت اسكت بس الحين حيل مضايقه اسلوبه بالمره مو قادره اتعايش معاه

 

[ملگه]

الله یعینک اختي لواقدر اساعدگ گان ساعدتگ ان شاءالله یفیدونگ البنات

 

[a7la siorah]

مشكوره حبيبتي

 

[لي لي الحلوة]

مريت بنفس السالفه لا تضايقين ولا تنرفزين


طوفي طنشي صج ان هالاسلوب والحركات مرات تحرجج ومرات تفشلين


لانه تافه بالنسبه له وبالنسبه لج مو تافه


بعلمج شلون تحلين مشاكلج


اقري قرآن وكثري استغفر وادعي ان الله يسخرج زوجج


حلي مشاكلج انتي وياه بروحه

ولا تقولين لاحد سوالفكم وشنو اختلفتوا عليه

حطي كذا حل لمشاكلج وحل يرضيج ويرضيه

الحياه مرات تحتاج لبعض التنازلات

اتمنى قدرت افيدج بشئ

 

[a7la siorah]

مشكوره حبيبتي

وفي شغلات بعد بفضفض فيها

اهو مايقولي كلام حب اكيد فاهمين شنو قصدي

ومفهمني ان الزوج الي يقول لزوجته هالكلام يجذب عليها

وغير جذيه مرات اذا شاف فلم رومنسي او سمع ان اثنين يحبون بعض

يقولي ليش انا عمري ما حبيت ؟؟ اسمع الشباب يقولون احبها ومرات يبجون

وانا اطالعهم مستنكر ليش انا ما جربت شعورهم صدمني قلت له يعني انت ماتحبني ؟

عاد انا حيل حساسه واثرت فيني صج

 

[ديانا سبنسر]

الله يهديه

 

[وردة وطني]

حياتي تحملي وربي راح يساعدج
بيني له ان هالاممور مظايقتج
ولاتستحسين خليج قويه
وكثري استغفار ورطبي لسانج بذكر الله اقرئي البقره والله سحر حلال راح تذكرينكلامي عدل
عطي بعض الامور طاف لانه أمور تافه

والله يعينج قلبي

 

[جذابه بنت ذيابه]

طنشي وعيشي حياتج و اضحكي وانسي الهم و نصيحه ادعي بصلاتج

 

[روحين في رـوح]

ـآلرجــآل تلــلآعبيـه موو تهــآجميهـ


لكل رجـــل فيه نقططه ضعف تجــآه كل أنثــى اآنتـــي زوجتـه ولآززم تعرفيهــآ


ا

 

[attoosh]

والله يا حبيبتي كل الرياييل جذيه لازم صدقيني مو بس انتي اذا تبين تنسعدين خليج قنوعه وقولي مافي احد كامل حتى انتي موكامله متأكده انا لو بقعد معاه بقولي عنج عيوب هل كثر فأنا ابيج ما تقعدين دايما تقيمين لانج ماراح تلقين وقت تحبينه وتحلين امورج معاه سمعي مني حبيبتي تقبلي كلشي بصدر وسيع وانسي ولا تحطين بقلبج وطنشي وحلي امورج بذكاء وصيري ذكيه المره مالها الا بيتها وزوجها طول ما ان ما يخون وما يطق ويمد ايده ويصرف على بيته بالمعقول فانتي بخير والحمدلله وباجي الامولر مقدور عليها حليها بالتفاهم وحسسيه دايما انج تخافين عليه وعلى فلوسه واذا دفش علميه الذرابه مو تقعدين تجابلينه وتنتقدينه وفيك وفيك صيري ذكيه بالين والحب كلشي بتاخذينه

 

[انت مناي]

حبيبتي ادعي بالثلث الاخير من الليل ربي ماراح يردج

 

[منيرة@]

بقولك نصيحه اقراي نصاىح ناعمه الهاشمي


احسهاا مفيده جدااا وتغير حياتك

واستغفري كثير وخليك دايما قررريبه من الله. صدقيني تتغير حياتك وخليك متفاااااىله

واستخدمي قانو ن الجذب وقولي منيره قالت

 

[منيرة@]

..............

 

[دلوعة أبوهآ]

آلله يفرج همك

 

[mi corazon]

صباح الخير


انا اللي خلاني ارد بمشاركه كلمته ( أشوف الشباب يحبون انا ليش عمري ماحبيت؟)

اهني تقولين له لأنك مؤ مكتوب لك تحب غيري يعني انا وبس


اول شي خلي عندج ثقه بنفسج

انتي نفس حالتي احيانا يخوني التعبير وانتح او أطنقًر او ابجي عقب ساعه اقول المفروض اقول له جذي و جذي ( قناة السودان)

عالعموم شكله يبيله صبر وشغل ريلج

سالفة يزفج هاذي عادي مع الوقت لما انتي ماتعطينه ويه يزفج .. حسسيه اني كبيره وفاهمه ( بس داخل البيت انتي بيبي مؤ تلخبطين)

والمصرف انتي الحين فرصتج ... تعرضتي لإجهاض معناته تحتاجين خدامه ... انتي اختاري واهو يدفع ملزوم عاد الحين حسسيه ان الشغل اللي تسوينه متعوب عليه علشان لي حملتي تذكرينه ( وي لو فيني شده جان سويتلك نفس قبل ) ولو قال لج انتي ماتراعيني وماتخافين علي عالمعاش قوليله لا ابد تفداك العين والعافيه .. بس هذا ولدك وانت شفت شنو صارلي قبل .. اذا بتفرط فيه براحتك بس انا خايفه على ولدك وبريت ذمتي لو صارله شي


ومفاتيح ريلج الباجيه انتي أدرى فيها

 

[انثى عاشقة]

الي تلقى حل لحرص ريلها ومنته ع كل بيزة يدفعها تساعدنا
الله كريم ​

 

[تبيني آرضى عليك]

الله ييسر امورررررج ويهدي ريلج

 

[أدعج غنج]

في نقطه أحب أقولها وهي قاعده للرجل البخيل ...الصراحه اذا زوجج حريص فهذا شي لكن بخيل هذا شي ثاني

لأن البخيل بالمال هو بخيل في كل شي اخر وخصوصا المشاعر....فغسلوا ايدكم من شخص بهالصفه

ماريد ازيد همج بس لازم تتعلمين فن التطنيش والذكاء فالرد...غير جذي انتي لي بتتعبين وبتجنين على صحتج

 

[Bloom]

المشاكل ماتنحل بالبجي والصراخ
قعدي معاه بهدوء وخلي كلامج حلو حبيبي وحياتي
واخذيه بالطيبه ترا اغلب الريايل جذي
بس لازم المره اهي الي تتحكم باعصابها بتجوفينه يطخ

 

[PuPa^^SWeeT]

شووفي اهو اتصير زعلات بين الازواج عادي

وهذي مو مشاكل


هذي بهارات على قولت امي




بس انا معاه ب سالفة خدامة 750 بس مو علييج


ههههه عالمكاتب


يعني توي وياه قطينا قطية علشان انييب المسعدة


صراحة المبالغ مو طبيعية للخدم


يعني من 200 طمروو اي 600 اقل وحدة


و ذيج ال 200 كانت اغلى وحدة


اتلاقينه مبين انه اهو قايم بميزانية البيت


من جذي يقولج لاتخذين غالي


الحل ياقلبي


اذا انتي مو موظفة توظفي و عاونييه



اذا موظفة و عندج راتب


خلاص لاتكسرين ظهره


الريال يعتفس عفيسة اذا قصرته فلوس ولا كلمته مانسمعت