ابي احد يعلمني المرقوقه

[فديت عيالي 3]

بنات تكفون ابي المرقوقه الكويتيه شلون تكفون بنات :yaaaaaarb:

 

[مرايــــــــم]

شوفي هالمواضيع ان شاء الله تفيدج

طريقتي بعمل المرقوق بالصور( من الاطباق الكويتيه القديمه)


طريقة عمل المرقوق بالخطوات الصورة

 

[الأميرة جوري]

لرفع

 

[ام الدرر]

المرقوق
مرق لحم بدون خضار والبعض يحط فيه باذنجان بس -لومي اسود كامل - فلفل اخضر حار كامل
العجينه
ماي -ملح -طحين
انا احط تقريبا كوبين ماي بالعجانه
نص ملعقة متوسطه ملح
واضيف الطحين شوي شوي
(في ناس تخلط طحين ابيض واسمر )
لما احس انها عجينه موصاكة حيل - لزجه لو بتمسكينها
(نفس عجينة الخباز )
تكور العجينه بحجم التفاحة وتغطى
(طبعا لازم تدهنين ايدج عشان ماتلزق)
لما يستوي اللحم
تفرد العجينه طبعا امهاتنا يفردونها بالرق بين اليدين وقليل اللي يعرف الطريقة
انتي فرديها على طاولة المطبخ او سيراميك الرف بعد تنظيفة
تفرد بحجم خبز الصاج الجاهز
وترفع وتوضع بالمرق ويضغط عليها بالملاس حتى تتشقق
ولحد ما تخلصين الكرات كلها
انا عندي المطازيز اسهل لانها دوائر صغيرة تفرد وتوضع بالمرق
وللمرقوق استعمل خبز الصاج الجاهز يعطي نفس الطعم تقريبا​

 

[ســتارز]

شوفي حبوبة اذا انتي من اللي يحبون التعب اعتمدي الطريقة التقليدية

واذا لا ... سوي مرقة لحم او دجاج وجيبي عجينة السمبوسة المثلجة وقطعيها

مربعات وحطيها على المرق وحركيها باستمرار

بتصير مرقوقة ترفة وناطعة وسريعة

بالعافية

 

[جارة القمر]

تفضلي طلبك::


http://www.q8yat.com/t194043.html


http://www.q8yat.com/t299783.html


http://www.q8yat.com/t129136.html

 

[رحيل المرافيء]

انا ما احب اللحم
اسوي مرق خضرة باذنجان كوسا بطاط قرع فلفل
وبعدين احط عليه خبز ايراني يا سلام وعلى طول اسكر الشوولة ما اخليه يطبخ لانه بيذوب من حرارة المرقة نفسها
وممكن تاخذين عجينة من الخباز يعطيج بس رقيها وقطعيها على المرق

 

[dnyay_mll]

البنات ماقصرو
انا اسويه بخبز ايراني احلى

 

[العز انا]

بخبز ايراني احلى

 

[ranoona55]

بالسمبوسه احلا وتقدرين تتفنييين بان تحشين السمبوسه باللحم المفروم تطلع هم حلوه

 

[قــ القلوب ــوت]

امي تسويه بخبز ايراني وتطلع عجييبه .. انتي اشتري خبز جاهز اي نوع يعجبج وسويه مو لازم انتي تسوين العجينه لانه بتتعبين شوي

 

[المنقسي]

بالخبز الايراني عجييييييب واسهل واااايد