ابي اثبت كيااااني في المجتمع @@@@@@@✿موضوع مميز✿

[شادن33]

مساعدة مشرفات قسم المناقشات الجادة
نهى الأحمد​

​

السلام عليكم حبايبي

شلووونكم :eh_s(17):

الموضوووع عن عمل الام او الام العامله

طبعا محد ينكر دور المراه في المجتمع وأنها وصلت لأعلى المراتب حالها حال الرجل سيم سيم

وانا اليوم بتكلم عن عمل الام وجهه نظري يمكن البعض يخالفني الراي

بس انا حاطته للنقاااش والمداولة

انا اشوف ان الام اللي عندها عيال تحت سن للمدرسه يعني تحت ست سنوات تقريبا تظلم اعيالها لما تتوظف اكثر من ان تفيدهم

ليش قولوا لييييش !!!!!

انا اقولكم

لان تحت هاالسن يكونون محتاجين لها اكثر من رعايه وتربيه وحتى تغذيتهم التغذيه السليمه

يعني ما تقط أطفال صغار في اللفه وهبره لحم وتروح تشتغل من غير حاجه ؟؟؟!!!

يعني تكون مومحتاجه الفلوس اللي تخليها تتطر انها تشتغل !!!

بهالسن كل شي يتكون عند الطفل شخصيته صحته اسلوبه تواصله مع الناس اذا هديناهم عل الخدم ضاعوا بيصيرون مو

نفس اطباعنا ولا قيمنا ولا اخلاقنا ويضيع المجتمع باكمله

ليش!!!! لان ماحصلوا ام حنونه مجابلتهم في فرحهم زعلهم مرضهم منو لقوا ميري وجاندرا وما ادري منو

ليش كل هذا وحده مومحتاجه للشغل الله راهي عليها مو اولى تجابل هالكوكش يهال اللي يايبتهم

ليش اتهد الامانه اللي امنها ربها والهديه الحلوه اللي عطاها عشاااان فلوووس مو محتاجتها الا تصرفها للكماليااات

لاحظواا انا أتكلم عن الام المومحتاجه فهمتوا علي واللي محتاجين الله يكون بعونهم ويغنيهم يارب

الخلاصة من هالقرقه

انا اللي اشوفه ان الام تقعد تجابل اعيالها ابرك من الوظيفه اللي مو ضروريه لها

بالأخص هل كم من سنه اللي يكون فيها الطفل بأمس الحاجه لامه وبعدين لا مانع اذا كبروا اعيالها تتوظف وتشتغل

وتثبت كيااانها في المجتمع

المايك لكم

تحياااتي
كل يوم تعااالوا :eh_s(9):



*

 

[Patcholli]

رد: ابي اثبت كيااااني في المجتمع @@@@@@@

اي والله شدون معاج حق بكل كلمه وانا اضم صوتي لصوتج واناصرج وكلنا معاج قلبا وقالبا
صج حتى انا قايله اذا الله رزقني بالعيال ان شاء الله بقدم استقالتي واتفرغلهم شنو بالدنيا اهم من عيالج وتربيتهم ؟؟
اتفرغلهم لين يكبرون ويدشون المدرسه وتالي اقدر ارد لوظيفتي واكمل
لان صعبه توفقين بين الوظيفه والتربيه التربيه الصحيحه يبيلها تفرغ تام وتكرسين روحج 100% لعيالج
احنا موظفات وعندنا خدم ونرد البيت يالله ننجب الغدا ونطيح مثل الاموات بالفراش ومانقوم الا قبل المغرب بشوي .. بالله متى بتربين وتجابلين وتعلمين .. شغل بسرعه بسرعه واي كلام وخدامه ومربيه وبي بي سيتر حرام هذا ظلم لعيالج
والله يتقطع قلبي لما اشوف عيال هالوقت يقعدون عالسفره والخدامه تقعد معاهم توكلهم وتنفخ على اكلهم وساعات تاكل وياهم وتشرب
والام مستانسه مو حاسه باهمالها وظلمها لهالعيال
وتلاقين الياهل يبجي متعلق بالخدامه الا تشيله ويحبها اكثر من امه
والله العظيم ارفيجتي حتى نوم تخلي بنتها تنام بغرفة الخدامه العصر ولا الفير عشان اهي تطلع ولا تستانس
والله الظلم ..!!
اصلا الخدامه عشان تساعد بالبيت فقط العيال ماتجيسهم ولا تقرب صوبهم

 

[WAAAW]

رد: ابي اثبت كيااااني في المجتمع @@@@@@@

انا مو معاج ومعاج بنفس الوقت صح انها لازم تجابلهم واهما بحاجتها... بس هم ما يصير الام تظلم نفسها وتكرس حياتها كللللللللللها حق عيالها وبيتها وتنسى حق نفسها

منو مو محتاج الوظيفه الحين ؟ صعبه

بس في واااااااااااايد امهات موفقين مابين شغلهم وعيالهم ولله الحمد حياتهم سعيده وعيالهم مرتاحين

مشكوووووره حبيبتي عالموضوع

 

[mazajyh]

رد: ابي اثبت كيااااني في المجتمع @@@@@@@

كلامج صح وخصوصا زمنا هذا الخدم فاشلين ومجرمات مستحيل أحط ولدي عندها وتوه مولود عشان فلوس لاصار فيه شي لاسمح الله ماراح تنفعني لا وظيفتي ولا فلوسي

 

[حديث الروح]

رد: ابي اثبت كيااااني في المجتمع @@@@@@@

الأم المثقفة الواعية إذا لم تكن بحاجة كبيرة إلى العمل وكان لديها أطفال فالأولى رعايتهم . لأن الأم تربي جيل فإن أولت اهتمامها لأبنائها فقد أنشأت جيلاً صالحاً يعرف المسؤولية وينفع المجتمع . والآن الكثير من الأطفال الذين تعتمد الخادمة في رعايتهم يتأثرون بها ويكتسبون عاداتها ويجدون التناقض بينا وبين والدتهم مما ينعكس عليهم سلباً ، بينما الأطفال الذين تتفرغ لهم الأم ينشأُون نشأة سليمة ويتشبعون بعاطفة الأم فلا يعانون من نقص عاطفي
ويكونون أفرادا سليمين في بدن المجتمع .

وعليه فأنا أوأيد فكرة تفرغ الأم لتربية أطفالها حتى اذا اشتد عودهم تعود لعملها لتساهم في دورها في بناء مجتمعها وهي أساساً تبني شعباً سواء كانت
عاملة او غير عاملة مثقفة اوبسيطة الثقافة .. المهم الوجود المستمر في حياة ابنائها وتربيتهم على مايرضي الله .
ومن ترغمها الظروف على العمل فهذه تحتاج الى جهد اعظم وعطاء مستمر وكان الله في عونها .

 

[روحين في رـوح]

رد: ابي اثبت كيااااني في المجتمع @@@@@@@

صحيح انا معك شدؤؤن
لام كل آؤؤؤم تعطي ل ولدها احنان والعطف ازا تربى ع هالحنيه وهالعطف والحب مارح يشوف حاله ناقص
يعني ممم لام تقابل عيالها احسن من الوظيفهـ والله صحيح انا لسى مو متزوجهـ بس آحب الاطفال كتـــير وبس امرق من شي محل يبيع ملابس اطفال بحكي والله لو عندي بنوتهـ مارح خليها شي وفوت اتفرج ع لبس الاطفال<<<كلشي بوقته حلووو يابنت
كمان بعشق شي اسمهـ شغل بس كلشي الو شي
بس اشؤؤف المعلمات بعد الاربعين من ولادتهين بحطين اطفالهن ب احضانه وبيجـين متعلمات طيب مابتعرفن انه الطفل بده حنيه وعطف آمهـ
لازم يقوى ويتربى ع الحنيه مشان مايشوف حاله نقص شي قدام رفقاته بس يتزكروو طفولتهم يكون حد ناقص عنده حنان اكتر من التاني
بس يقطع ال6 سنوات رؤؤحي الله معك الشغل مابخلص والله العمر بخلص والشغل مابخلص ليش ماتخلي حياتك لآطفالك تشوفيهم وهم يكبروا شوي شوي بلا مقابله هالآوراق الشركهـ
روحي جابلي اطفالك احسن مـن اوراق الشركهـ


طووولــت صححح اكيد حكيتو عني مسجل وشغاآآل بس شوو بدي اعمل ازا ماحكيت كلشي ماشبع

والله موؤؤآآضيــ عكـ فؤؤؤلهـ استانس عليها وانتظرهـآآ

 

[شادن33]

رد: ابي اثبت كيااااني في المجتمع @@@@@@@

اي والله شدون معاج حق بكل كلمه وانا اضم صوتي لصوتج واناصرج وكلنا معاج قلبا وقالبا
صج حتى انا قايله اذا الله رزقني بالعيال ان شاء الله بقدم استقالتي واتفرغلهم شنو بالدنيا اهم من عيالج وتربيتهم ؟؟
اتفرغلهم لين يكبرون ويدشون المدرسه وتالي اقدر ارد لوظيفتي واكمل
لان صعبه توفقين بين الوظيفه والتربيه التربيه الصحيحه يبيلها تفرغ تام وتكرسين روحج 100% لعيالج
احنا موظفات وعندنا خدم ونرد البيت يالله ننجب الغدا ونطيح مثل الاموات بالفراش ومانقوم الا قبل المغرب بشوي .. بالله متى بتربين وتجابلين وتعلمين .. شغل بسرعه بسرعه واي كلام وخدامه ومربيه وبي بي سيتر حرام هذا ظلم لعيالج
والله يتقطع قلبي لما اشوف عيال هالوقت يقعدون عالسفره والخدامه تقعد معاهم توكلهم وتنفخ على اكلهم وساعات تاكل وياهم وتشرب
والام مستانسه مو حاسه باهمالها وظلمها لهالعيال
وتلاقين الياهل يبجي متعلق بالخدامه الا تشيله ويحبها اكثر من امه
والله العظيم ارفيجتي حتى نوم تخلي بنتها تنام بغرفة الخدامه العصر ولا الفير عشان اهي تطلع ولا تستانس
والله الظلم ..!!
اصلا الخدامه عشان تساعد بالبيت فقط العيال ماتجيسهم ولا تقرب صوبهم

صاجه باتشوو انا اشوف الموظفاات يردون هلكانين مالهم خلق يهااال
يعني تلاقين بروحها يبيلها معابل
باتشووو الله يفرحك باللي اتمنينه :yaaaaaarb: *

 

[شادن33]

رد: ابي اثبت كيااااني في المجتمع @@@@@@@

انا مو معاج ومعاج بنفس الوقت صح انها لازم تجابلهم واهما بحاجتها... بس هم ما يصير الام تظلم نفسها وتكرس حياتها كللللللللللها حق عيالها وبيتها وتنسى حق نفسها

منو مو محتاج الوظيفه الحين ؟ صعبه

بس في واااااااااااايد امهات موفقين مابين شغلهم وعيالهم ولله الحمد حياتهم سعيده وعيالهم مرتاحين

مشكوووووره حبيبتي عالموضوع

واااو صح الحياه صعبه والحين الكل يدور وظيفه

بس انا اتكلم عن حاجه الطفل بسنواته الاولى لامه وبعدين لمايكبرون اشويه تقدر تشتغل ليش لاء

مشكوره حبيبتي :eh_s(7):

 

[شادن33]

رد: ابي اثبت كيااااني في المجتمع @@@@@@@

صحيح انا معك شدؤؤن
لام كل آؤؤؤم تعطي ل ولدها احنان والعطف ازا تربى ع هالحنيه وهالعطف والحب مارح يشوف حاله ناقص
يعني ممم لام تقابل عيالها احسن من الوظيفهـ والله صحيح انا لسى مو متزوجهـ بس آحب الاطفال كتـــير وبس امرق من شي محل يبيع ملابس اطفال بحكي والله لو عندي بنوتهـ مارح خليها شي وفوت اتفرج ع لبس الاطفال<<<كلشي بوقته حلووو يابنت
كمان بعشق شي اسمهـ شغل بس كلشي الو شي
بس اشؤؤف المعلمات بعد الاربعين من ولادتهين بحطين اطفالهن ب احضانه وبيجـين متعلمات طيب مابتعرفن انه الطفل بده حنيه وعطف آمهـ
لازم يقوى ويتربى ع الحنيه مشان مايشوف حاله نقص شي قدام رفقاته بس يتزكروو طفولتهم يكون حد ناقص عنده حنان اكتر من التاني
بس يقطع ال6 سنوات رؤؤحي الله معك الشغل مابخلص والله العمر بخلص والشغل مابخلص ليش ماتخلي حياتك لآطفالك تشوفيهم وهم يكبروا شوي شوي بلا مقابله هالآوراق الشركهـ
روحي جابلي اطفالك احسن مـن اوراق الشركهـ


طووولــت صححح اكيد حكيتو عني مسجل وشغاآآل بس شوو بدي اعمل ازا ماحكيت كلشي ماشبع

والله موؤؤآآضيــ عكـ فؤؤؤلهـ استانس عليها وانتظرهـآآ

شوشو مع انج صغيره في السن بس عقلك ناضج بسم الله عليج

وصج وايد عم تحكيييي خخخخ
بس كلامج عسسسل

 

[JANAA]

رد: ابي اثبت كيااااني في المجتمع @@@@@@@

موضوعك حلو كتير وهادف وهو عصب المجتمع

شوفي شدون انا راح اكتب عن تجربتي

انا ام ل3 اطفال وموظفه حتي دوامي من الساعه 8.30 للساعه 4 العصر انا بكل ولادتي باولادي كنت اخد 3 شهور اجازة وعندي شغاله بالبيت الشغاله مالها شغل الا تنظيف البيت واحيانا قليله جدا جدا اتساعدني بالطفل في اوقات مغينه بس الوقت كله لابني انا الي اغير الحفاظات والرضعه والملابس وكل شي بس لما يوصل موعد الدوام اعلمها ولما ارجع انا استلم ابنائي خلاص هي مالها شغل اشكثر انحرمت من مناسبات افراح اعيال عمي وعزايم اهلي وكله قاعده بعيالي عمري ما تركتهم بيبي صغار واطلع واستانس كنت اخذهم معاي وين ما اروح عمري ما اعتمدت الشغاله اتحضر جنطة اعيالي واحنا طالعين او رضعاتهم او اي شي يخصهم انا كل شي حتى لما كانوا يمرضون او حنتهم طول الليل انا اقعد معاهم وكانت الشغاله تطلب مني انام وهي تقعد بالبيبي انا ارفض تماما ما ارضي مهما كان ابني قرة عيني وحتى لما اكبروا للحين انا الي اقعد معاهم بمرضهم عمري ما خليت شغاله تقعد لهم بليل حتىالكمادات انا اسويها والادويه وكنت احيانا اكون مريضه مسخنه نفسهم اقوم واعطي الدوا واشوف الحراره والكمادات انا كلش ما اركن عليها بعيالي هي تعاوني بتنظيف البيت لكن اعيالي تربيتهم دراستهم انا متابعتهم بالمدرسه والبيت واحاول اعوضهم ال8 ساعات الي اكون بالدوام معاهم اتابعهم بكل شي واخلي لي يوم بالشهر اطلع فيه مع زوجي بروحنا بس بعد ما كبروا عمري ما طلعت وتركتهم وتغديت او تعشيت واهم بيبي مع الشغاله واروح ابدا .

حبيبتي شدون راح اتلاقين وايد حريم نفسي والتوفيق بالدرجه الاولي من رب العالمين ​

 

[فجر 1]

رد: ابي اثبت كيااااني في المجتمع @@@@@@@

الام مدرسة... الله يوفق الامهات الى يشتغلو ويجابلو عيالهم .. انا عن نفسى اخدت اجازة طويله لما بنتى دشت المدرسه بعدين
رحت اشتغل .. بس فى حريم اكيد عيالهم مع الشغاله ومسكينه الشغاله تجابل العيال ولا البيت على جذى العيال يتعلقو فى الخدامه اكثر من امهم واذا سافرت يمرضو ... موضوع مميز شدووون يعطيج العافيه ....

 

[شادن33]

رد: ابي اثبت كيااااني في المجتمع @@@@@@@

^^^^^^
جنووووي وانا اشهد انج أحلى ام
يمكن انتي تحاولين بقدر استطاعتج انج ماتحرمينهم من اي شي وتوفقين بين عيالج وشغلج
وهذا المطلوووب وانتي شاطره
بس مرات اشوف حريم يولدون ويقطونهم عل الخدامه لانها ترد تعبانه من الشغل ومن حقها ترتاح
وتلاقين اغلب معاشها على الكماليات والخرابيط الملابس الماركات والجنط يعني ماتقولين مشتغله عشان تساعد ريلها بايجار اوشي ضروري اوحاجه ملحه
والعيال محد يهتم فيهم اهتمام تاسيسي من الصغر
الله المستعان
مشكوووره جنوووي

 

[شادن33]

رد: ابي اثبت كيااااني في المجتمع @@@@@@@

الام مدرسة... الله يوفق الامهات الى يشتغلو ويجابلو عيالهم .. انا عن نفسى اخدت اجازة طويله لما بنتى دشت المدرسه بعدين
رحت اشتغل .. بس فى حريم اكيد عيالهم مع الشغاله ومسكينه الشغاله تجابل العيال ولا البيت على جذى العيال يتعلقو فى الخدامه اكثر من امهم واذا سافرت يمرضو ... موضوع مميز شدووون يعطيج العافيه ....

فجوووره اي شفتي مثل ماسويتي ينتج بهالعمر خلاص تكونت شخصيتها وخذت منج كل التربيه المطلوبه
وبعدين اشتغلتي

رائعه يأ ام رونق في كل شي :eh_s(7):
*

 

[دهورتني يازين]

رد: ابي اثبت كيااااني في المجتمع @@@@@@@

اب اب اب اب

 

[قمر بيت أبوها]

رد: ابي اثبت كيااااني في المجتمع @@@@@@@

وبعد هم فيه امهات عاطلات بالبيوت والشغاله تربي وترضع بالنونو
وحضرتها بس ام وزوجه بالبطاقه عشان نكون منصفين للموظفات
والآن الوزارات قاعدين يخططون يرتبون حضانات قدام المدارس حق اطفال المدرسات وانا مع العمل لان لا حصل شي بعدين لاقدر الله الوحده تتطلقت ولاترملت مااحد نافعها غير راتبها وولدها هذا محتاجه عاطفيا وماديا بعد
واللي تخاف علي عيالها تحطهم عند امها ولا خالتها وقت الدوام ومعاهم شغالتهم وترتب وقت تقعد فيه مع عياله ولامرضوا تاخذ اجازه وهيك كله ايام وتعدي
العبره بالنهايات مو بالبدايات

 

[روانتي 12]

رد: ابي اثبت كيااااني في المجتمع @@@@@@@

اذا مو محتاجةة للوظيفةة اخذ اجازه عشان عيالي واذا محتاجة اقسم وقتي بين عيالي و وظيفتي . . ( مو متزوجة بس حبيت اطرح وجهة نظري )

 

[قموووره]

رد: ابي اثبت كيااااني في المجتمع @@@@@@@

انا مو معاج ومعاج بنفس الوقت صح انها لازم تجابلهم واهما بحاجتها... بس هم ما يصير الام تظلم نفسها وتكرس حياتها كللللللللللها حق عيالها وبيتها وتنسى حق نفسها

منو مو محتاج الوظيفه الحين ؟ صعبه

بس في واااااااااااايد امهات موفقين مابين شغلهم وعيالهم ولله الحمد حياتهم سعيده وعيالهم مرتاحين

مشكوووووره حبيبتي عالموضوع

نفس رايها​

 

[نهى الأحمد]

مشكوره حبيبتي شدونه لطرحك مثل هذا الموضوع النقاشي الهادف


يثبت الموضوع لمدة أسبوع

 

[شادن33]

نهووووي اشكرج حياااتي عل التثبييت هذا من ذوووقج

وانشالله الكل يستفيد

 

[ضــمــاد]

عجبني موضوعج شااااادن .. وفعلا ً موضوع يستحق النقاش


ولي عوده بأذن الله



:eh_s(17):