ابي اتعلم اقضب لساني شسوي ؟؟

[FUSHIA-GIRL]

بنات المنتدى خواتي
FUSHIA-GIRL
عندها مشكله :bbbiu: الله يسلمكم
انا بنت اللى بقلبي على لساني واحب انصح وافيد غيري :eh_s(11): مالت على
ودايما اقول وشصار في بيتي وشنو شرينا والمصيبه انه هالسوالف ماتطلع الا عند اهل زوجي
وحريم حمواني مايطلعون عود وانا الغبيه اللى اسولف عن اهلى وعن رفيجاتي وعن كل شي
شنو الحل ؟؟ ابي اصير انسانه نحيسه :rgewrg: والمشكله اذا قعدت ساكته ماعرف شسولف عنه ؟؟:ch12:
تصكني الغلقه :eh_s(16):
يالله ساعدوني ابي امسك اسرار بيتي

 

[حكاية شهرزاد]

انتي حليوة , لانج انتي قوية من جذيه تتحجين , ماقدرتي تسكتين لانج قوية ما تتأثرين بشخصيات غيرج ..
اللي يتكلم ويثرثر دوم يكون الزعيم .. اللي ماعنده اخطاء وان وجدت فاخطائه قليلة ..

لاتتغيرين لانج فرششششششش .. وحليوة ,, ممتعة ,, ويسكتون لانه ماعندهم نفس لسانج ..

تكلمي وتكلمي وتكلمي .. بس اسرارج ولا عقرة بالناس ولا تنقل كلام ولا عن الشرف ولا اسماء ناس .. (( هذا خط احمر)) ..

بتكونين الكيوت اللطيفه يعين الكل .. ويكفي فقط تنتبهين حق كلامج عشان مايتعدى الخط الاحمر ..

اما الصراحه اللي نفس شخصيتج زعماء القعدات .. ولا يهمج تكلموا ولا لا ,, وقوليها انا اتكلم لاني قوية ,, وممتعه ,, دوم انا جذيه عند الكل ..

لازم تقولينها لانه اللي نفسج يتعبون وهم ياخذون القعده واكيد محد يمدحهم .. لانه امهات الخير قليل اللي يرد خيرهم ..فانتي قطيها وقولي ومو لازم احد يسولف لي انا انا اللي اسولف وضحكي ..

لاتتغيرين \.. انتي كووووووووووووووووووووووووووووووول .. للي شايف خير ..

 

[انا لحبيبي .]

انا متلك حبيبتي ، بس انتي عارفه عيون الناس ما بترحم والحسد شغال على مدار ال 24 ساعه ، بتخافي وحده منهم تحسدك تخرب عليكي حياتك من حسدها ، انتبهي حبيبتي مو كل شي تحكيه ، وخير الكلام ما قل ودل ، اضحكي وامزحي بس ابعدي عن اسرار بيتك وشو شريتي وشو سويتي ، احكي مواقف صارت معك .

 

[FUSHIA-GIRL]

حبيباتى ماقصرتوا
والله اني على نيتي انصح وافرفش بس المشكله احسهم ياخذون الكلام ويسكتون
وصرت اتحسف حتى زوجي هاوشني وقال لى اسرارنا لا تطلع شسوي

 

[FUSHIA-GIRL]

45 وحده دخلت ولا قالت شى ؟؟؟
استغفر الله
على الاقل رفعوه

 

[أم توتو]

انا مثلج بس هونت ماسولف لانهم احس انهم يستنقصوني بكثر سوالفي مع انهم يحبوني ويبوني خير الكلام ماقل ودل

 

[جوري 2007]

خلج مثل منتي طيبه وحبيبه بس اسرار خاصه لا اطلعين غير جذي تصرفي على طبيعتج وماعليج من احد

واذا عالحسد اقري المعوذات صبح ومسا وماراح يصيبج شي باذنه تعالى

 

[نعم نعم شنو]

حبيبتي حاولي ما تتحجين عن اسرار بيتج ترى محد راح يعايرج او يحسدج غير الناس شلج بعوار الراس

اسرارج خليها بقلبج لا تطلعينها وعلى فكرة اهما ينطرون الزلة عليج عشان يقولون شفتي فلانه تغير عليها ريلها وشفتي مادري شنو

لا تخلين الاولي والتالي يعرف اسرارج باجر بتندمين

اذا ييتي تسولفين سولفي عن اخبار الديرة شنو فيها وشنو مافيها سولفي عن الملابس عن الموضه عن المكياج يعني شي عام

كلش كلش لا تييبين هالطاري وحتى لو ما قدرتي ان شالله راح تقدرين قبل لا تقولين اي سالفه مخمخيها بمخج هههه بعدين قوليها

ادري اول شي بيصير صعب عليج بس مره مرتين ان شالله راح تتعلمين

عدلي نفسج من الحين احسن لا تييج مصيبه الله لايقول ويبعدج عن المصايب وباجر تتحسفين انج تكلمتي

 

[FUSHIA-GIRL]

مشكورين بنات
يالله ابي ردود

 

[بقــآيآ جـروح]

عـــــــــــدي لي العشــــــــــره قبل لاتتكلمين تذكري ان هم مآيقولون شي
ويحآفظون ع اسرآرهم من جذي سولفي وآضحي بموآآضيع عآآمه
موب خآآصه

 

[FUSHIA-GIRL]

يابعد قلبى تسلمين

 

[FUSHIA-GIRL]

يالله بنات زفوني قولولى كلام علشان اعتبر منه واخاف

 

[خالف تعرف]

امبي انا جذي بعد اقول كل كل كل شي
لازم احل مشكتي معاج

 

[Al-RoRo77]

بعض المشاكل او الاشياء اللي مضايقتكم يكون حلها بيدكم انتوا
وانتي حل مشكلتج بايدج اول شي حطي فبالج ان العين حق وسوالفكم الخاصه لا اطلعينها
ولمن تيين بتكلمين بشي خاص مسكي نفسج وقولي لنفسج انج بتعودين نفسج مااطلعين اسراركم الخاصه لان اغلب الناس
مايحبون يقعدون مع الشخص اللي يسولف وايد عن حياته سولفي عن اي شي غير اسراركم
اول شي بيكون صعب عليج انج توخرين عن هالطبع بس بعدين ان شاء الله راح اتعودين
انتي توكلي ع الله وقرري تشيلين هالطبع

 

[انا انت]

انتي نفسي بالضبط واللي تقول سولفي عن الملابس هم حتي عن الملابس مايسلفون أنا اللي عندي كتومات حيل احسن مني ودي أصير مثلهم بس احس بكآبة اذا سكت بشوف شنو ينصحونج البنات واطبقة

 

[حزن الليل]

حبيبتي عامليهم بالسوالف مثل ما يعملونج
وكان الله غفور رحيم,,

 

[مهندسة مكياج]

بقولج بصراحه انا وحده من هلي واااااااااايد تنصح وااااااايد لبسي ولدج عدل برد من الايسى حر فصخيه لا وايد لقمتج له عوده اممممممممم رقديه مادري شنو لا تسوين ذي سوي ذاك ولقوييييييييييه يعني لي سولفت او نصحت بتقولج كل خبرتها بالشي ذي يعني انا من قبل عطيت ولدي نفس الي تعطينه احين وغص ومادري شصاده وتم طول الليل مادري شنو ولي يوم ثاني يصيح وانا وسويت ووووو قصصصصصصصصة على شي بسيط وتقول ل شي وتشتكي من العيال ومادري شنو --------- مايصير جذي الواحد يسوي كنترول على نفسه ويقول الي الناس تبي تسمعه محد يحب النصايح كلللللللللش ولا التدخل بحياته

ففكري ان الناس بيملون منج وبيضايقهم وانج بتكونين مغثه لهم وبيعورج قلبج على نفسج وبتهونين ووانتي تتكلمين فكري بكل كلمه تنطقينها

 

[ام الدرر]

كنت نفسج
ابد اللي بقلبي على لساني
وكل شي عني وعن زوجي وعيالي واهلي اخره عندهم
(وهم مايقصرون يسالون عن الاولي والتالي )
ولاحظت هم سوالفهم بالقطارة
واقول مايعرفون ولا مايطلعون على قولتهم مايروحون مكان
لما صاروا يطيحون بلسانهم ويطلع جذبهم
والادهى والامر تشلين وتحطين وتودين وتييبين
ماتدخلين ايدج فاضيه تظغطين على نفسج وميزانية زوجج وبالاخير
ماكو تقدير
وكرهت سالفة الجذب خاصة من حريم كبار مو يهال
وصار موقف ماله داعي اذكره مثل قرصة الاذن لي حتى زوجي خذا موقف
وتغيرت 180 درجة
ماقطعت الحمد لله ولا ذميت او زعلت
لا الزوارة متى ماصار عندي وقت ومزاج
صار كلامي بالقطارة ايه لا
والحمدلله مرتاحة آآآآآآآآآآآآآآخر راحة
فنصيحتي حبوبة
لا تنطرين القرصة عشان ماتنصدمين
حاولي تسوين كنترول على نفسج
ربي ان شالله يرضى عنا ويغفر لنا تقصيرنا ​

 

[فوفو22]

حبيبتي شخصيتي قريبة من شخصيتك وعاجبتني

ولكن

مع الوقت صار عندي ضبط وربط على مواضيعي

واشفرّها عند بعض الناس

بعض الناس هم:-

1- اللي يسألون......وتجاوبينهم بصدق ولما يصير العكس وتسألينهم ما تلقين جواب واضح!!!

2- الناس الغامضين اللي يسمعون ولا يتكلمون !!!

3- اللي تسأل من باب الفضول وبلاغة الشف فاجاوب مقابل ارد نفس السؤال لها واقيّم جوابها اذا تستاهل ارد على باقي الاسئلة او لا !!!!

4-زميلات العمل ....والصداقات الغير قويه ... افضل عدم البوح بكل شي

فوفو

 

[seedo]

هههههههههههههه عندنا وعندج خير

بس لابد من الكنتروووووووووووووول صراحة