ابي اتعالج عن الالتهابات هل اقدر والا لا؟

[البارونة شوشه]

مرحبا

بنات الشهر اللي راح قبل الدوره نزلت علي افرازات صفراء واظن انها التهابات وسمعت ان اي وحده تبي تفكر تحمل لازم تعالج الالتهابات بالاول
بكره اخر يوم في الدوره وقلت بعدها ابي اروح المستشفى عشان اعالج الالتهابات بس اللي اعرفه انها لازم بتعطيني مضاد حيوي وتحاميل وغسول والمشكله انا لسه ماصمت الايام اللي علي يعني لازم ابدي اصومهم من يوم السبت شسوي الحين ؟؟ اخاف يزيد الالتهاب
وهل لازم هالمضاد يعطوني اياه والا مايمشي الحال والا شنو السالفه ؟والا انطر لبعد رمضان :bbbiu:

 

[زين ودلال]

انا كانت تنزل علي الافرازات الصفرا قبل لا احمل بس مارحت الطبيب نطرت لي موعد الدوره وقلت اذا مو حامل بروح اعالج واشوف اذا التهاب ولا لأ...بس الحمدالله يارب طلعت حامل

 

["*آآآنؤؤؤقهـ*"]

مو شرط الافرازات صفرا التهابات

اذا مافي حكه او حرقان في المهبل عادي

بس اخذي تحاميل تنظيف اخر ٣ ايام دوره تنظفج

 

[الأميرة جوري]

عادي اختى صومى واستخدمى الادويه مومشكله...لان لو دخل رمضان وماصمتى عليج كفاره<<دخلت بدين اعذريني كنصيحه..

 

[@سيدة نفسي@]

غسلي بالمرة ,, وحدة بوحدة ,, وحطي تحاميل بيتادين آخر يومين الدورة

ماتشوفين شر ان شاءالله ,,

 

[البارونة شوشه]

مشكورين يعطيكم العافيه
يعني التحاميل تقضي عالافرازات؟؟
وبالنسبه للادويه مااقدر اخدهم الحين لانو اكيد الدكتوره بتعطيني مضاد ولازم كل 12 ساعه اخدهم فبجدي مابعرف اصوم
يعني ببدي في الصوم احسنلي بس قلت يمكن فيه حل ثاني مع اني خايفه تزيد علي الالتهابات
يعطيكم العافيه مره ثانيه

 

[نشيج الروح]

الحين بس روحي فحصي البول .... وإن احتاج مسحة عنق للرحم .... لا طلع فيج التهاب الدكتورة بتوصف لج أدوية أو تحاميل بتاخذينهم قبل النوم يعني الليل مو النهار فتقدرين تصومين دينج إن شاء الله ...
المهم الحين امشي بالخطوة الأولى وهي الفحص

 

[engnera]

عادي ١٠ ساعات مضاد ما يضر أنا ما أخذ ١٢ ساعه بالضبط

 

[*ريما*]

ماتشوفين شر

 

[@ام يوسف@]

ما تشوفين شر ان شاء الله

 

[om MaRyooM]

على حسب نوع البكتيريا او الالتهاب

وانصحج تسوين مسحة عنق ارحم حتى لو الدكتورة ماسوتها لج انتي طلبيها



ونصيييييحة اذا تبين تتعالجين نهائيا ومايصير فيج لا التهابات ولا افرازات شربي ماي واااايد وشربي عصير التوت

 

[البارونة شوشه]

مشكورين يعطيكم العافيه
المشكله ان قبل تنزل علي افرازات صفرا والحين بعد مااغتسلت وصار جماع البارح حسيت بحرقان موطبيعي في المهبل والبول بعد وماخف الا يوم حطيت كريم خارجي وخايفه حيل مع اني اشرب ماي وااايد
دعواتكم لي بالشفاء

 

[البارونة شوشه]

الحين بس روحي فحصي البول .... وإن احتاج مسحة عنق للرحم .... لا طلع فيج التهاب الدكتورة بتوصف لج أدوية أو تحاميل بتاخذينهم قبل النوم يعني الليل مو النهار فتقدرين تصومين دينج إن شاء الله ...
المهم الحين امشي بالخطوة الأولى وهي الفحص

تسلمي غناتي بس انا من شهرين حاشني التهاب وصديد شديد في البول وتعالجت منه لمده شهر واسبوعين وخفيت الحمدلله بس المشكله ان بالاضافه للافرازات الصفرا فالبارح حاشني التهاب في المهبل وحرقان في البول
ياربي كل مااشفى من شي يطلعلي شي ثاني ويش هالوهقه :eh_s(16):
بس ان شالله بروح المستشفى وبخلي الدكتوره تسويلي مسحه لعنق الرحم وان شالله خير
دعواتكم

 

[souhaila]

الله يشفيك