ابي اتزوج !!!!

[miss.a.19.9]

ابي اتزوج
بكل بساطه
ابي اكون عروسه وزوجه وام ولي بيتي واستقراري واكمل نص ديني
كلي ايمان بالله انه نصيب وكل شي بوقته
وحدي مستحيه وانا اكتب لكم
محد كامل ولا اقول عن نفسي اناا واناا
بس والله بذلت الاسباب بالصلاة والدعاء وامي تدعي لي ولاياس من رحمة الله
واجتهد واخذ بالاسباب يعني خطابه والا بالعزايم
المشكله اذا سمعت كلمه تجرح خاصه من الاقارب وااااي شنو تعور القلب
ساعات اتردد اناقش هالموضوع واتراجع حتى اني ابطله واشيله من بالي ولا افكر فيه
بس بيني وبين نفسي ابي وقاعده اكابر اني اطنش
ساعات من كثر مانسمع ونشوف شصار على فلانه او فلان من مشاكل تكون عقب الزواج اتخرع واقول بنفسي الحمدلله واشوه اني مو متزوجه والفكه
وساعات حيييل ازعل اشوف غيري واقعد اقارن
بهاللحظه حسيت انه خلاص طف الكيل
اقل مااقدر اني اعبر وافضفض لحبيباتي كويتيات ابي مشورتكم دعواتكم ساعدوني بهالموضوع
عفيه فيدوني بللي تقدرون عليه

 

[زهراء الركابي]

رد : ابي اتزوج !!!!

الله يرزقج ويرزق بنات المسلمين بازواج صالحين ان شالله

 

[7andoosa]

حبيبتي انتي جم عمرج ؟

 

[Tom ♥ Jerry]

رد : ابي اتزوج !!!!

.


حبيبتي شتسوين يعني ؟
مآلج الا الصبر و الدعاء لمآ نصيبج ايي !
آدعي ربج و لا تقولين مليت أو تعبت و انا ادعي (=

الله يكتب لج الي فيه الخير يارب و يرزقج الذريه الصآلحه :**
لا تشغلين بالج بهالموضوع
آنسي هالموضوع و شغلي نفسج بآي شي ثاني ..
نمي هوآيتج أقري اشتغلي سوي اي شي
ترا التفكير اييب عوار الراس و البجي و كل شي مو زين


.

 

[عرش الأنوثه]

الله يرزقج ان شالله
وترا مو كل المتزوجين مستانسين

 

[حجيه هيونه]

رد : ابي اتزوج !!!!

اقرى البقرة لمدة 40 يوم

وادعي بعد ماتخلصين


وربنا تعالى ماراح يخيب ظنج ان شاء الله

 

[khawla&tito]

رد : ابي اتزوج !!!!

استمعتي بكل لحظه بحياتج والمكتوب بييج

 

[بنت النوخذا]

السلام عليكم

اختي الغاليه
تبين نصــــيحتي
لا
تسكتين عن روحج
بالدعاء و السعي ايضا
ولا تخلين الياس يطولج
روحي تزاوري مع الناس او اشتركي بنادي
وحضري دروس و بدورات بحاضرات بعزايم
باعراس بجمعات اختلطي بالناس وايد
ولا تخلين روحج يعني خلي الناس تشوفج باحلي صوره
وبصريح العباره رزي عمــــرج عـــدل
ترا ما فيها مستحي انتي طالبه الحـــلال اللي ربي شرعه
ترا قطار العمر بلمح البصر يمضي
واهم شـــــئ انج تكونين طبيعيه و متواضعه
وبسيطه بكل شئ
(( هذي نصيحه صعبه لكن من استحي ما عاش ))
طبعا هذا كله مع دعائج لربج لا توقفينه
وخاصه بساعــات الفجــــر

طبعا هذي النصيحه اقولها لكم من كل قلبي
و هي للجميع لا تكون منطويين
لا خلكم اجتماعيين وعشريين ومتواصلين مع الناس
وخاصه الناس الطيبه اللي تحبونهم

وربي يسعدج و يوفقج بالزوج الصالح يا رب

ولا تنسينا بالدعاء الطيب
:68_asmilies-com::68_asmilies-com:

 

[bent-oboha]

اول شي جم عمرج
بعدين لاتياسين من رحمة الله

كثري من التقرب له والدعاء صلي النوافل ركعتين الضحى الشفع والاوتر لو بعد العشاء اذا خايفه تنسين

ذكر الله على السانج والصلاة على النبي

وتوكلي على الله ولا تياسين من رحمته

 

[غرور وايل]

الله يرزقج ويرزقنا ويرزق جميع بنات المسلمين ~

كثري من الاستغفااار ~

والله كريم~

 

[fooshy]

و الله شوفي انا لو منج استغل الفرصة و اكمل ماجستير.....

 

[ليدي22]

استمري بالدعاء و قراءة القرآن و الاستغفار بنية التقرب من الله مو بنية الزواج
و بعدين ادعي الله بأنه يرزقج بالزوج الصالح
رب إني لما أنزلت إلي من خير فقير

و ابذلي الأسباب :الاختلاااااااااااااااااااااااااااط بالناس
قاعدة ابيتكم محد راح يخطبج
زاوري ، و وجبي الناس

و الله يرزقج و كل بنات المسلمين

 

[جوري الغرام]

رد : ابي اتزوج !!!!

أنا مثلج وسبق ان كتبت مشكلتي والبنات عسى ربي يجزاهم الجنه ماقصروا معاي بالنصايح

واللحين صرت أشوف الحياة بنظره ايجابيه عكس قبل أستمتع بكل لحظه أعيشها وأهم شي أكون مقتنعه

بنصيبي يعني ماأطالع غيري وأقول لييييييييش نصيبها أحسن من نصيبي اهيا تزوجت وجابت عيال وأنا

حظي طااااايح آآآآآآه لو تدرين عني أتوقع أنتي أحسن من حال لاني مطلقه ومازلت عذراء وقعدت عنده

شهر و أسبوع وأنا بنت مالمسني لظروف خاصه فيه وصرت مطلقه وعيون الناس ماترحم وأنتي تعرفين سمعة المطلقه بس

مايدرون اني بنت قصتي طويييييييييله والله اني كتبتها اهني بالمنتدي بقسم المشاكل الاجتماعيه وسبحان

الله بيوم وليله الله بدل حالي كنت أكتب وأنا مهمومه ودموعي أربع أربع وثاني يوم الصبح رحت أتمشى

على البحر وأنا كلي تفاؤل ونظره ايجابيه للحياه كل هذا بفضل النصايح اللي قالوها لي بنات المنتدى أهم

شي ترضين بنصيبج وماتقارنين حياة غيرج بحياتج لان هالشي بأثر تأثير سلبي عليج وبعدين تبذلين الأسباب

يعني تكونين أجتماعيه وتوجبين الناس بالمسايير ولا الأعراس وجذيه ولا تهملين روحج ضيعي وقت فراغج

أشتركي بنادي سلي نفسج أو أشتركي بدوره تعلمي وتثقفي زياده وأهم شي تقرين سورة البقره

وتحافظين على صلاتج وتلتزمين بأذكار الصباح والمساء وتلتزمين بالأستغفار والدعاء والصدقه وشوفي ربج شلوووووووووووووون ببدل حالج

وتقبلي مروري والله أنا حاسه فيج لاني مريت باللي تمرين فيه على فكره أنا عمري بعد جم شهر بتم ال 33 سنه يعني كبيره بس ما يأست من الحياه أتوقع انج صغيره

 

[كوشيه فوشيه]

رد : ابي اتزوج !!!!





الله يرزقج بالزوج الصالح ياارب

 

[Coco.chanel.moi]

رد : ابي اتزوج !!!!

الله يرزقج بالزووج الصالح يارب
وترى مو كل المتزوجات مرتاحين
مرات تكون حال اللي مو متزوجة احسن من المتزوجة
وكل شي قسمة ونصيب
اقري سورة البقرة كل يوم وادعي ربج بالزوج الصالح و إكمال نص الدين بالزواج

 

[بطوووطة$بيضة]

رد : ابي اتزوج !!!!

ياحياتي انا بعد عمري 25 وماتزوجت بس الزواج مو كل شي نص رفيجاتي مطلقات الصراحة تعقدت

 

[tt2tt]

رد : ابي اتزوج !!!!

الحريه احسن من الزواج شنو من زين الريايل مايعجبهم عجب

 

[شوشو الشقيه]

يسلمو
اختي صدقيني الزواج مو هو الحل
ولا تفكرين كل نساء سعيدات
تره بيوت اسرار
اغلب متزوجين تعيسين
صدقيني
الزواج ما فيه حلاوه مثل ما انتي متصوره
اغلبها نكد وعوار قلب وراس
اغلب ازواج ما يهتمون بزوجاتهم
فقط يعيش معاها بجسد اما مشاعر
ولا شيء
كلمة حلوه ما تسمع منه
سئلي اي امراه متزوجه
انا من كثر ما سمعت تجارب البنات كرهت الزواج
بصراحه
ولا افكر اتزوج بصراحه
الا اذا حصلت واحد يناسب فارس احلامي
استغفر الله عظيم لن احصل
ادري بس
اتزوج مستحيل
لاني بصير تعيسه حالي حال باقي متزوجات

 

[** Noura **]

رد : ابي اتزوج !!!!

انا نفسج بعد ابي اكون عروسه وزوجه وام ولي بيتي واستقراري واكمل نص ديني
كلي ايمان بالله انه نصيب وكل شي بوقته واصلي وادعي ربي وبالعكس اجتماعيه ومثل ماقالت اختي بنت النوخذا صح كلامج والله يابنت النوخذا حتى لو رزيتي عمرج موشرط يعني مثلي انا ماخلي استقبال وعروس اروح لانه احب اوجب الناس بغض النظر وصج مرتين
انخطبت بس ماصار نصيب في ناس يشوووفونج بس مافي نصيب وجنهم مايشوووفونج وصج اني ابي اتزوج واتمنى يارب الله يرزقني بالزوج الصالح ويرزقكم يارب معاي ونتزوج ان شاءالله بس كل شي بيد الله سبحانه وتعالى واللي الله كاتبه بيصير وبأختصار في بنات استغفرالله رايحين فيها اهم اللي يتزوجون وقايم حظهم هذا اللي صاير الحين احنا ماعلينا الا ندعي ونقول ان شاءالله الله يرزقنا يارب

 

[أموووووولة]

أنا بعد تو
شنو يعني ما سمعتي خالد الجبير لما قال : ما أخرك ربك إلا لأنه يحبك
حبيبتي الزواج مو كل شي ،،، هذا رزق حاله حال غيره ان الله كتبه بتاخذينه وان الله ما كتب لج الزواج فالصبر الصبر وراح تؤجرين على صبرج
وابذلي الاسباب والله يرزقج
ومن قال كل المتزوجات سعيدات؟؟؟