ابي اتحجب بس مو قادره :(

[أفراح العنزي]

صارلي 3 سنين وانا مجهزة حجاباتي ولبسي المحتشم بس مو قادره اتخذ القرار متى !

الله سبحانه وتعالي عطاني كل اللي اتمناه الزوج الصالح والذريه والاستقرار

بس للأسف ما احس براحة البال بالمره لاني ما ارضيت ربي

الله بلاني يا بنات بصديقه بس تستهزأ فيني اذا يبتلها طاري الحجاب ، مع اني ما اشتهي تصرفاتها ولا استهتارها

ويا ما حرضتني على الفساد والفجور وكل ما حاولت اوخر عنها بالاشهر ترجعلي مره ثانيه .


طلبتكم يا اهل السنع والعدال شسوي ؟ وشلون أوخر عن صديقة السوء هذي فعلا نقصت حياتي​

 

[بروريتآ]

حبيبتي آلبسي الحجاب وماعليج من آحد !

حسستيني أنه شخصيتج ضعيييييفة ؟



آنتي ما تدورين رضا ربج ؟ وإلا تبين رضا رفيجتج ؟



والله ما يبيلها تفكير !




الله يعينج ويهديج ويصلحج

 

[ماني من الناس]

طنشي رفيجتج,,,,,,,,,,,,,,

لا تردين على اتصالاتها حقريها وبتفهم بروحها انج ما تبينها بحياتج,,,,,,,,,,

تحجبي بالعيد,,,,,,,,,,تلاقينها مناسبه عشان تتحجبين,,,,,,,,

صدقيني بترتاحين ولا تأجلين ,,,,,,كلما اجلتي الشي انتي بتتعبين

وهو حجاب ما فيه شي يعني,,,,,,,,,والحياه حلوه وماشيه

 

[أم حمادين]

انتي قعدي بينج وبين نفسج وقولي رضى الرب والا رضى العبد
ورفيجتج حاولي تتجاهلينها ولاتردين على مكالماتها قولي لها انا ما اتشرف بمعرفتج
الله يهديج وتتحجبين ان شاء الله لبسيه باقتناع احسن لج

 

[مدام نورا]

رد : ابي اتحجب بس مو قادره

خلج اقوى من جذي والبسي وطنشي لا تردين عليها واذا فتحت معاج الموضوع قووولي لها حررريه شخصيه

 

[أفراح العنزي]

رد : ابي اتحجب بس مو قادره

مشكورين بنات على تفاعلكم

ولله يسهلي الحجاب انشالله

 

[! بــدويه وآآيــد !]

،


هديهآآآآ دوري سآآلفه جآآيده وافتكي منهآآ


يعني قولي زوجي قآل غيري رقمج ومآبي رفيجآآتج انقطعي عنهم

وينصلح حآآلج دآم انج وصلتي لدرجة تفكرين فيهآ قبل ربج

والبسي الحجآآب عن قنآآعه

والله يهدي الجميع

 

[bent-oboha]

حبيبتي ارضي ربج وتحجبي الحجاب ستر وتحسين بقيمة نفسج تبين تنحرمين من الجنه الكاسيات العاريات لا يدخلن الجنه ولا يجدن ريحها
حبيبتي توكلي اشتري رضا ربج
رفيجتج وخري عنها شوي شوي

 

[كل شيء عادي]

حبيبتي كل شي في أوله صعب لكن بس تبدن أول خطوه كل شي يكون سهل
تحجبي حبيبتي في العيد عشان يكون العيد عيدين
وصدقيني صديقتك لاشافتك في الحجاب راح تحتر منك لأنك أحسن منها ومين يدري يمكن تقتدي فيك
حبيبتي كل ماطولتي كل ماكان الامر صعب عليك أعزمي وتوكلي على الله
وخلي الناس يباركولك في العيد وفي الحجاب
وإن شاء الله نكون أول من يباركلك

 

[حساوية كيووت]

انتي خايفة اذا لبستي الحجاب يكون عليج قيود او خايفة من الحر ترى حر الدنيا اهون من حر الاخرة ولا خايفة من ردة فعل الناس ترى الناس ماراح تنفعج
لاتقولين بتحجب لأ
تحجبي من الحين وطلعي الحجاب من الدولاب وتوكلي على الله وصدقيني بترتاحين راحة مابعدها راحة

 

[nony moon]

رد : رد: ابي اتحجب بس مو قادره

يا قلبوو ما عليتج منهـــــــــآآ انتي يهمج رضى ربكـــ.؟ولا رضى رفيتجــــ...؟؟ اكيد داركتلي رضى ربكـــ تحجبيــــ وربي راح ييسرهــــآآ عليج.......ان شاء اللهـــ ...

 

[أسيرة_أحزاني]

رد : ابي اتحجب بس مو قادره

الله يهديج هذا من صالحج وقرارح مو قرارها

 

[♥MaSteRiyA♥]

رد : ابي اتحجب بس مو قادره

الله لا يوفق صديقات السوء
الله لا يوفقهم​

 

[مآمثلك شبيه]

رد : ابي اتحجب بس مو قادره

انتي ليش مهتمه برفجتج
ومو مهتمه برايي ربج
حبيبتي هالرفيجة رفيجت سوء ختولي
معقوله بتحجبين وتتطنز
هاذي مو رفيجه
وثاااني شي لو تبين هالشي من صج
وانج تحجبين جاااان تحجبتي من زمان
مارديتي لأحد ولآمهتمه برايي احد اهم شي رضيت ربي؟؟

 

[Lolaaa]

رد : ابي اتحجب بس مو قادره

منو اهم ربج ولا رفيجتج بشنو تقابلين ربج شنو بتقوليله ماني قادرة ليش .؟ شالسبب توكلي احنا برمضان أفضل شهر ماعليج منهم حجوا ولا ماحجوا هذا واجب على كل مسلمة تحجبي لا تصيرين قدوة لبناتج​

 

[soso.cute]

رد: رد : ابي اتحجب بس مو قادره

حبيبتي الصاحب ساحب ..انا من رايي هديها ودوري على وحده تخاف ربها وخلوقه
لاتخلين رفيجتج تخرب عليج ..وتحجبي ماعليج منها ..خلي ايمانج بالله قوي

ان شالله تلبسينه وترتاحين ..وتفتكين من رفيجتج

 

[M!Ss English]

رد : ابي اتحجب بس مو قادره

اتركي رفيجتج واذا مضايقتج بالاستهزاء
ترى كلمه الصج صح تجرح بس قولي لها
اذا بتحترمين نفسج معاي احترمج
لاني مستحيل ارضيج واعصي ربي !!
يختي الله معطيج راحه البال والتفكير السليم
ارضي ربج بالحجاب ,
عشان تكملين حياتج بالطريقه الصح

موفقـه

 

[ورد وردي]

رد : ابي اتحجب بس مو قادره

((((وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَالرَّسُولِ سَبِيلاً * يَا وَيْلَتَى لَيْتَنِي لَمْ أَتَّخِذْ فُلَاناً خَلِيلاً * لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُلِلْإِنسَانِ خَذُولاً ))))

فكري بهالاية العظيمة وتعرفين ان الصاحب الي مايعين صاحبة على دينة ما ينفعة لا بدينة ولا اخرتة ولا تكونين ضعيفة جدامها او جدام الكشخة واللبس

وفكري ...... تخيلي وحدة تلبس أحلى لبس وكل يوم ستايل وهذا حالها من العشرين ليما اخر العمر ........ الهدوم تروح والمكياج يروح الناس تنسى وهي بكبرها تنسي ......... ويبقى بسجلها شي واحد وهو الذنب ونظرات الاغراب ........الدنيا ماتسوى

لاتخلين مجال للتفكير ..........لبسيه .......وبترتاحين .....وان تضايقتي مع اني استبعد .......صبري لما تتعودين لان الواحد لازم يجاهد نفسة

والله يهدينا اجمعين

 

[أفراح العنزي]

رد : ابي اتحجب بس مو قادره

جزاكم الله خير

واااايد شجعتوني

 

[مملوحة_الوصايف]

رد : ابي اتحجب بس مو قادره

اذا جذي تفكيرج الناس وهذي وهذي عمرج ماراح تحجبين