ابي ابدى مشروعي باعداد الكاكاو ساعدوني

[كويتيه وافتخر]

السلام عليكم ورحمه الله وبركاته :eh_s(22):

بنات انا ودي بمشروع اعداد كاكاو
وبلشت فيه وحلوو للان

لكن ابي نصايحكم من ناحيه المواعين

لانه الماعون اللي اخذه يكلفني دينار و750 مع الديكور تقريبا دينار اللي اهوا السلوفان والشرايط واعواد الزينه مع الدانتيل تحت الكاكاو ه

وصراحه جذيه بتكون التكلفه غاليه
من ناحيه الديكور
غير سعر الكاكاو
وشغل الحشوات

وانا مبلشه شغل مع الاهل فاستحي اطلب منهم زياده

بس باعرف جم احط سعر للكيلو بما انه شغلي بروحي
ووين احصل صواني حلوه رخيصه بنات انا يهمني شكل الصينيه احبها الوان فرايحيه
وصينيتي حلوه بس غاليه عمشروع
ووهم ابي رايكم بالحشوا ت اللي عليها طلب

انا بلشت بتشيز كيك -- وفواكه -- وحشوات حلا التمر -- والمكسرات وشغلاات احتفظ فيها لنفسي
بس ابي اعرف شنو مطلوب اكثر:eh_s(10):

وهم ابي اعرف اقدر احط لي ركن بالجمعيه ؟؟؟؟؟
ومن وين اسوي كرتونه للكاكاو مستقبلا بديل عن الصينيه

واشكر كل وحده بتشارك وتساعدني ولهامني :eh_s(17):

 

[bint_looda]

عسى الله يوفقج ان شالله

 

[بنتq8]

بس باعرف جم احط سعر للكيلو بما انه شغلي بروحي ؟ اقل شي 10 واكثر شي 14 واذ كلفتج الحشوة 16

ووين احصل صواني حلوه رخيصه بنات انا يهمني شكل الصينيه احبها الوان فرايحيه ؟ شوفي بالاسواق والجمعيات ساعات تلاقين اشياء رخيصه بس يبيلج فراره

ووهم ابي رايكم بالحشوا ت اللي عليها طلب
بس ابي اعرف شنو مطلوب اكثر؟

شعر بنات رهش مارشيلووو بندق حلووو

وهم ابي اعرف اقدر احط لي ركن بالجمعيه ؟؟؟؟؟
روحي لاداره الجمعيه وشوفي جم تكلفه المساحه

ومن وين اسوي كرتونه للكاكاو مستقبلا بديل عن الصينيه

شوفيلك مطبعه اتوقع تفقي معاهم علي ديزاين

 

[حظ من عنده انا]

بالتووفيق


واختي اللي قبلي كفت ووفت بالمساعده

 

[MN.collection]

موفقة

 

[ام ورود مول]

حبيبتي اشتري الصحون من محلات البلاستيك بالشويخ بشارع التمور

انا شايفة اشكال تهبل والوان بعد

ذهبي وسلفر...لما تشوفينه من بعيد مو مبين بلاستيك كلش
وهمن يسوون لج كراتين عالطلب اذا تبين

وشوفي هالموقع اشحلاته لبنت تسوي كاكاو

اخذي فكرة عن الحشوات منها

http://chocolates-more.com/

وفي كاكاو بعد محلهم باسواق القرين ما اذكر اسمه عدل بس جنه لوغرميه همن عندهم حشوات وااايد وغريبة اخذي منهم فكرة

والله يوفقج يارب