ابي ابتدي مشروع مشغل شلون ؟

[كل الورد]

السلام عليكم ..ياريت خواتي اللي عندهم مشغل او خياطة بالمنزل يساعدوني
س1 شلون اجيب خياطة من الكويت ولا من مكتب ؟
س2 اي افضل مكان لشراء ماكينة الخياطة ؟
س3 عادة الخياطين مسؤلون عن انفسهم بالأكل والمسكن ولا أنا لازم ااجرلهم مسكن ؟ واين ؟

ييييييييا ريت لو تساعدوني يجعلة في ميزان حسناتكم ياالحبيبات :ggdw:

 

[عابده لله]

إن شاء الله البنات يفيدوك حبيبتى
بس على حد علمى إنك بتأجرى لهم
شقه او اكثر على حسب عددهم
إذا كان المرتب اللى هتعطيه لهم ضعيف
ففى هذه الحاله بتكونى مسؤله عن السكن والاكل والمواصلات

 

[فديت منورة]

س1 شلون اجيب خياطة من الكويت ولا من مكتب ؟

انصج تكون عن طريق خدامه او خياط لان المكاتب مو شي اللي عندهم اعرف وحده طلبت خياطه من مكتب و طلعت تخيط خيام

س2 اي افضل مكان لشراء ماكينة الخياطة ؟

جنه بالشويخ

س3 عادة الخياطين مسؤلون عن انفسهم بالأكل والمسكن ولا أنا لازم ااجرلهم مسكن ؟ واين ؟

اذا مرة سكنيها عندج حالها حال الخدم او تتفقين معاهم على السكن و تعطينهه زياده للاكل انا ما انصحج برا لانهم بياخذون راحتهم

مشروعج حلو و ناااجح والله يوفقج و يرزقج

 

[ha2005]

للرفع
ان ابي بعد افكر في هذا المشروع

 

[Mis$ LeO]

اذا تبين تفكرين وتخططين صح انصحج ببرنامج " اختار وأدير مشروعي صح" راح يبدا الاسبوع الياي

واكلمج عن تجربه

هذا رقمهم وكلميهم 55422832

 

[m9arq3a]

للرفع

 

[بشاير السعدون]

انا بعد ودي اعرف شلون ؟؟؟؟؟؟؟؟

 

[أم الطيب]

الله يوفقج حبيبتي

ويعينج على قثاهم

ويبيلج يكون معاج ريلج او اخوج علشان يهاوش اذا لزم الأمر

لان الهنود دعله

 

[كل الورد]

حبيباتي اشكر مشاركتكم معاي وانتظر المزيد من الخبرات واللة يوفق الجميع

 

[كل الورد]

للرفع

 

[sweet heart]

نصييييييييييييييييييحه اختي وخري عن المشاغل لان مابقا احد ماسوا مشغل..
البيوت فاضت ملابس والاسواق غاصه من الخامات والهدوم..
والله نصيحه لله لا تجازفين على شي ماراح ينجح واعرف وحده تصير لي دقت ريولها بالارض
على مشغل واخرتها انصدمت ولا قامت تبيع ولا تطلع حتى تكاليفها و مصاريفها..لا تغلطين..
اذا ناويه على مشروع سوي فنتق حلو او موالح لان بالكويت الاكل اللي ماشي