ابي أكشن مع زوجي بروحنا شسوي

[تميزي بفكري]

مرحبا بنات
شلونكم
أنا اول مرة اكتب موضوع فاتمنى تفيدوني
أنا صارلي فترة مضغوطة بالجامعة وامتحانات وبحوث
وانا وزوجي من زمان ماطلعنا وغيرنا جو
وزهقنا من الفنادق والمطاعم
المهم اقترحت على زوجي نروح ننام بمخيم اهله بروحنا كتغيير لان احنااصلا ماعندنا ميزانية للسفر
(مخيم اهل زوجي بجبد ومضبطينه وحاطين حولينه سور خام اخضر<<ماادري شاسمه وماينامون فيه بس يروحون له بالويك اند يتغدون ويردون عقب الغرب)
المهم زوجي بالأول ماكان متحمس حيل قتله نروح نشب نار ونقعد أنا وياك ونقحص ههههه
وتليقفت قلت عندي مفاجآت وانا ماعندي شي ولامخططة لشي بس بالأخير تحمس ووافق
وماادري اجيب معاي شموع واستريو عشان ارقص وابيعها ههههه
بليز فيدوني بأفكار وااااو
وقولولي شرايكم بفكرتي؟؟؟*

 

[روحي زوجي]

رد : ابي أكشن مع زوجي بروحنا شسوي

العبو كوره بلنتيات ونااااااااااااااسه

شوي لحم ولا برغر بلليل

حب وشاي وحلويات ونسكافيه <<< قعده عالنار

بليار

البنات يفيدونج اكثر

ـــــــــــــــــــــــــــــــــــــــــــــ

اهتمي بنفسج وقت الدوره مع افضل عصيده <<< بالصور

http://www.q8yat.net/showthread.php?t=754155


.

 

[FeShinGoOo]

رد : ابي أكشن مع زوجي بروحنا شسوي

ماعندي خبره بالمخيمات

 

[الأميرة جوري]

رد : ابي أكشن مع زوجي بروحنا شسوي

لرفع

 

[لمسه حزن]

رد : ابي أكشن مع زوجي بروحنا شسوي

وايد فكرتج حلوه

جهزي كل شي تبينه بورقة

عشان ماتنسين شي

اول شي

جهزي له الاكل وتفنتكي فيه

في موضوع خاص بقسم الطبخ عن اكلات الخاصه بالبر

اختاري منه الي يعجبج ..

و الشي الثاني جهزي ملابس لج سبور و تدفي و شكلها حلو

ونفس الشي حق النوم ..

لاتنسين السويت ..

اذا ماكان فيه سرير اخذي سليب باق او فرش عادي

براحتج

بس حاولي تكونين معاه

اجمعي نكت و قوليهم له ..

اخذي جنجفه و بلي ستيشن اذا هو يحب يلعب فيها

وسوي تحدي ..

جربي الشوي معاه و خليه يساعدج

وحلوه فكره الاستيريوو ونااسه

واخذي شمووع ..

يعني نسقي اليوم بيطريقتج و خلي طلعتكم متميزه

خصوصا ان زوجج متحمس للفكره

وربي يوفقكم

 

[مرت راعي التاكسي]

والله انا قعدت اشك بكل بنات القسم وحتى بنفسي

بس بصفي النية واقولج

اذا زهقتي من الفنادق والمطاعم

غيري جو وقعدي ببيتكم والله احلى شي قعدة البيت

 

[تميزي بفكري]

رد : ابي أكشن مع زوجي بروحنا شسوي

alsaqar.،،،،،ثانكس حبيبتي
روحي زوجي،،،،يسلمووو عالافكار الختيرة
ام أبيها /الأميرة جوري يسلموو عالمرور

 

[travel_addicted]

رد : ابي أكشن مع زوجي بروحنا شسوي

اول شي الاكل سووه شوي برجر و عرايس و هالسوالف احس احلى شيى اب هالجو جذي :botetoo:oster_av1:
و يبي وياج جنجفة و اونو و الالعاب اللي تحسين ريلج يحبها
و بعدين زهبيله شي حق بليل بس ديري بالج تدفي عن البرد​

 

[جنون العشق]

ووواي يا حلات الشاي المهيل علي الفحم والقعده الرومنسيه بالبراد


اهي بنفسها اكشن

 

[تميزي بفكري]

رد : ابي أكشن مع زوجي بروحنا شسوي

لمسة حزن ثانكس حياتوووو عالمشاركة القيمة
وجاري التطبيق

 

[تميزي بفكري]

رد : ابي أكشن مع زوجي بروحنا شسوي

مرت راعي التاكسي <<<ماادري شاقولج صراحة
الحين أنا اقولكم اول مرة أشارك وأبي مساعدتكم جذبه تردين علي وتشكين بنيتي
عاد ياربي أنا حساسه ومااحب احد يكلمني جذبه
بعدين أنا ابي اسأل ليش اذا مشتركة جديدة تقطون حجي،،،؟
بعدين انتي يعني تلمحين أني شنو ؟رجال ؟او بنت اي شي؟ ماني فاهمة،،،اتوقع بنات هالنوعية مايحتاجون يسألون عندهم خبرة بس الله يسامحج
ومشكورة عالمرور
واذا علقعدة بالبيت أنا زهقت طقيت من البيت وحتى زوجي كاسر خاطري لأننا نمر بظروف مادية صعبة هالشهرين،،،وزوجي متعود عالسفر ينزل من طيارة يركب طيارة مايحب البيت ومن تزوجت إحنا كل شهر نسافر لو نروح البحرين او السعودية اذا ماكو ميزانية
وانا وزوجي نحب الاكشن واهو هالفترة مجابلني بالبيت وربعة يعزمونه على سفرات على حسابهم واهو رفض عشان جدية ابي ابين له ان مرته مومملة وعندها حركات وفناتك وقعدتها نسوا السفرات والروحات مع ربعه

 

[mr000]

الله يتمم عليكم السعاده يارب..ويهنيكم وين ماكنتوا..اهم شي انج تحبين زوجج وتفكرين اشلون تونسينه وتغيرين له الجو..صدقيني راح يستانس معاج حتى لو القعده بسيطه ومافيها أكشن..ياريت كل الحريم مثلج..يفكرون جذي برياييلهم..موفقه حبيبتي..وان شاءالله البنات يفيدونج بأفكار حلوه..

 

[غلا الكويت 2010]

رد : ابي أكشن مع زوجي بروحنا شسوي

صراحة فكرتج وااااااايد حلوه:eh_s(15):

ييبي معاج شموع واايد بس شموع ريحتها حلوه مو اي شي ههههههههههه ،، وييبيلج بعد كفر حلو لونه ابيض او احمر
وييبي ورد ،،، وييبي معاج لبس يكون مغري
ولا تنسين لبس دافي حق الشوي واللعب
وما ادري اذا نسيت شي :080402ask_prv: البنات اكيد ما يقصرون

خلج مميزه ابكل شي هالليله ابإكلج ولبسج وسوالفج


خلي سوالفج كلها حلوه ولا اتكدرين نفسج وزوجج وانسو كل شي واستانسو

كوني رومانسيه وبينيله انج اتحبيه ،، اخذي معاج استيريو في اغاني رقص ورقصيله ،، وييبي بعد اغاني هاديه ورقصي معاه سلوو

وانشاالله كل شي يكون حلو ومثل ما تبين

وبقولج نصيحه من اخت صكي تليفونج وتليفون ريلج احسنلكم من الازعاج

وانشاالله كل ظروفكم ابتنحل وبترد احسن من قبل لا اتحاتين حبيبتي

 

[ديمي 12]

لاتحطين شموع اخاف لاسمح لله تطيح وحده من الشموع وتحترقون بعيد الشر انشا لله اخذي معاج قصص جنون ادري فكره تخرع بس انا احب القصص هذي في البر يصير الجو رعب وناسه ومواقف تضحك ولاتنسين الكامره علشان تصورون وجربي تركبين البقي وتسون سباق او سوي مسابقه بينج وبينه والفايز ياخذ هديه

 

[شقرا كويتيه]

رد : ابي أكشن مع زوجي بروحنا شسوي

ماعندي فكره بس الله يخليكم لبعض ..

 

[(*ام عهــــد *)]

رد : ابي أكشن مع زوجي بروحنا شسوي

الاكل أهم شى وشوفي شنو الألعاب اللي يحبها

والمفاااااااجاه سوي لعبه قوليله بلاوح شوي وروحي إلبسي دشداشه وشماغ بس لايبين شكلج ومري جدامه بس انتي تكونين مختفيه وهو يدورج لعبه حلوه... واذا مايتقبل مثلا لاتسوينها بس ضبطي جو الخيمه والفجر قوموا للصلاه وخليه هو يأذن لأنها سنه والبر مافي مسجد .. وصلو جماعه وشبو نار وقعدو تريقو ولاشى .......هذي بروحها ترد الروح والله يخليكم لبعض

 

[بنت الواوان]

رد : ابي أكشن مع زوجي بروحنا شسوي

ماشاء الله البنات كفو ووفوا

 

[حورية الشماااال]

الرجال يحب نومه البر يحس برومانسية انتياهني اشتري كل شي جديد ولبسي ودهني جسمج بكريمات اللي خبرج


وعندي لج شي حلو بس استحي اقوله بالعام

 

[Miss McDonald]

رد : ابي أكشن مع زوجي بروحنا شسوي




up
up
up

!

 

[جذابه بنت ذيابه]

رد : ابي أكشن مع زوجي بروحنا شسوي

وايد فكرتج حلوه

جهزي كل شي تبينه بورقة

عشان ماتنسين شي

اول شي

جهزي له الاكل وتفنتكي فيه

في موضوع خاص بقسم الطبخ عن اكلات الخاصه بالبر

اختاري منه الي يعجبج ..

و الشي الثاني جهزي ملابس لج سبور و تدفي و شكلها حلو

ونفس الشي حق النوم ..

لاتنسين السويت ..

اذا ماكان فيه سرير اخذي سليب باق او فرش عادي

براحتج

بس حاولي تكونين معاه

اجمعي نكت و قوليهم له ..

اخذي جنجفه و بلي ستيشن اذا هو يحب يلعب فيها

وسوي تحدي ..

جربي الشوي معاه و خليه يساعدج

وحلوه فكره الاستيريوو ونااسه

واخذي شمووع ..

يعني نسقي اليوم بيطريقتج و خلي طلعتكم متميزه

خصوصا ان زوجج متحمس للفكره

وربي يوفقكم

نفس اللي كنت بقووله


:aha: