ابيه يفهم هذا شي بيد الله

[ورده الكرستال]

السلام عليكم ومبارك عليكم الشهر انا جديده في منتدى انا عندي مشكله وحبيت اخذ من النصايح الزينه واتمنى ما تبخلون علي حبيباتي وتعتبروني وحده من خواتكم مثل ما انا معتبرتكم خواتي انا متزوجه من سنتين وزياده وعندي ولد الله يخليه لي عمره سنتين وزوجي يبيني احمل وصدمني امس يوم يقولي إذا ماحملتي برمضان ماراح يصير خير والي تاخذينه منوراي قطيه تراني مو محللك وانا والله العضيم قاطه الحبوب من 7شهور بس الله ماكتب تخيلو وداني لدكتوره تفحص علي وقالتله انا كلشي تمام ابيه يفهم كرهني في الحمل من كثر ما يحن

 

[العز58]

والله ماادري شقول لج الله يعين

 

[انتظر حبه]

رد : ابيه يفهم هذا شي بيد الله

قوليله من حنتك ماحملت انت وقف من الحنه والله بيرزقني

 

[ورده الكرستال]

رد : ابيه يفهم هذا شي بيد الله

اصلن احنا متفقين لصار عمر ولدي 3اسنين احمل بس فجئه غير رايه الشيخ يقول انتي تبين اتمشيني على كيفك انا متأكده هذا كلام امه الانها الله يهديها قايلتله قدامي ليه مرتك ماحملت يمكن تاخذ شي من وراك وهو عصب عليها وقال اهي ماتاخذ شي الا بشوري بس من عقبها يقول انا مو محللك إذا تاخذين شي اوف مليت من ها الموال

 

[كرز حالي.]

رد : ابيه يفهم هذا شي بيد الله

قوليله اللي ربي كاتبه بيصير وانا قاطه حبوبي من زمان بعد شسوي

 

[@ام ضاري@]

رد : ابيه يفهم هذا شي بيد الله

دام وادج وفحصتي وشاف بعينه ان مافيج شي

ليش اهو ماحلل لنفسه دام قاطعه الحبوب 7 شهور

قوليله روح انت حلل يمكن فيك ضعف دام انا سليمه

والله يوفقج حبوبه

 

[ام كوشه منكووشه]

رد : ابيه يفهم هذا شي بيد الله

عسى الله يهديه انشالله
والله يرزقج بالذريه انشالله

 

[Miss.6Mo7]

إي صح كلآم الاخت , خليه يفحص

 

[كويتيه وافتخر]

رد : ابيه يفهم هذا شي بيد الله

الله يرزقج

 

[فرفوقه]

اللله يعينج
وانشالله الله يفرجها

 

[الفدنه]

قابل الصياح بالصياح تسلم
حبيبتي رايتج بيضا الحبوب وقطيتيها وفحص فحصتي
خليه اهو يروح يفحص
الله يهديه ويرزقكم

 

[نكهةالبرتقال]

الظاهر زوجك شاك إنك تاكلين حبوب من وراه

وضحيله و فهميه إن هرمونات الجسم تحتاج تنتظم بعد ترك الحبوب

 

[.،:"$الـعـوبــــة$":،.]

استغفرالله نفس اللي عندي !!
مرات مخهم يقفل !!
لا بصراحة أنا كذبت عليه وقلتله شايلة اللولب وانا موشايلته !
فعاد هو شك بعمره ! وعصب ! بعدين شلته ! << كان بسوي نفسي بريئة ! بس حرام الكذب برمضان !:ggdw:
المهم عاد ، انتي ماقصرتي ورايتك بيضا ، خليه هو يفحص ، واذا ربي كاتب لكم بيرزقكم الله ان شاء الله ،،​

 

[ورده الكرستال]

رد : ابيه يفهم هذا شي بيد الله

مشكورات حبيباتي امضاري فديتك ماخليتها بقلبي قتله قال انا رجال وما اكلت موانع المصيبه مب هنا لاالشيخ موديني التعالج وذاك ليوم سبحان الله طلع عنده فلوس ودافعا كلها <<كله ماعنده قتله انا مافيني شي إذا تبي العلاج روح انت بعدين سكت فتره بعدها رجع يحن علا العموم مشكورات وماقصرتو حبيباتي على الردود

 

[*سحآبة*]

رد : ابيه يفهم هذا شي بيد الله

اذا كنتي حاطه ف بالج بعد هالجماع تحملين .. غلطانه ! انتي وياه


انسي .. وانسـي ..

وتحملين بإذن الله ....


لأن اذكر سمعت من د.فوزية إن هالحنه والتفكير يمنع الحمل ..< له علاقة بالهرمونات وجذي



موفقة

 

[آهات الليل]

الله يعبينج عليه والله وديه معاج لمستشفى خاص وسوي فحوصات يمكن يصدق كل شي بيد رب العالمين وقوليه سو انته فحوصات بعد وحلفيله عالقران انج ماتاخذين مانع
وانتي شغلي سورة البقره يوميا ابيتج وبصلاتج ادعي انه الله يرزقج بالذريه الصالحه يارب

 

[Cinderella]

allah yhdee shfeeh rylch???? golela lazm tf79 ymkn al3eeb mna mo mnch 3la goltch al7mdllah mafiich shy

 

[رضاهم جنه]

قوليله هذي مناعه مؤقته من الحبوب والله يهديه

 

[كويتيه مذهله 87]

هذا صج مايتفاهم قويله يبا هالشي بيد الله موبيدي تقولي يصير خير اذا ماحملتي اكيد يصير خير

 

[om-7many]

صج الريااايل مايعجبهم العجب انزين ليش يحن يعنيى خلاص اللي الله كااتبه بيصير