ابيكم تكفون توني والده قيصريه لاتخلوني؟!!!

[قمر 777]

بنات توني والده عمليه قيصريه تعذبت بس الحمدالله ع كل حالعندي اساله يتليت تفيدوني
1-الدم اول اسبوع ينزل كانه قطعه جلي عزكم الله عادي؟؟وحاليا ينزل دم لونه فاتح على شكل ساىل نفس العسل لزج ؟؟؟؟
2-اليوم لي 11يىموم وللحين اتسبح بفوطه وامسح جسمي مع انه شال الدكتور الغرزتين. عادي اتسبح ويحوش جرحي ماي وصابون؟؟
3بالنسبه للمشروباترعادي اشرب دارسين وزنجبيل والا حار عالرحم "؟؟؟
4 متى اكل حبوب المانع ؟ابيها تنظفني ومابي يصير حمل ؟؟؟؟ابيها تنزل الدوره فهموني ع طريقتها كلش مو عارفه طريقتها المانع ؟؟اسمع البنات ياكلونها وتنزل اخت نفاس وتضمن انها تنظف عالاربعين؟؟
5-عادي اصعدالدرج لان غرفتي فوق ؟؟
6-تعاملج مع البيبي شلون؟انا تعبت من ولدي كله يبجي بالليل مو قادره انام منه زهقت واحس بتعب وكااااب متي يتنظم نوم البيبي وارتاح وانام ؟؟؟ج
7-علاقتي مع ريلي شلون بتكون مع بيبي؟اخاف الرومانسيه والدلع يروووح ويجي التعب ؟؟؟؟شلون افضى لريلي والبسله بالليل واسهر معاه والبيبي بالقايق يبجي ؟؟؟؟؟؟؟
ومشكورييين ابي ردود عفيه مو تطلون وتطلعون

 

[سنة خير]

الحمد لله على سلامتج حبيبتي
تقدرين تاكلين كل شي طبعا المفيد
بس انا منعوني بالبدايه من الحليب ومشتقاته
لانه يسبب غازات وتنتقل للبيبي والدرج والمشي عادي
ويوم كنت مسويه قيصري كل حد يقولي لازم تتحركين عشان الجرح
اما البيبي شوفي شو الي يعورة يمكن غازات او امساك وبعدين شي طبيعي
من يعدي 3 الشهور بيكون كل شي تمام وبينتظم نومه ان شاء الله
فالبدايه بتعنين انتي وريلج لان الياهل بهده ماانتظم نومه بس بعدها بتسوين الي خاطرج فيه

 

[هيبة ملك]

الحمدلله. ع. السلامة

وعادي. تسبحين. وتنشفين. الجرح


وبالنسبه للبيبي. راح. تعودين. عليه. وعلى. ازعاجه
وتقدرين تاكلين. كل. شي.

 

[Om_RaYomaH]

الحمدلله على سلامتج
عادي تحركي وتسبحي وسوي اللي تحيينه
بس حمام بخار لا
وتحركي عادي بس مو تشدين عالجرح
اذا حسيتي انج شد عليج ريحي شوي
والبيبي عادي توه نفاس صغير ماتعود عالازعاج
ههههه كان ببطن امه مرتاح وطلعوه الله يهديهم
اما زوجج صدقيني بتتدبر لي رحتي
واشتري للبيبي دوا من الصيدلية للغازات من ماركة هيملايا عجييب
يريحه من الغازات وينام
يمكن الحليب مو زين اللي تستخدمينه
وارد واقول تحركي ترا قلة الحركة تسبب بطء بحركة الامعاء
ويجيب الامساك كرمج الله
والامساك مو زين عالجرح الطري
واكلي اللي تبينه
بس كثري فواكه

 

[امـ خــزامـى]

البنات مااقصروا وااحرص على الحركه القعده مو زينه ابدا

والحمدالله على سلامتك

 

[قمر 777]

اب اب يسلمو حياتي انتوووو

اب اب بعد وين البنات

 

[M!SS.LOBY]

الحمدالله عالسلامتج

 

[M!SS.LOBY]

سبحان الله

 

[M!SS.LOBY]

الحمدالله

 

[حبك وسط القلب]

نفس اسألتج ابي استفيد ماباقي شي عن ولادتي قيصرية وبكررر

 

[@أم يوســـف@]

حمدلله على السلامه ومبروك ماجاج

 

[نونا**]

انسي يحوش الجرح ماي ترا ينفتح ،،،،، وتبين تضمنين تنظفين رضعي طبيعي واكلي ادوية النفاس وانصحج بادويه ام خالد الهاجري عجيبه تنظفج عدل ،،،الدارسين والزنجبيل حارين عالعمليه ومايخلونها تخيط عدل من داخل ،،،بخصوص البيبي ترا امانه عندج ولازم تهتمين فيه اهم شي رضعيه وبدليه وكل ساعتين الى ٣ ساعات رضعيه حتى لو مابجى وبخصوص حياتج مع ريلج ماراح تتغير بالعكس راح يزيد غلاج اكثر لانج ام عياله

 

[كل الحلا فحبيبي]

المشي ثم المشي اهم شي هو علاج العمليه وبسرعه تخيط واذا عل الادويه بعد اسبوعبن من نفاسج تقدرين تنفسين عددل والف الحمدلله على السلامه حبيبتي

 

[الروح كالريحان]

انا كنت قيصريه
وعادي تسبحت من طلعت من المستشفئ ع الاسبوع يعني
بس لازم انشف الجرح عدل
واذا خايفه يجيه ماي فيه لصقات بالصيدليه
تنحط ع العمليات نفس مالت المستشفى لصقه شفافه تمنع الماي
حطيها وتسبحي وتالي شيليها
وانا اكلت ادويتي وانا بالمستشفى عادي
مانطرت كلش
محد قالي صراحه انها تضر
والحركه ثم الحركه ثم الحركه
الف الحمدلله عمليتي ماتعبتني عكس بعض الحريم الي اعرفهم من كثر الوسواس والخوف بس منسدحه واخرتها صديد وماخاطت عدل ومشاكل
واكلج حاولي يكون مو ثقيل خفيف
وكثري من الشوربه والسلطه
وسلامتج

 

[الشيخه فطامي]

حمدلله عل سللامتج

 

[Aloe Vera]

اقدر اجاوبج على موضوع البيبي
غير جذي سالي الدكتور احسن لج

البيبي انتي نظمي نومه خليه بالليل بس قاعد بالظلمه
و بالنهار خليه يحس ان نهار
و ترا توه صغير بس تكملين اربعين يوم ان شاء الله ينام اكثر يعني ٥ او ٦ ساعات متواصله بعدها يقوم حق رضعة و يرد ينام

و الرومانسة ماتروح بعد الولادة بس انتي كوني شاطرة و ريحي نفسج و نظمي وقتج و خلي احد يساعدج مثل خادمة و سهاله ان شاء الله
و كلما يكبر اسهل و اسهل