ابيكم تساعدوني

[عسل غلا]

انا عايشه مع اهلي ابوي شديد ومثير للمشاكل وحالتنا حاله الله اعلم بها كان الي مصبرنا الوالده هي تصرف وتابع وكل شي انا الثالثه في البنات اخواتي الكبار متزوجات قبل سنه توفت الوالده وصار الحمل على كاهلي عندي اخوان اربعه شباب واختي ع 15 ماكنت ادري امي وش كانت صابره عليه الله يرحمها تعبت جدا من ابوي اطباعه عصبيته مايبينا نخرج وكنت ادعي اني اتزوج دايما وارتاح المشكله انه كل ماجاء احد بيخطبني فجاءه تتفركش الامور بدون مقدمات الين قبل شهر كنت انتظر ناس كانو بيتقدمولي وماجو تعبت نفسيتي من العذاب احاول احنن قلب ابوي اكسب فيه الاجر لكن بدون فايده تعبت مره ادعي دايمايارب اتزوج خلاص امي قبل كانت فيه كنت مافكرولا اهتم لكن الحين ابي ارتاح موتعبانه من شغل البيت لا الطبخ تعبانه من التجريح وحب الامتلاك واثارة المشاكل مع ان ابوي ع 70 لكن سبحان الله يحب المشاكل احن لامي كثير وينك تشوفين حالي بعدك يايمه ابيكم تنصحوني واللي مايقدر يدعي لي بالستر

 

[قطوووة]

رد : ابيكم تساعدوني

احتسبي الاجر حبيبتي

 

[mona q8]

رد : ابيكم تساعدوني

الله يستر عليج ويرزقج الزوج الصالح
وأنصحج مو أي واحد يتقدم لج توافقين ع أساس تفتكين من المسؤوليه
لأن إذا ماتوفقتي بالأختيار راح تتعبين أكثر
صج اهو نصيب مكتوب منو ومتى يتتزوجين
أنا ما أقدر إلا أدعيلج
عليج بالأستغفار
يارب توفق هذه الفتاه وترزقها بالزوج الصالح اللي يحبها ويريحها من كل المشاكل
ويرزقها بالذريه الصالحه
وتعجل في نصيبها
وتهدي لها والدها

 

[هبونه88]

الله يصبرج ويرزقج كل خير ويستر عليج دنيا وأخره يارب

 

[عاالية]

رد : ابيكم تساعدوني

الله يفرج همومج
ويرزقج بالزوج الصالح الي يسعدج

 

[كوكيية]

رد : ابيكم تساعدوني

حبيبتي مهما يكون هذا ابوووج
و الزواج مو حل!!
الزواج مسؤولية كبييرة
بس الله يكتبلج النصيب الزين إلي يفرح قلبج
ما اقول إلا"الصبر مفتاح الفرج"

 

[شموخ المملكه]

رد : ابيكم تساعدوني

الله يسخر ابوج لك ويسر امرج

 

[galaxy-ENEZA]

حبيبتي عسى ربي يسر امورج ويهديلج ابوج ويسخره لج ويرزقج بابن الحلال الي يستر عليج ويهنيج ويعوضج كل الي عانيتيه وميخالف هذا ابوج وياحظج في غيرج محرومين من كلمة يبه هو شمعة البيت وصدقيني هو لو مايحبكم ما خاف عليكم وحرمكم من الطلعه له اسبابه يمكن مايبي البيت يخلي من حسكم ويبيكم دوم معاه بعد ما فقد الغاليه صدقيني حاس بفراغ وما يستغني عنكم ولا تنسين توها اول سنه على وفاة الوالده الله يرحمها يعني صعبه شوي ولا تنسين تحطين في بالج انه كبير بالعمر والعمر كله يارب ومحتاجكم اثر من قبل معاه ادعيله بالهدايه اللهم اني لا اهدي من احب ولكنك تهدي من تشاء اللهم اهدي والدها لها يارب ويسر امرها وادخل الفرحه لقلبها واعطها ما تتمناه وعليج بالاستغفار واقري قرأن الله يشرحلج صدرج يارب

 

[! هُوْ وِينِه !]

آدعي ربي ليل ونهآر يحنن قلب آبوج عليكم
وعسى ربي يرزقني ويرزقج بآلآزوآج آلصآلحين

 

[Diva-Q8]

رد : ابيكم تساعدوني

انتي مجاهده الصراحه يعطيج العافيه على اهتمامج بالبيت وابوج والله يعوض صبرج خير

 

[مرسى الحزن]

رد : ابيكم تساعدوني

حياااتي اللة اللة يرزقج بزوج الصالح اللي يهنيج ويسعدج ويحنن قلب ابوج عليج :yaaaaaarb::yaaaaaarb:

 

[om lamaar]

اول شي الله يعطيج الصحة والعافية على المجهود اللي قاعده تبذلينه
ثاني شي حبيبتي هذا ابوج وانتي واخوانج ملزومين فيه ادري انه انتي تعانين وان اللي ايده بالنار مو مثل اللي ايده بالماي و بعدين حبيت اقولج ان الله سبحانه وتعالى له حكمة في كل اللي يصير ما تدرين شنو ممكن يصير بعدين وصدقيني ما بعد الضيق الا الفرج وانتي دايما حاولي تكسبين ابوج و ادري ان فقدان الام شي لا يمكن ان يتعوض بس حاول تتاقلمين على الوضع اليديد اذا مو عشانج عشان اختج المسكينه اللي ما شبعت من امج وصدقيني رب العالمين ما يضيع تعبج
وعسى ربي يساعدج ويفك كربتج ويرزقج بالزوج الصالح امين يارب العالمين *

 

[om lamaar]

اول شي الله يعطيج الصحة والعافية على المجهود اللي قاعده تبذلينه
ثاني شي حبيبتي هذا ابوج وانتي واخوانج ملزومين فيه ادري انه انتي تعانين وان اللي ايده بالنار مو مثل اللي ايده بالماي و بعدين حبيت اقولج ان الله سبحانه وتعالى له حكمة في كل اللي يصير ما تدرين شنو ممكن يصير بعدين وصدقيني ما بعد الضيق الا الفرج وانتي دايما حاولي تكسبين ابوج و ادري ان فقدان الام شي لا يمكن ان يتعوض بس حاول تتاقلمين على الوضع اليديد اذا مو عشانج عشان اختج المسكينه اللي ما شبعت من امج وصدقيني رب العالمين ما يضيع تعبج
وعسى ربي يساعدج ويفك كربتج ويرزقج بالزوج الصالح امين يارب العالمين *

 

[شمس 20]

انتي تبين تتزوجين بس عشان تتهربين من ابوج

وهذا بحد ذاته غلط

لاتتزوجين حي الله باجر تندمين ​

 

[ياليل مااطولك]

اختي عسل غلا بنسبة انتي تقولين امك هي من يصرف على البيت لماذا هل والدك ليوجد عندة مال او فقير لنقل ان ابوك فقير مثلا فا الفقر اساس كل شقاء والواجب عدم كثرة الطلبات على والدك والفقر ليس عيب وانتي تقولين ان امك هي من يصرف على البيت هل امك لها تقاعد بعد موتها اي انها خدمت في وظيفتها اكثر من عشرين عام اذا كدا اتوقع ان لها تقاعد اذا لم يكن كذلك لا شي لها اي ليس لها تقاعد وهذا ليس موضوعنا موعوعنا ابوك نعرف ان كبير السن يريد من يتعامل معة معاملة بلين وطيبة لان الله يعطي على الين ملا يعطي على القوة اتوقع لو والدك تتعاملين معة بكل لين سوف تعلوا فية حنان الابوة وطيبة الغريزة وهي غريزة الابوة فيكون لكي نعم الاب وتتغير حياتك -----وادعوا الله ان يفرج همك وهم كل انسان على وجة الارض